SAL7393, Akte: R°270.2-V°278.1 (456 van 692)
Akte R°270.2-V°278.1
met 2 bijvoegingen
Act
Datum: 1500-02-20
Transcriptie
2020-10-27 door helga peetersNae dien van wegen willems dorekens poirt(er)s/
van des(er) stadt te kynnen es gegeven met brieven/
vand(er) selv(er) stadt aenden scoutheyt van endoven/
oft den hee(re) ald(air) hoe dat hij gevuert hadde/
geweest bijden selve(n) scouth(eyt) opt slot van crane(n)donck/
ende ald(air) ende ald(air) in ombehoirlijcke geluften van/
borchtochten met crachte(n) en(de) gewelt ende sonder/
recht gebracht ende gesteken sijnde wed(er)om bracht/
was geweest inde banck van endove(n) meynen(de)/
den selven ald(air) te pramen en(de) te laste te bringhen(e)/
en(de) ald(air) op hem met vo(n)nisse en(de) rechte te p(ro)cederen(e)/
met manen(e) en(de) de scepen(en) ald(air) te wisen(e) voe(r)/
ombehoirlijcke ticht(en) die op hem metter wairh(eit)/
niet en souden wordden bevonden mair d(air)af/
hij hoepte allessins ongehouden te zijne dwelc/
gedroech tegen de h(eer)lijch(eit) ons gened(ichs) he(re)n en(de)/
trecht vand(er) porterien soe v(er)re dat mette(n) selve(n)/
brieve(n) den scouth(eyt) voirs(creven) dmanen en(de) den scepen(en)/
ald(air) dwijsen w(er)t verboden Bij alsoe oft zij den/
poirte(r) voirs(creven) yet wouden betichten civilijc oft/
c(ri)mineelijc dat sij dat quame(n) doen tot eene(n) seke(re)n/
gelegen(en) daige alh(ier) voe(r) meye(r) en(de) scepen(en) van des(er)/
stadt Ald(air) godevairt hondert scellinck als p(ro)cur(eur)/
he(re)n frederix greve van bue(re)n he(re)n van yselsteyn
//
en(de) van crane(n)donck ridd(er) aenlegge(r) gecomp(ar)eert/ is inde banck voe(r) meye(r) en(de) scepen(en) alhier/ tegen den voirs(creven) poirte(r) als verw(er)de(r) seggen(de) en(de)/ te kynnen geven(de) een seke(re) certificatie onder/ segele(n) der scepen(en) van endoven geexpedieert/ die hier nae volght van woirde te woirde/ Wij ludolf lucas soen dirck willems soen vand(en)/ berghe pet(er) janss(one) van aldenhoven en(de) ad(ri)aen jan/ plattijnhouwers scepen(en) in endoven tugen en(de)/ certifice(re)n voe(r) die gerechte wairheyt en(de) doen/ kentlijken eenen yegelijken die dese tege/ woirdige litte(re)n van c(er)tificatien sullen sien/ oft hoiren lesen dat de officie(re)n ons liefs he(re)n/ des greven van bueren van leyerdam hee(re)n/ tijsselsteyn ind(er) kraendonck in zijne voirs(creven)/ heerlijch(eit) van kraendonck bynnen sijnre/ stadt van eyndoven eene(n) man geheyten/ willem soen wilneere willems dor(n)kens/ hebben gevangen en(de) aengetast o(m)me seke(re)n/ misgrijpe dat de voirs(creven) willem hom misgae(n)/ en(de) misdragen heeft aenden vorste(r) ons voirs(creven)/ lieven hee(re)n in sijnre heerlijch(eit) van eyndoven/ welke vorste(r) ten v(er)suecke en(de) beg(er)ten seke(re)/ p(ar)tien in p(rese)ntien van scepen(en) uuyt crachten/ van v(er)reycten en(de) gewijsd(en) vo(n)niss(en) aenden/ voirs(creven) willem(me) sachte alsoe dat nae der/ bancken en(de) stadt rechten van eyndoven/ behoirde en(de) sculdich was te geschieden/ t(er) causen van drie mudden roggen eens/ en(de) schade van rechte d(air)af hem de voirs(creven)/ willem wederspa(n)nich in maicte en(de) den selven/ vorste(r) op die steenstrate ter eerden neder/ warpe o(m)me dies gerichts wille niet
//
tegenstaen(de) dat de voirs(creven) willem uuyt/ crachte(n) des voirs(creven) gewijsd(en) vo(n)niss(e) ten v(er)sueke/ der voirs(creven) p(ar)tien d(air) vo(n)nislijc in condempneert/ was d(air)af de selve willem acht(er)volgen(de) en(de)/ uuyt crachte(n) desselven gewijsd(en) vo(n)nisse en(de)/ aengerichte den voirs(creven) p(ar)tien vand(en) pri(n)/ cipalen en(de) oick vanden costen van rechte/ in dien d(air)op gedaen v(er)nueghde en(de) te/ vreden stelde d(air)o(m)me peter en(de) jan des voirs(creven)/ willems wettige broeders met scepen(en) van/ eyndoven quamen op craendonck en(de) v(er)sochten/ eendrechtelijck(e) den voirs(creven) willem(me) te rechte inder/ voirs(creven) bancken van eyndoven nae der selver/ bancken ende stadt rechte alsoe p(rese)nteerde onse/ voirs(creven) lieve hee(re)n de greve (et)c(etera) den voirg(enoemde)/ willem(me) van sijne(n) voirs(creven) mesgrijpe ende/ misdade te rechte te doen stellen(e) inder voirs(creven)/ stadt en(de) bancken tot eyndoven dair hij dat/ mesgrijp gedaen hadde en(de) aengetast was/ ofte inder stadt van loeven(e) ofte in e(n)nigen/ vanden hooftsteden van brabant tot wat plaetss(en)/ van dien hem dat beliefd(e) en(de) hem egheenss(ins)/ buyten recht te laten hante(re)n Alsoe consenteerde/ onse voirs(creven) lieve hee(re)n de greve ten v(er)sueke/ en(de) beg(er)ten des voirs(creven) willems en(de) sijnre p(ar)tijen/ den voirs(creven) willem(me) inder stadt en(de) bancken van/ eyndoven rechts van desen te doen pleghen/ gelijc dat zijt beg(er)den en(de) versochten en(de)/ geloefden d(air)voir die voirs(creven) pet(er) en(de) jan/ des voirs(creven) willems broede(re)n den selven/ willem(me) honnen brueder alsoe en(de) in dien/ te hebben(e) onsen voirs(creven) lieven hee(re)n in zijnre/ voirs(creven) stadt en(de) dingbanck van ey(n)dove(n) te rechte
//
