Want anth(onis) uute(n) hove al(ia)s zedele(re) geleydt zijnde/ nae des(er) stadt recht voir sijn wettich gebreck/ uuyt crachte van scepen(en) br(ieven) van loeven(en) tot allen/ den goeden beyde have ende erve m(ar)grieten van/ breetzijp soe wair die inder stadt van loeven(en)/ oft bynnen der vrijheyt der selver ghelegen zijn/ hem met janne zedele(re) vorste(r) alle de [selve] goede/ behoirlijc heeft doen leve(re)n ende der voirs(creven) m(ar)gr(ie)[te(n)]/ dach van rechte te comp(ar)e(re)n alh(ier) inde banc voir/ meye(r) ende scepen(en) van loeven(en) doen besceyden/ oft zij heur d(air)tegen hadde willen oppone(re)n/ Ald(air) zij op heden als ten dage van rechte d(air)toe/ dienen(de) niet gecomp(ar)eert en es noch p(ro)cur(eur)/ van hue(re)n wegen den voirs(creven) geleydden/ comp(ar)eerde en(de) trecht voirts v(er)sueken(de) soe/ verre dat de scepen(en) van loeven(en) t(er) maniss(en)
//
smeyers nae dat hen behoirlijck gebleken heeft/ bij cleernissen des voirs(creven) jans zedelers vorsters/ tvoirs(creven) exploit geschiet te zijne gewesen hebbe(n)/ vo(n)nislijck wair de wed(er)p(ar)tie vanden voirs(creven) geleidd(en)/ niet en comp(ar)eert voe(r) den opstaene smeyers ende/ der scepen(en) datmen den selven geleidden vanden/ voirs(creven) goeden houden soude inde macht van zijne(n)/ beleide scepen(en) brieven ende leveri(n)gen alsoe/ verre alst noch voir scepen(en) comen is in scampno/ januarii ix[a]