Nae dien bijden raide der stadt van loeven(en)/ seke(re) decla(ra)tien ende uutsprak(en) zijn geschiet/ septembr(is) xviii lestleden van seke(re)n materien/ van geschille wesen(de) en(de) uuytstaen(de) tusschen/ den edelen en(de) voirsienigen hee(re) he(re)n lod(ewijck)/ pynnock ridde(r) meye(r) van loeven(en) hee(re) tot/ nuwerhorst en(de) velpen ende hoofmeest(er) mijns/ gened(ichs) he(re)n eertsh(er)togen ph(ilip)s van oisterijck/ t(er) eend(ere) ende der selv(er) stadt en(de) hue(re)n regist(er)/ t(er) ande(r) zijd(en) inder mat(en) de selve uutsprak(en)/ d(air) af gedaen vand(er) daet voirs(creven) staen(de) ger(e)/ gistreert op dierste came(r) der selver stadt/ dat uuytwijs(en) es comen de selve h(er) lod(ewijck)/ oft zijn geco(m)mitteerde seggen(de) hoe wel bijd(en)/ voirs(creven) uuytsprak(en) v(er)cleert mocht wesen/ vand(en) diffe(re)nt(ien) tusschen he(m) en(de) der stadt / uuytstaende vand(en) v(er)loepen(en) rinten der/ twee hondert rinsguld(en) aende wed(uw)[e] wijle(n)/ he(re)n nyclaes gondenaels nu t(er)tijt w(er)dynne/ ph(ilip)s hynckart bijd(er) selv(er) stadt nae inhoudt/ vand(en) bescheyde d(air)af wesen(de) h(ier) voirmaels/ ov(er)genomen in wat weerden en(de) manie(re)n/ hem die rinte vand(en) voirleden(en) reste(re)nde/ jae(re)n afge(re)kent soude w(er)den soe en was nochta(n)s
//
voe(r) den toecomen(de) tijt niet verclairt bijd(er)/ selv(er) uuytsprak(en) wes jairlijcx bijd(en) reg(ist)re/ der selver stadt voe(r) de selve ii[c] gulden(en)/ betaelt souden w(er)den bege(re)nde d(air) af de selve/ h(er) lod(ewijck) vorde(r) ende nairde(r) decla(ra)tie en(de)/ specificatie d(air) nae hij en(de) sijn nac(omelinge) hen/ souden hebben te vuegen(e) Es bijd(en) selven/ raide h(ier) op gelet zijnde opde meyni(n)ghe/ en(de) voirnemen(e) in dien uuytgesproken en(de)/ get(er)mineert dat hen v(er)stant en(de) decla(ra)cie/ in desen es dat den selven he(re)n lod(ewijck) oft/ zijn actie hebben(de) altijt voe(r) de voirs(creven)/ twee hondert gulden(en) bijd(er) stadt als voe(r) ov(er)/ genomen betaelt sullen wordden uute(n) registe(r)/ der selver stadt vijf scellinge grot(e) brab(ants)/ voir elken rinsgulden(en) nae inhoudt der / br(ieven) altijt loepen(de) mu(n)ten ende alsoe dat/ den selven he(re)n lod(ewijck) ende zijne(n) nac(omelinge) ind(er)/ manie(re)n voirs(creven) genoech sal moegen wesen/ Geschiet en(de) gedaen inden selven raide/ d(air) bij ende over wae(re)n h(er) jan pynnoc ridd(er)/ en(de) jan van buetsele borg(er)meest(er)s jan/ blanckart henrick vand(en) borch anthonijs/ zedele(re) scepen(en) h(er) mach(iel) abs(oloens) ridd(er) lod(ewijck) vand(en)/ borch joes uut(er) hellicht goirt vanden berge/ jacop de witte arnt van hove jan vanden/ veken(en) willem van ravescote symon h(er)ma(n)s/(christ)iaen de longhe gesworen(en) octobr(is) xi