te staen ende tgewijsde d(air)af te voldoene/ d(air)hij inder selver bancken ofte van honnen hoofde in condempneert soude wordden acht(er)volgen(de) den/ brieven dier geloeften voir scepen(en) d(air) opgemaect/ en(de) passeert vand(en) welken die voirs(creven) willem/ hem opten genecht dach inden gerichte ald(air)/ te rechte te staene af verboet en(de) p(re)senteerde/ van welcken mysg(ri)pe die amptman shoofs/ van craendock inden name vanden hee(re)/ opten selven genecht dach den voirs(creven) willem(me)/ inden geba(n)nen gedinge mit rechte een bescr(even)/ aensprake gaf gelijc hij begheerde ende/ onse(n) voirs(creven) lieve(n) hee(re)n hom gep(rese)neert hadde(n)/ welke voirs(creven) aensprake de voirs(creven) willem/ ontfinck ende beg(er)de d(air)af copie en(de) dach van/ beraet ten naisten genechte in xiiii daigen/ d(air)nae want de aensprake c(ri)mineelijck(e) was/ en(de) beg(er)d(en) d(air)op vand(en) richt(er) gemaent te hebben(e)/ d(air)hij nae manisse des richt(er)s met vo(n)nisse/ der scepen(en) van eyndoven en(de) met rechte/ toegewesen wert sijn voirs(creven) beraet ten/ naisten genechte en(de) die copie der ae(n)spraken/ te hebben(e) dat hem alsoe gesciedde Alsoe/ sijn die vrinden des voirs(creven) willems ten/ naiste(n) genechte in xiiii dagen d(air)nae comen/ metter stadt bode en(de) br(ieven) van loeven(e) nae inhoud(en)/ der selver stadt br(ieven) verbieden(de) den scouth(eyt) van/ manen en(de) den scepen(en) van wijsen over den/ voirs(ceven) willem(me) niet tege(n)staen(de) dat de voirs(creven)/ willem ald(air) in rechte getreden was en(de)/ sijn voirs(creven) broeders ald(air) voir hem rechts/ begheerden v(er)sochten en(de) geloefden ten eynde/ vander saken te verwachten en(de) tghewijsde/ d(air)af te voldoene ende des torconden hebben
//
wij onse segelen hier aen gehangen gedaen/ tweyntich dage in nove(m)bri duysentvierhond(er)t/ negen ende negentich ja(r)e Ende oic eenen/ scepen(en) brief van obligatien der selver scepen(en)/ van eyndoven voirs(creven) d(air)af de tenue(r) h(ier)nae volght/ Wij pet(er) janssone van aldenhoven ende ad(ri)aen/ jan plattijnhouwers soen scepen(en) in eyndoven tuyge(n)/ onder onsen segele(n) dat voir ons comen es jan van/ arckell rentmeest(er) mijns liefs he(re)n des greven van/ bueren (et)c(etera) in sijnre heerlich(eit) van craendonck met/ pete(re)n en(de) jannen gebroede(re)n kinde(re)n wilneer wille(m)/ doernkens en(de) seyden dat willem soen wilneer/ willem doernkens met uuytgerecten vinge(re)n op/ kraendonck ten heyligen gesworen en(de) geloeft/ heeft op hom en(de) op allen sijn gueden hebben(de)/ en(de) v(er)crigen(de) dat hij mijne(n) voirs(creven) lieven hee(re)n in/ sijnre stadt en(de) dingbancken van eyndoven ald(air)/ te rechte te staen trecht te verwachten en(de) tgewijsde/ te voldoene van alle des gheens dat m(ijn) lieff/ hee(re) voirs(creven) oft sijne officie(re)n den voirs(creven) willem(me)/ met rechte aenspreken Ende d(air) hij vanden wet/ houders der stadt van eyndove(n) oft van honnen/ hoofde in geweesen ofte gecondempneert sall/ wordden te voldoene Ende oft de voirs(creven) willem/ des rechts van desen inder dingbancken tot eyndove(n)/ niet en verwachte noch tgewijsde d(air)af niet/ en voldede soe geloven d(air)voir de voirs(creven) pet(er)/ en(de) jan doernkens des voirs(creven) willems bruedere(n)/ op hon en(de) op allen honne gueden den voirs(creven)/ will(el)men honnen broed(er) alsoe en(de) in dien te/ hebben(e) te voldoene in alle manie(re)n gelijc h(ier) voirs(creven)/ is ofte selfs in honnen p(er)sonen en(de) gueden d(air)voir/ in te staen en(de) te voldoen van alles dair de voirs(creven)/ willem honne broed(er) van desen in gewesen en(de) met/ recht in gecondempneert sal wordden Gedaen twee
//
daige in nove(m)bri duysent vierhondert negen/ en(de) negentich jair Ende die geexhibeert en(de)/ gelesen zijnde heeft de voirs(creven) scouth(eyt) gesustineert/ datmen niet bevi(n)den en soude dat willem/ doernkens poirte(r) e(n)nige porterie geallig(er)t hadde/ ten tijde van sijne(n) aentaste voe(r) oft nae wair/ bij hij hoepte nad(en) voirs(creven) voir geschieniss(en) ind(en)/ certificatie(n) en(de) ande(re) scepen(en) br(ieven) van endoven/ begrepen dat de voirs(creven) poirte(r) tot eyndoven/ voirs(creven) soude sijn gere(n)voyeert hem des gedragen(de)/ totten rechte p(rese)nte(re)nde de selve scouth(eyt) inden/ name als voe(r) de selve pointen te thoenen(e)/ opdats behoefde ende de selve mett(er) voirs(creven)/ c(er)ificatien en(de) ande(re) br(ieven) niet te vreden en wa(r)en/ en(de) altijt metten mi(n)sten d(air) hij in rechte [mede] soude/ moegen lijden D(air)op de poirte(r) hem v(er)ant/ werden(de) heeft gesustineert t(er) (contra)rien te kynnen/ geven(de) hoe ende in wat manie(re)n sij met/ hem o(m)megegaen hadden int vangen en(de) ewech/ vue(re)n dair hij bij sijns brueders ackerlud(en) was/ int velt en(de) hoe dat sij hem ewech vuerden sond(er)/ trecht vand(er) banck ten v(er)sueke van sijne(n) vrinden/ ald(air) te willen doen ende hoe dat hij sijnder/ porterie(n) noit afgegaen en was noch in rechte/ gehecht hoe wel zijn vrinden hem gevangen/ sijnde e(n)nige geluften voe(r) hem mochten hebben/ gedaen dair hij noch bij nochnae over geweest/
en hadde hopen(de) dat hem die hanteri(n)ge egheen
acht(er)deel dragen en soude noch sculdich en wa(r)e/
te dragen(e) (con)cluderen(de) t(er) (contra)rien vanden voirnemen(e)/
des voirs(creven) scouth(eyt) te weten(e) dat in gevalle hij/
hem e(n)nichssins betijden woude c(ri)minelijc oft/
civilijc int pri(n)cipael van e(n)nig(en) saken/
