Want arnold(us) van vroenhoven als p(ro)cur(eur) vr(ouwen) katlijnen/ van oppendorp weduwe he(re)n jans wijlen van bloys ridders
//
geleydt zijnde nae des(er) stadt recht voir sijn wettich gebreck/ uuyt crachte van scepen(en) br(ieven) van loeven(en) tot allen den goeden/ beyde have en(de) erve joes smeyers soe wair die gelegen/ zijn hem met br(ieven) van des(er) stadt gescr(even) aenden meye(r)/ van corttelke oft zijne(n) stadthoude(r) alle de selve/ goede behoirlijc heeft doen leve(re)n ende den voirs(creven)/ joese dach van rechte te comp(ar)e(re)n alh(ier) inde banck/ voe(r) meye(r) en(de) scepen(en) van loeven(en) doen besceyden/ oft hij hem d(air) tegen hadde willen oppone(re)n Aldair/ hij op heden als ten daige van rechte d(air) toe dienen(de)/ niet gecomp(ar)eert en es noch p(ro)cur(eur) van sijne(n) wegen/ den voirs(creven) geleidden comp(ar)e(re)nde en(de) trecht voirts/ versueken(de) soe v(er)re dat de scepen(en) van loeven(en) t(er)/ manissen smeyers nae dat hen behoirlijck gebleken/ heeft bij rappoirte baud(ewijns) bellens des(er) stadt bode/ tvoirs(creven) exploit gesciet te zijne gewesen hebben/ voir een vo(n)nisse wair de wed(er)p(ar)tie vand(en)/ voirs(creven) geleidden niet en comp(ar)eert voe(r) den opstaen(e)/ smeyers ende der scepen(en) datmen den selven geleidden/ vand(en) voirs(creven) goeden houden soude inde macht/ van sijne(n) beleyde scepen(en) br(ieven) ende leveri(n)gen alsoe/ v(er)re alst noch voir scepen(en) comen is in scampno/ nove(m)br(is) qui(n)ta