Want her willem prioer van bertreyes geleydt zijnde nae/ des(er) stadt recht voir zijn wettich gebreck uut crachte van scepen(en)/ brieven van loeven(en) tot allen den goeden beyde have ende erve/ jans raspen ende katlijnen moens zijnd(er) huysvrouwe(n) zoe/ wair die gelegen zijn hem met brieven van des(er) stadt gescr(even)/ aenden meye(r) vand(er) gheten oft zijnen stadhoude(r) te ned(er)winde/ alle de selve goede behoirlic heeft doen leve(re)n ende den selve(n)/ gehuysschen dach van rechte te compare(re)n inde banck voe(r)/ meye(r) ende scepen(en) van loeven(en) oft zij hen d(air)tege(n) hadden/ willen oppone(re)n bescheyden Aldair zij op heden als ten/ geco(n)tinueerden daghe van rechte dairtoe dienende niet/ gecompareert en zijn noch nyema(n)t van hue(re)n wegen/ den voirs(creven) geleidden compare(re)nde ende trecht voirt versueken(de)/ soe verre dat de scepen(en) van loeven(en) t(er) manissen smeyers/ nae dat hen behoirlijck heeft gebleke(n) bij rapporte baud(ewijns)/ bellens des(er) stadt bode tvoirs(creven) exploit behoirlic geschiet te/ zijne vo(n)nislijck gewijst hebben [zoe verre de wed(er)p(ar)tie vande(n) geleidde(n) niet en compareert voe(r) den opstaen(e) smeyers en(de) der scepen(en)] datmen den selve(n) geleidden/ vanden voirs(creven) goede(n) houde(n) soude inde macht van zijne(n) beleide/ scepen(en) brieve(n) en(de) leveri(n)gen alzo verre alst noch voir scepen(en)/ comen es in scampno nove(m)br(is) xix