die de selve scouth(eyt) inden name als voe(r)/
hem oft zijnen borgen soude willen opleggen/
dat hij dat sculdich soude zijn alh(ier) te doene
//
hem des gedragen(de) totten rechte Dair tegen/ de p(ro)cur(eur)s des he(re)n van ijselsteyn voirs(creven) r(e)plice(re)nde/ tendeerde altijt tot sijnen voirnemen(e) van sijnder/ voirs(creven) conclusien Ende de voirs(creven) poirte(r) altijt/ t(er) (contra)rien p(rese)nte(re)nde de selve poirte(r) de pointen/ bij hem geallig(er)t oick te thoon(en) ende altijt metten/ mi(n)sten dair hij mede lijden mochte in rechte/ soe v(er)re dat de scepen(en) t(er) maniss(en) smeyers de/ voirs(creven) p(ar)tien in w(er)sijden tot hue(re)n thoene hebben/ gewesen met hue(re)n vo(n)nisse tot eene(n) seke(re)n gelegen(en)/ daige bij p(ar)tien d(air)toe genomen Ald(air) de voirs(creven)/ aenlegge(r) gethoent heeft seke(re) pointen in seke(re)/ sijne int(er)rogator(ien) begrepen die h(ier) nae volgen/ metter depositien vand(en) p(er)soenen d(air)inne staen(de)/ ende de voirs(creven) verweerde(r) heeft insgelijcx/ ov(er)gegeven div(er)se ar(ticu)[len] bij manie(re)n van int(er)ro/ gatorien d(air)af de tenue(r) als voe(r) h(ier)nae oick/ volght ende des d(air)op gedeponeert is bijd(en)/ p(er)soene(n) d(air)op staende/ Int(er)rogatorien godev(ar)t hondert scellincx/ als p(ro)cur(eur) he(re)n frederix greve van bueren/ hee(re) van ijselsteyn (et)c(etera) en(de) van crane(n)donck/ ridder aenlegge(r) tegen willem(me) doernke(n)s/ poirte(r) van des(er) stadt verwerde(r) (et)c(etera)/ Inden yersten begheert de voirs(creven) p(ro)cur(eur)gemaent/
gemaent te hebben(e) ludolfve luccasone diericke/
vanden berghe ad(ri)ane jans plattijnhouwerssone/
en(de) pete(re)n van aldenhove(n) oft zij niet en zijn/
scepen(en) inder stadt en(de) banck tot eyndoven de/
voirs(creven) p(er)sone(n) hebben tvoirs(creven) ar(tik)[el] geaffirmeert/
alsoet staet/
Item beg(er)t de voirs(creven) p(ro)cur(eur) gevisiteert te hebben(e)/
en(de) gelesen eene c(er)tificatie met vie(r) segelen besegelt/
en(de) den selven scepen(en) gemaent te hebben(e)
//
oft hen niet kynlijck en es dat alle stucken/ geschiet zijn inder selver maten de selve c(er)tifica(ti)[e]/ begrijpt de voirs(creven) getuygen hebben tvoirs(creven)/ ar(tik)[el] geaff(ir)meert alsoet steet/ Item beg(er)t noch insgelijcx gevisiteert en(de) den/ selve(n) scepen(en) gelesen te hebben(e) eene(n) scepen(en)/ brief van eyndoven en(de) den selven scepen(en) gemae(n)t/ oft zij dien brief houden voe(r) aucte(n)tijck It(em)/ alle de voirs(creven) getuygen hebben geaff(ir)meert dat/ zij den brief houden voe(r) auctentijck ende de/ twee clee(re)n dat zij over den selve(n) brief geweest/ hebben/ Item den selve(n) scepen(en) van eyndoven oft hen/ niet kynlijc en es dat den voirs(creven) scepen(en) br(ieven)/ geloeft es bijden p(er)soene(n) d(air)inne begrepen sond(er)/ dat de selve p(er)soenen met e(n)nigen bedwange/ fortsen oft gewonde dat gedaen hebben mair/ hebben dat gedaen huers goets moets wille(n)/ de twee scepen(en) die over de geloefte gestaen/ hebben hebben gecleert dat ombedwonghen/ de geloefte voir hen es gesciet/ Item den selven oft de voirs(creven) willem doernke(n)s/ oyt voe(r) oft nae vermaent heeft oft gealligeert/ de porterie van deser stadt Alle de voirs(creven)/ getuygen hebben geaff(ir)meert tvoirs(creven) ar(tik)[el] alsoet/ steet/ Int(er)rogatorien willems dornkens/ poirt(er)s van lov(en) verweerde(r) tegen den/ hee(re) van ysselsteijn oft sijne(n) scoutheyt/ teyndoven aenlegge(r)/ Ierst om deswille dat de hee(re) van ijselsteyn zoe/ heetelijck tendeert om te hebben(e) tre(n)voy dwelc/(contra)rie der heerlijch(eit) mijns gened(ichs) he(re)n en(de) der goeder/ stadt recht van loeven(e) es gefundeert hoe
//
wel nochtans de questie tot nochtoe niet voirde(r)/ gerust en heeft noch en rust Soe es van ov(er)/ slage de voirs(creven) willem verweerde(r) te vreden datme(n)/ mane janne steve(n)s en(de) janne plattij(n)houwers dwese(n)/ en(de) manie(re) hoe heyn van ha(m)me te diertijt diene(r)/ m(ijns) he(re)n van ijselsteyn wel bij drancke zijnde den voirs(creven)/ willem(me) van acht(er) omslagen heeft ende soe tsamen/ neder ter eerden gevallen sijn sonder e(n)nige kijfelijke/ woirden tsamen te hebben(e) Ende oft de selve willem/ niet en ghinck goets moets wille(n) metten selven/ diene(r) ende oft hij willem dair yema(n)de stiete sloech/ oft quetste ende oft willem d(air)nae niet en v(er)nueghde/ sijnd(er) p(ar)tien tpri(n)cipael en(de) den dienae(r) sijn costen/ jan stevens cleert op dit yerste ar(tik)[el] dat de diene(r)/ willem(me) geva(n)gen nam van acht(er) en(de) dat zij vielen/ en(de) worstelden mair en weet van egheen(e) quaden/ woirden anders dan dat willem seyt laet my/ op staen ic wil g(er)ne geva(n)gen gaen mair vand(en)/ vernuegen(e) vand(en) pri(n)cipale(n) en(de) costen en weet/ hij niet jan plattijnhouwe(r) aff(ir)meert tvoirs(creven)/ ar(tik)[el] gelijc de voirs(creven) jan steeve(n)s geseet heeft/ desgelijcx salmen manen tvoirs(creven) ar(tik)[el] den voirs(creven)/ heynen van ha(m)me oft hem willem inden ae(n)tast/ geslagen gestoten oft gequetst heeft oft e(n)nige/ kijfelijcke woirden gegeven op dit voirs(creven)/ ar(tik)[el] cleert henr(ic) van ha(m)me dat inden ae(n)tast/ bij hem gedaen willem hem die tuyght t(er) eerden/ wierp ende dat hem dande(r) dieners te baten/ moesten comen mair vanden quetsen oft/ quaden woirden en weten zij niet/ Item men sal manen pete(re)n yngelants dienae(r)/ mijns he(re)n van ijselsteyn tot eyndhoven oft hem/ niet kynlijck en es dat hij als dienae(r) comen/ es met eene(n) van m(ijns) he(re)n van yselsten knechten/ aenden voirs(creven) willem(me) doernkens dair hij bij/ sijns brueders ackerliede was opt velt hem
