Inder saken gecomen ende geport op heden bijd(en) raide/ vander stadt tussche(n) berthout van g(er)wen scoutheyt/ van asten t(er) eende(re) ende janne moele(n)dijcx poirte(r)/ t(er) ande(re) welke berthout den voirs(creven) poirte(r) alh(ier) bescr(even)/ hadde voe(r) seke(re) costen van eend(er) faulte(n) en(de) v(er)reykinghe(n)/ die hij seyde alh(ier) opden poirte(r) gedaen te hebben(e)/ als dat hij niet gecomp(ar)eert en was om zijn sake/ te co(n)tinue(re)n die hij tegen hem uuytstaen(de) hadde en(de)/ d(aer) af de selve poirte(r) op zijne(n) thoon stont gelijck/ seke(re) t(er)mi(n)acien vand(er) daet xxix maii lestled(en)/ dat uuytwijs(en) d(aer) op de voirs(creven) poirte(r) te kennen/ gaff en(de) p(rese)nteerde te thoene(n) dat hij he(m) in dien/ verrast hadde boven ende in (contra)rien van seke(re)n uutstelle/ bij hem ald(aer) ged(aen) van op hope van peyse hopen(de)/ alsoe dat hij noch te vroech op wae(re) om e(n)nighe/ costen te eysschen de voirs(creven) scouth(eit) de co(n)trarie/ sustine(re)nde Es geappointeert dat de voirs(creven) costen/ souden bliven berusten(de) totten ynde vanden pri(n)cipale/ om alsdan d(aer)inne gedaen te wordden alsoe behoe(re)n/ soude ende dat de selve jan acht(er)volgen(de) der voirs(creven)/ t(er)mi(n)acien noch dach nemen soude om zijnen/ thoon te leyden in (con)s(ili)[o] opidi julii xix