Dair voe(r) den raide vand(er) stadt comen zijn te gescille/ tegen malcande(re)n de wed(uw)[e] henr(icx) wijlen sruysschers/ woenen(de) te bierbeke en(de) henr(icke) vand(en) gheeten als bede/ sette(r) van bierbeke metten meye(r) van bierbeke ende/ janne de ruyssche(re) inden name van dien vand(en) dorpe/ t(er) eenre ende goirde lyndeman t(er) ande(re) Ald(aer) dierste/ p(ar)tien exhibeerd(en) seke(re) missiven van des(er) stadt gescr(even)/ aenden selven meye(r) van bierbeke gefondeert op dontslach/ van seke(re)n goirts goeden ald(aer) gerasteert voe(r) beede dieme(n)/ den selve(n) goirde van zijne(n) goeden ald(aer) eysschen(de) was/ voirde(r) soe hij seyt dan zijn advena(n)t dwelck was/ tegen sijnd(er) vryh(eit) recht meynen(de) te gestaen(e) metten/ selven sijne(n) advena(n)te te voirde(re) want zijn brued(er)/ een deel d(aer)inne hadde meerd(er) dan tsijne ende/ meest de leengoede oick en hadde hij gheen bewindt/ soe zijn vord(er)s dair gehadt hadden hij was bereet/ als voe(r) zijn advenant te betalen(e) v(er)sueken(de) als voe(r)/ d(aer) mede te gestaen(e) Dair tegen de voirs(creven) yerste/ p(ar)tie r(e)plice(re)nde dede(n) lesen een t(er)mi(n)acie h(ier)op gegeve(n)/ inden raide vand(er) stadt ap(ri)lis xxvi lestleden Ende/ want die goede d(aer) zij bede af eyschten noch/ onv(er)tegen wae(re)n soe sustineerd(en) zij bede te moegen/ sueken aen de selve goede D(aer) zij die gereets wiste(n)/ te crijgen navolgen(de) der selv(er) t(er)mi(n)atien d(aer) zijs/ hen toe gedroegen en(de) verleyt goirt yet voir zijne(n)/ brued(er) hij was d(aer) goetgenoech voe(r) om dat/ aen hem te v(er)halen(e) Es uuyttgesproken p(ar)tien/ int langhe gehoirt en(de) voir oeghen geleet de/ de voirs(creven) voir t(er)mi(n)atie dat zij bleven bijde/ selve voir t(er)mi(n)atie Ende wairt soe dat de
//
selve goirt yet d(aer)inne verleyde voir zijnen/ brued(er) als van onv(er)tegen(en) goeden d(aer)af r(e)s(er)veerden/ zij goirde zijn actie te moegen sueken aenden/ selven zijne(n) brued(er) act(um) in (con)s(ili)[o] op(idi) cor(am) py(n)nock/ buets(ele) burg(imagis)[tr(is)] et plu(r)ib(us) aliis de (con)s(ili)o julii x[a]