//
seggende ghij willem ghij moet comen tot/ eyndoven om getuygenisse te dragen vanden/ clercke die d(air) gequetst es hem alsoe ewech/ leydende tot eyndoven in een h(er)berge tot zijnd(er)/ sust(er) huys Op dit voirs(creven) ar(tik)[el] heeft pet(er) gecleert/ dat willem doernkens met hem gegaen is/ mi(n)lijck tot sijnd(er) sust(er) huys om met eene(n) man/ te spreken(e) mair dat hij met hem ghinck/ om getugenisse te dragen over eene(n) clerck/ d(air) en weet hij die tuyght niet af ende dat/ dit geschiedde tot pet(er)s v(er)sueke dat willem doernke(n)s/ met hem ghinck/ Item den selven ende oick willem(me) vanden/ berge ende le(m)men maes salmen vragen/ oft zij niet d(air) bij en wa(r)en dair de dienae(re)n/ mijns he(re)n van ysselsteyn voirs(creven) den voirs(creven)/ willem(me) wed(er)om van dair ewech leydden/ tot pet(er)s van rode huys ende dat de selve/ dienae(re)n hen ald(air) ghingen wapen(en) en(de) dat/ zij ald(air) t(er) stont deden comen een p(er)t d(air)op/ zij den selven willem(me) trotsten vue(re)nde den selve(n)/ van dair te crane(n)donck opt huys Op dit/ voirs(creven) point cleert pet(er) yngelra(m)s dat hem/ kynlijc es dat willem quam ten huyse/ pet(er)s van rode metten dieners mair tsurpl(us)/ vand(en) ar(tic)[le] en weet hij die tuyght niet/ willem vand(en) berge cleert dat tvoirs(creven) ar(tik)[el]/ hem kynlijc es le(m)men maes aff(ir)meert/ oick dat hij sach dat zij den poirte(r) leydd(en)/ totten huyse pet(er)s van rode en(de) dat zijt(er) nad(er)/ hant ewech vuerden tot crane(n)donck te p(er)de/ Item men sal mane(n) diericken vand(en) berge ludolfve/ lucassone ad(ri)ane de plattij(n)make(re) en(de) janne/ van acht alle vie(r) nu scepen(en) tot eyndoven/ en(de) oick den voirs(creven) willem(me) vand(en) berge en(de) le(m)men/ maes oft hen niet kynlijck en es dat int/ wechvue(re)n uuyter stadt van eyndoven de vrinde(n)
//
desselfs willems ald(air) quame(n) met vier scepen(en)/ roepen(de) en(de) bege(re)nde datme(n) den selven willem(me)/ der stadt recht dade van eyndoven oft dat zijte(n)/ mochten verborgen voir duysent gulden(en) en(de) voir/ de vroente ende dat hen dat niet gebue(re)n en/ mochte mair dat zijten d(air)enboven ewech vuerden/ te crane(n)donck voirs(creven) als voe(r) dierick vand(en)/ bergge ad(ri)aen de plattij(n)make(re) affirme(re)n tvoirs(creven)/ ar(tik)[el] alsoet steet jan van acht aff(ir)meert oic/ tvoirs(creven) ar(tik)[el] mair en weet niet wair hij/ gevuert wert willem vand(en) berge seet dat/ hij dair niet bij en was dair de vrinden/ trecht van eyndoven versochten en(de) en weet/ niet wair hij gevuert werdt mer heeft/ den poirte(r) sien uuytvue(re)n le(m)men maes/ cleert dat hij gehoirt heeft datten de vrinden/ te rechte yesschen ende heeft den poirte(r)/ sien uuytvue(re)n mair en weet niet wair hij/ gevuert wert/ Item den selven le(m)men maes salmen vragen oft/ hem niet kynlijc en es dat hij int wech vue(re)n/ navolghde ende dat mijns he(re)n van ysselsteyn/ dienae(re)n hem die tuyght alsdoen eene(n) geladen(en)/ boge met eene(n) pijle voir zijn borst hielden/ om hem te doerschieten om deswille dat hij nae / volghde Op dit voirs(creven) ar(tik)[el] cleert de voirs(creven)/ le(m)men maes dat hij den boge hiel op sijn hertte/ mair en weet niet oft hij schieten woude en(de)/ hiet hem die tuyght wed(er) o(m)me gaen/ Item men sal manen den voirs(creven) ludolve lucassone/ en(de) ad(ri)ane de plattij(n)make(re) beide als scepen(en) van/ eyndoven ende willem(me) jans van strijpt oft zij/ vand(en) borg(er)meeste(re)n van eyndoven en(de) mette(n) vrinden/ des voirs(creven) willems des ande(re)n daighs smorgens/ vroech niet en volghden den voirs(creven) willem(me) te/ crane(n)donck w(er)t dair hij gevuert was als voe(r)
//
om te vernemen wes mijn hee(re) van ijsselsteyn/ den selven poirte(r) bethijden wouden en(de) oft hijten/ woude laten verborgen oft hem te rechte stellen/ de voirs(creven) getuygen hebben tvoirs(creven) ar(tik)[el] gecleert/ alsoet steet/ Den selven oft hen niet kynlijc en es dat zij/ die tuygen aen mijne(n) hee(re) van yselsteyn alsdoen/ begheerden ende versochten datmen nae inhoudt/ der stadt p(ri)vilegien van eyndoven den voirs(creven) willem(me)/ ontslaen soude ende teyndoven te rechte bringen/ p(rese)nte(re)nde den selven te verborghen Ende dat/ mijn hee(re) doen seyde ic wil my d(air)op beraden/ ende oft mijn hee(re) dair nae niet en gaf voir/ sijn antw(er)de seggen(de) soe v(er)re willem ten heylige(n)/ swe(re)n wilt den hee(re) van crane(n)donck oft zijne(n) officie(re)n/ te rechte te staene inde banck van eyndoven/ en(de) trecht ten ynde te verwachten en(de) tgewijsde/ te voldoene van tgene des ic oft mijn officie(re)n/ hem sullen moegen bethijden ende oft willem/ d(air)inne gebreckelijc wa(r)e ende tselve alsoe niet/ en volvuerde dat de vrinden desselfs wille(m)s/ dan vallen souden aenden hee(re) van crane(n)donck/ in een pene van dusent rinsg(ulden) soe v(er)re de/ selve willem bevonden wordde co(n)trarie zijne(n)/ eede gedaen te hebben(e) Ende dat de/ vrinden desselfs willems hen d(air)op [als] doen/ berieden ende dat pet(er) doernkens wille(m)s/ brueder selve voir een antw(or)de gaff m(ijns)/ hee(re) voirs(creven) in p(rese)ntien van hen die tuygen/ dat hij ende sijn brueder gherne borge(n) bliven/ wouden voe(r) hue(re)n brued(er) die inden diefstoc/ zwairlijc geva(n)gen lack den welken zij/ sien noch spreken en mochten voe(r) de so(m)me/ van duysent rinsgulden(en) behalven dat zij mette(n)/ man wed(er) te leve(re)n altijt mochten gestaen
//
soe sculdich ende soe onsculdich als hij op die/ ure was oft oic voir tgene des mijn hee(re)/ met rechte op hem soude co(n)nen gewynnen/ Ende dat mijn hee(re) van ijsselsteyn doen seyde/ als ghij d(air)inne soudt willen res(er)ve(re)n e(n)nich/ behalven soe willicken dan selve bringen/ voir sijn porte oft te bossche oft teyndoven / seggende voirts ic sal dese poirters soe uuyt/ richten ende ic soude hem soe saen sijnen/ hals af slaen als ic die smicke oft ketsore/ ewech worpen soude ende dat zij die tuygen/ metten vrinden des voirs(creven) willems alsoe van/ dair schieden laten(de) ald(air) den voirs(creven) willem(me)/ den geva(n)gen(e) sonder den selven willem(me) ald(air)/ gesien oft gesproken te hebbene Op dit/ voirs(creven) ar(tik)[el] cleert ludolf lucass(one) dat hem/ kynlijc es dat hij metten ande(re)n getogen is/ bij mijne(n) hee(re) van yselsteyn om te v(er)sueken(e)/ nae inhoudt dartikel ende dat mijn hee(re)/ hem p(rese)nteerde trecht van eyndoven oft eld(er)s/ dairt hen geliefde te bruessele loeven(e) oft eld(er)s/ mair vanden surplus inden voirs(creven) ar(tic)[le] begrepe(n)/ en weet hij niet en weet oic niet hoe die/ poirte(r) geva(n)gen sat ad(ri)aen de plattij(n)make(re) aff(ir)meert/ tvoirs(creven) ar(tik)[el] gelijc de voirs(creven) ludolf lucassone/ ged(aen) heeft ende dat mijn hee(re) hem trecht / p(rese)nteerde als voe(r) den vrinden ende dat/ mijn hee(re) oic seyt onder dander worden/ de poirte(r) mocht soe vele mesdaen hebben/ hij soude hem sijne(n) hals doen afhouwen/ willem jans aff(ir)meert tvoirs(creven) ar(tik)[el] gelijck/ de voirs(creven) ad(ri)aen de plattijnmake(re) mair en/ weet niet hoe dat de poirte(r) geva(n)gen sat/ Den selven oft hen niet kynlijc en es dat/ te dier tijt de scerp cock oft hangdieff
//
aldair opt huys te cranendonck oic was/ op dit voirs(creven) ar(tik)[el] cleert ludolf datmen/ seyt dat hij dair was mair en saighs/ niet Ad(ri)aen seet dat hem een gewesen/ was diemen seyt dat de scerp cock was/ mair hij en kindes te dier tijt niet wille(m)/ jans hoerdet ald(air) seggen dat de scerp cock/ dair was mair en kyndes niet/ Item den selven oft hen niet kynlijc en es/ dats corts dair nae een geheeten jan van/ erckele die facteur en(de) rintm(eeste)r es mijns/ he(re)n van ijsselsteyn voirs(creven) es gecomen tot/ eyndoven bijde vrinde des voirs(creven) willems/ bringende met hem een cedulle me(n)tie/ makende hoe de voirs(creven) willem hem v(er)bonden/ hadde dwelc alsoe nochtans niet en was/ geschiet bege(re)nde de selve cedulle hier/ gelesen te wordden(e) in manie(re)n van int(er)rogatorie(n)/ d(air)af de tenue(r) hier nae volght willem/ soen willneer willem doernkens heeft met/ uuytgereycten vinge(re)n ten heyligen gesworen/ en(de) geloeft op hem en(de) op allen sijn gueden/ hebben(de) ende v(er)crijgen(de) dat hij mijne(n) lieven/ hee(re)n van yselsteyn in sijnre stadt en(de) ding/ bancken van eyndoven ald(air) te recht te staen/ trecht te verwachten en(de) tgewijsde te voldoene/ van alle des gheens dat my lief hee(re) voirs(creven)/ oft sijne officie(re)n den voirs(creven) willem(me) met/ rechte aen spreken Ende dair hij vanden/ wethouders der stadt van eyndoeven ofte/ van ho(n)nen hoofde in gewesen oft geco(n)de(m)p/ niert sal werden te voldoene Ende oft/ de voirs(creven) willem des rechts van desen inder/ dingbancken tot eyndoven niet en verwachte/ noch tgewijsde d(air)af niet en voldede soe
//
geloven dair voir peter ende jan doernkens/ des voirs(creven) willems broede(re)n op hen en(de) op huer/ goeden den voirs(creven) willem(me) hue(re)n bruede(r) also/ en(de) in dien te hebben(e) te voldoene in alle/ manie(re)n gelijc h(ier) voirs(creven) es ofte selffs in ho(n)nen/ p(er)sonen en(de) gueden d(air) voir in te staen ende te/ voldoene van alles dair de voirs(creven) willem/ hen broed(er) van desen in gewesen en(de) met/ recht in condempneert sal wordden Testes/ peter van aldenhove(n) ende ad(ri)aen plattij(n)houwers/ act(um) ii daige in nove(m)bri a(n)no (et)c(etera) xcix Ende/ d(air)entinden salmen vragen den scepen(en) inde/ selve cedulle geruert te weten(e) pete(re)n van/ aldenhove(n) en(de) ad(ri)ane plattijnhouwers oft/ hen niet wel kynlijc en es dat de voirs(creven)/ willem doer(n)kens noyt alsmen van sijnen/ tractate gesproken heeft dair bij noch aen/ geweest en heeft voe(r) noch nae mair dat/ die spraken altijt geschiet sijn geweest buten/ willems weten(e) oft consente en(de) sonder sijnen/ bijsijne ende besundert dair de voirs(creven) cedulle/ gemaict soude zijn d(air)uuyt schijnt dat willem/ den eedt gedaen soude hebben op dit voirs(creven)/ point cleert ad(ri)aen de plattijnmake(re) dat hem/ niet kynlijc en is dat die van erkele e(n)nige/ cedulle ald(air) bracht heeft alst dar(tik)[el] ruert/ mair blijft bijd(en) scep(enen) br(ieven) d(air)af gemaict/ ludolf ende willem tans en weten vand(en)/ inhouden vanden ar(tic)[le] niet te spreken peter/ van alde(n)hoven seet sonder op de cele te letten(e)/ dat hem niet kynlijc en es dat willemd(air)bij/
dair bij geweest soude hebben dairt tractaet/
gebuerde oft tgelufte geschiedde oft den eedt
//
It(em) den selven salmen vragen oft hen niet / kynlijc en es dat als jan van erckele/ den vrinden des voirs(creven) willems ae(n)socht/ borge te bliven nae inhoudt der voirs(creven) cedulle(n)/ nae inhoudt der voirs(creven) cedullen dat peter/ doernkens willems brueder doen d(air)op seyde/ totten selven janne van erkele h(er) rintmeest(er)/ het schijnt dat mijn brued(er) dit ten heyligen/ gesworen soude hebben nae dat die cedulle/ sprect hoe soude dat comen dat hij dat gedaen/ soude hebben want hij sit te crane(n)donck/ alnoch gevangen ende dat jan van erckele/ doen d(air)op seyde hij saelt doen te crane(n)donck/ en(de) hier oick dwelc alnoch niet geschiet en/ es seggende doen de selve rintm(eeste)r soe/ verre ghij dit niet doen en wilt soe/ laet dan uwe(n) brued(er) ald(air) geva(n)gen sitten uten/ welken de selve vrinden gecomen zijn inder/ geluften soe de voirs(creven) cedule begrijpt en(de)/ niet de voirs(creven) willem Op dit voirs(creven) ar(tik)[el]/ cle(re)n beyde de voirs(creven) getuygen scepen(en) te weten(e)/ ad(ri)aen en(de) ludolf [vacat] dat zij d(air)bij/ geweest zijn dair de gelufte gebuerde mair/ vanden woirden int ar(tik)[el] geruert d(air)af en/ weten sij niet/ Item den wethoude(re)n van eyndoven salmen/ vragen oft hen niet kynlijc en es dat mits/ der voirs(creven) geluften bijden vrinden gedaen als/ voe(r) de voirs(creven) willem ontslagen es geweest/ ende dat de selve vrinden den selven/ willem(me) bracht hebben voir die vierschare/ teyndoven ende dat de casteleyn hem ald(air)/ een aensprake gedaen heeft uuyt eenen
//
gescrifte oft cedulle(n) dair uuyt hij die aen/ sprake las ende als hij sijn conclusie vander/ selver aenspraken gemaict hadde dat alsdoen/ de voirs(creven) willem beg(er)de van dien gesc(ri)fte/ oft cedulle(n) vand(en) aenspraken te hebben/ een copie en(de) sijn beraet van xiiii daighen/ om ten selven daige d(air)op tantw(er)den soe/ sijnen raidt gedragen soude Dit voirs(creven)/ ar(tik)[el] heeft de wed(er)p(ar)tie vand(en) poirte(r) bekint/ alsoet steet/ Den selven oft hen niet kinlijck en es dat/ de voirs(creven) casteleyn weyg(er)de den voirs(creven) willem(me)/ die copie en(de) beraet te hebben(e) Ende dat wille(m)/ voirs(creven) d(air)tegen hoepte ende sustineerde met vo(n)nisse/ d(air)toe te comen ende dat de scepen(en) des alsoe/ gemaent w(er)den ende dat de scepen(en) alsdoen wesen/ voir een vo(n)nisse dat willem die cop(ie) hebben/ soude en(de) xiiii dagen voir sijn beraet dit/ ar(tik)[el] voirs(creven) heeft de wed(er)p(ar)tie vand(en) poirte(r) als/ voe(r) bekint/ Den selven scepen(en) salmen vragen oft zij e(n)nichss(ins)/ indinckich zijn soe bij huer(er) me(m)orien soe bij/ auc(ten)tijk(en) reg(ist)ren dat bij hen des(en) materien aen/ gaende e(n)nige ande(re) acten oft vo(n)nissen gesciet/ oft gewesen zijn geweest Op dit voirs(creven)/ ar(tik)[el] cle(re)n de scepen(en) dat sindert dat den br(ieven)/ vand(er) stadt van loeven(e) comen es d(air) egheen/ vo(n)nissen gegaen en sijn oft yet voird(er) gep(ro)cedeert/ is geweest/ Den selven oft hen niet kynlijck en es dat ten/ voirs(creven) daige van xiiii daigen de voirs(creven)/ willem heeft gesonden met eene(n) bode der stadt
//
van loeven(e) eene(n) brieff vand(er) selver stadt/ inhouden(de) hoe de selve willem poirte(r) was van/ loeven(e) en(de) van sijne(n) halse have(n) en(de) allen p(er)so(n)/ nelen actien te rechte behoirde inde banck/ voir meye(r) ende scepen(en) van loeven(e) en(de) nerge(re)ns/ els ende dat alsoe de scouth(eyt) hem v(er)dragen/ soude van manen(e) en(de) de scepen(en) van wijsen(e)/ dit voirs(creven) ar(tik)[el] heeft de wed(er)p(ar)tie vanden/ poirte(r) bekint alsoe steet/ Den selven wethoude(re)n salmen vragen oft/ zij oyt gehoirt oft geweten hebben dat/ bynnen des(er) handelingen voirs(creven) de voirs(creven)/ willem doernkens oyt van zijnd(er) porterien/ ger(e)nu(n)cieert oft dier afgegaen is geweest/ in e(n)niger manie(re)n ende oft zij d(air) bij/ oft over geweest hebben dair de selve/ willem in des(er) saken e(n)nigen eedt oft gelufte/ gedaen soude hebben op dit voirs(creven) ar(tik)[el]/ hebben de voirs(creven) wethoude(re)n gecleert dat/ hen niet kynlijck en es dat willem doirke(n)s/ e(n)nige r(e)nu(n)tiatie gedaen heeft gelufte oft/ eedt Naed(en) welken p(ar)tien in w(er)sijd(en)/ geconcludeert hebbende elck tot sijnd(er)/ meyni(n)gen Es gewesen bijden scepen(en)/ van loeven(e) t(er) maniss(en) smeyers dat de p(ro)cur(eur)/ vanden hee(re) van yselsteyn voirs(creven) met sijnen/ renvoye verdoelt is mair gelieft hen/ den poirte(r) alhier aen te spreken(e) dat hij/ dat doen mach act(um) in scampno p(rese)ntib[(us)]/ om(n)ib[(us)] scabinis februarii xx[a]
//
en(de) van crane(n)donck ridd(er) aenlegge(r) gecomp(ar)eert/ is inde banck voe(r) meye(r) en(de) scepen(en) alhier/ tegen den voirs(creven) poirte(r) als verw(er)de(r) seggen(de) en(de)/ te kynnen geven(de) een seke(re) certificatie onder/ segele(n) der scepen(en) van endoven geexpedieert/ die hier nae volght van woirde te woirde/ Wij ludolf lucas soen dirck willems soen vand(en)/ berghe pet(er) janss(one) van aldenhoven en(de) ad(ri)aen jan/ plattijnhouwers scepen(en) in endoven tugen en(de)/ certifice(re)n voe(r) die gerechte wairheyt en(de) doen/ kentlijken eenen yegelijken die dese tege/ woirdige litte(re)n van c(er)tificatien sullen sien/ oft hoiren lesen dat de officie(re)n ons liefs he(re)n/ des greven van bueren van leyerdam hee(re)n/ tijsselsteyn ind(er) kraendonck in zijne voirs(creven)/ heerlijch(eit) van kraendonck bynnen sijnre/ stadt van eyndoven eene(n) man geheyten/ willem soen wilneere willems dor(n)kens/ hebben gevangen en(de) aengetast o(m)me seke(re)n/ misgrijpe dat de voirs(creven) willem hom misgae(n)/ en(de) misdragen heeft aenden vorste(r) ons voirs(creven)/ lieven hee(re)n in sijnre heerlijch(eit) van eyndoven/ welke vorste(r) ten v(er)suecke en(de) beg(er)ten seke(re)/ p(ar)tien in p(rese)ntien van scepen(en) uuyt crachten/ van v(er)reycten en(de) gewijsd(en) vo(n)niss(en) aenden/ voirs(creven) willem(me) sachte alsoe dat nae der/ bancken en(de) stadt rechten van eyndoven/ behoirde en(de) sculdich was te geschieden/ t(er) causen van drie mudden roggen eens/ en(de) schade van rechte d(air)af hem de voirs(creven)/ willem wederspa(n)nich in maicte en(de) den selven/ vorste(r) op die steenstrate ter eerden neder/ warpe o(m)me dies gerichts wille niet
//
tegenstaen(de) dat de voirs(creven) willem uuyt/ crachte(n) des voirs(creven) gewijsd(en) vo(n)niss(e) ten v(er)sueke/ der voirs(creven) p(ar)tien d(air) vo(n)nislijc in condempneert/ was d(air)af de selve willem acht(er)volgen(de) en(de)/ uuyt crachte(n) desselven gewijsd(en) vo(n)nisse en(de)/ aengerichte den voirs(creven) p(ar)tien vand(en) pri(n)/ cipalen en(de) oick vanden costen van rechte/ in dien d(air)op gedaen v(er)nueghde en(de) te/ vreden stelde d(air)o(m)me peter en(de) jan des voirs(creven)/ willems wettige broeders met scepen(en) van/ eyndoven quamen op craendonck en(de) v(er)sochten/ eendrechtelijck(e) den voirs(creven) willem(me) te rechte inder/ voirs(creven) bancken van eyndoven nae der selver/ bancken ende stadt rechte alsoe p(rese)nteerde onse/ voirs(creven) lieve hee(re)n de greve (et)c(etera) den voirg(enoemde)/ willem(me) van sijne(n) voirs(creven) mesgrijpe ende/ misdade te rechte te doen stellen(e) inder voirs(creven)/ stadt en(de) bancken tot eyndoven dair hij dat/ mesgrijp gedaen hadde en(de) aengetast was/ ofte inder stadt van loeven(e) ofte in e(n)nigen/ vanden hooftsteden van brabant tot wat plaetss(en)/ van dien hem dat beliefd(e) en(de) hem egheenss(ins)/ buyten recht te laten hante(re)n Alsoe consenteerde/ onse voirs(creven) lieve hee(re)n de greve ten v(er)sueke/ en(de) beg(er)ten des voirs(creven) willems en(de) sijnre p(ar)tijen/ den voirs(creven) willem(me) inder stadt en(de) bancken van/ eyndoven rechts van desen te doen pleghen/ gelijc dat zijt beg(er)den en(de) versochten en(de)/ geloefden d(air)voir die voirs(creven) pet(er) en(de) jan/ des voirs(creven) willems broede(re)n den selven/ willem(me) honnen brueder alsoe en(de) in dien/ te hebben(e) onsen voirs(creven) lieven hee(re)n in zijnre/ voirs(creven) stadt en(de) dingbanck van ey(n)dove(n) te rechte
//
te staen ende tgewijsde d(air)af te voldoene/ d(air)hij inder selver bancken ofte van honnen hoofde in condempneert soude wordden acht(er)volgen(de) den/ brieven dier geloeften voir scepen(en) d(air) opgemaect/ en(de) passeert vand(en) welken die voirs(creven) willem/ hem opten genecht dach inden gerichte ald(air)/ te rechte te staene af verboet en(de) p(re)senteerde/ van welcken mysg(ri)pe die amptman shoofs/ van craendock inden name vanden hee(re)/ opten selven genecht dach den voirs(creven) willem(me)/ inden geba(n)nen gedinge mit rechte een bescr(even)/ aensprake gaf gelijc hij begheerde ende/ onse(n) voirs(creven) lieve(n) hee(re)n hom gep(rese)neert hadde(n)/ welke voirs(creven) aensprake de voirs(creven) willem/ ontfinck ende beg(er)de d(air)af copie en(de) dach van/ beraet ten naisten genechte in xiiii daigen/ d(air)nae want de aensprake c(ri)mineelijck(e) was/ en(de) beg(er)d(en) d(air)op vand(en) richt(er) gemaent te hebben(e)/ d(air)hij nae manisse des richt(er)s met vo(n)nisse/ der scepen(en) van eyndoven en(de) met rechte/ toegewesen wert sijn voirs(creven) beraet ten/ naisten genechte en(de) die copie der ae(n)spraken/ te hebben(e) dat hem alsoe gesciedde Alsoe/ sijn die vrinden des voirs(creven) willems ten/ naiste(n) genechte in xiiii dagen d(air)nae comen/ metter stadt bode en(de) br(ieven) van loeven(e) nae inhoud(en)/ der selver stadt br(ieven) verbieden(de) den scouth(eyt) van/ manen en(de) den scepen(en) van wijsen over den/ voirs(ceven) willem(me) niet tege(n)staen(de) dat de voirs(creven)/ willem ald(air) in rechte getreden was en(de)/ sijn voirs(creven) broeders ald(air) voir hem rechts/ begheerden v(er)sochten en(de) geloefden ten eynde/ vander saken te verwachten en(de) tghewijsde/ d(air)af te voldoene ende des torconden hebben
//
wij onse segelen hier aen gehangen gedaen/ tweyntich dage in nove(m)bri duysentvierhond(er)t/ negen ende negentich ja(r)e Ende oic eenen/ scepen(en) brief van obligatien der selver scepen(en)/ van eyndoven voirs(creven) d(air)af de tenue(r) h(ier)nae volght/ Wij pet(er) janssone van aldenhoven ende ad(ri)aen/ jan plattijnhouwers soen scepen(en) in eyndoven tuyge(n)/ onder onsen segele(n) dat voir ons comen es jan van/ arckell rentmeest(er) mijns liefs he(re)n des greven van/ bueren (et)c(etera) in sijnre heerlich(eit) van craendonck met/ pete(re)n en(de) jannen gebroede(re)n kinde(re)n wilneer wille(m)/ doernkens en(de) seyden dat willem soen wilneer/ willem doernkens met uuytgerecten vinge(re)n op/ kraendonck ten heyligen gesworen en(de) geloeft/ heeft op hom en(de) op allen sijn gueden hebben(de)/ en(de) v(er)crigen(de) dat hij mijne(n) voirs(creven) lieven hee(re)n in/ sijnre stadt en(de) dingbancken van eyndoven ald(air)/ te rechte te staen trecht te verwachten en(de) tgewijsde/ te voldoene van alle des gheens dat m(ijn) lieff/ hee(re) voirs(creven) oft sijne officie(re)n den voirs(creven) willem(me)/ met rechte aenspreken Ende d(air) hij vanden wet/ houders der stadt van eyndove(n) oft van honnen/ hoofde in geweesen ofte gecondempneert sall/ wordden te voldoene Ende oft de voirs(creven) willem/ des rechts van desen inder dingbancken tot eyndove(n)/ niet en verwachte noch tgewijsde d(air)af niet/ en voldede soe geloven d(air)voir de voirs(creven) pet(er)/ en(de) jan doernkens des voirs(creven) willems bruedere(n)/ op hon en(de) op allen honne gueden den voirs(creven)/ will(el)men honnen broed(er) alsoe en(de) in dien te/ hebben(e) te voldoene in alle manie(re)n gelijc h(ier) voirs(creven)/ is ofte selfs in honnen p(er)sonen en(de) gueden d(air)voir/ in te staen en(de) te voldoen van alles dair de voirs(creven)/ willem honne broed(er) van desen in gewesen en(de) met/ recht in gecondempneert sal wordden Gedaen twee
//
daige in nove(m)bri duysent vierhondert negen/ en(de) negentich jair Ende die geexhibeert en(de)/ gelesen zijnde heeft de voirs(creven) scouth(eyt) gesustineert/ datmen niet bevi(n)den en soude dat willem/ doernkens poirte(r) e(n)nige porterie geallig(er)t hadde/ ten tijde van sijne(n) aentaste voe(r) oft nae wair/ bij hij hoepte nad(en) voirs(creven) voir geschieniss(en) ind(en)/ certificatie(n) en(de) ande(re) scepen(en) br(ieven) van endoven/ begrepen dat de voirs(creven) poirte(r) tot eyndoven/ voirs(creven) soude sijn gere(n)voyeert hem des gedragen(de)/ totten rechte p(rese)nte(re)nde de selve scouth(eyt) inden/ name als voe(r) de selve pointen te thoenen(e)/ opdats behoefde ende de selve mett(er) voirs(creven)/ c(er)ificatien en(de) ande(re) br(ieven) niet te vreden en wa(r)en/ en(de) altijt metten mi(n)sten d(air) hij in rechte [mede] soude/ moegen lijden D(air)op de poirte(r) hem v(er)ant/ werden(de) heeft gesustineert t(er) (contra)rien te kynnen/ geven(de) hoe ende in wat manie(re)n sij met/ hem o(m)megegaen hadden int vangen en(de) ewech/ vue(re)n dair hij bij sijns brueders ackerlud(en) was/ int velt en(de) hoe dat sij hem ewech vuerden sond(er)/ trecht vand(er) banck ten v(er)sueke van sijne(n) vrinden/ ald(air) te willen doen ende hoe dat hij sijnder/ porterie(n) noit afgegaen en was noch in rechte/ gehecht hoe wel zijn vrinden hem gevangen/ sijnde e(n)nige geluften voe(r) hem mochten hebben/ gedaen dair hij noch bij noch
//
hem des gedragen(de) totten rechte Dair tegen/ de p(ro)cur(eur)s des he(re)n van ijselsteyn voirs(creven) r(e)plice(re)nde/ tendeerde altijt tot sijnen voirnemen(e) van sijnder/ voirs(creven) conclusien Ende de voirs(creven) poirte(r) altijt/ t(er) (contra)rien p(rese)nte(re)nde de selve poirte(r) de pointen/ bij hem geallig(er)t oick te thoon(en) ende altijt metten/ mi(n)sten dair hij mede lijden mochte in rechte/ soe v(er)re dat de scepen(en) t(er) maniss(en) smeyers de/ voirs(creven) p(ar)tien in w(er)sijden tot hue(re)n thoene hebben/ gewesen met hue(re)n vo(n)nisse tot eene(n) seke(re)n gelegen(en)/ daige bij p(ar)tien d(air)toe genomen Ald(air) de voirs(creven)/ aenlegge(r) gethoent heeft seke(re) pointen in seke(re)/ sijne int(er)rogator(ien) begrepen die h(ier) nae volgen/ metter depositien vand(en) p(er)soenen d(air)inne staen(de)/ ende de voirs(creven) verweerde(r) heeft insgelijcx/ ov(er)gegeven div(er)se ar(ticu)[len] bij manie(re)n van int(er)ro/ gatorien d(air)af de tenue(r) als voe(r) h(ier)nae oick/ volght ende des d(air)op gedeponeert is bijd(en)/ p(er)soene(n) d(air)op staende/ Int(er)rogatorien godev(ar)t hondert scellincx/ als p(ro)cur(eur) he(re)n frederix greve van bueren/ hee(re) van ijselsteyn (et)c(etera) en(de) van crane(n)donck/ ridder aenlegge(r) tegen willem(me) doernke(n)s/ poirte(r) van des(er) stadt verwerde(r) (et)c(etera)/ Inden yersten begheert de voirs(creven) p(ro)cur(eur)
//
oft hen niet kynlijck en es dat alle stucken/ geschiet zijn inder selver maten de selve c(er)tifica(ti)[e]/ begrijpt de voirs(creven) getuygen hebben tvoirs(creven)/ ar(tik)[el] geaff(ir)meert alsoet steet/ Item beg(er)t noch insgelijcx gevisiteert en(de) den/ selve(n) scepen(en) gelesen te hebben(e) eene(n) scepen(en)/ brief van eyndoven en(de) den selven scepen(en) gemae(n)t/ oft zij dien brief houden voe(r) aucte(n)tijck It(em)/ alle de voirs(creven) getuygen hebben geaff(ir)meert dat/ zij den brief houden voe(r) auctentijck ende de/ twee clee(re)n dat zij over den selve(n) brief geweest/ hebben/ Item den selve(n) scepen(en) van eyndoven oft hen/ niet kynlijc en es dat den voirs(creven) scepen(en) br(ieven)/ geloeft es bijden p(er)soene(n) d(air)inne begrepen sond(er)/ dat de selve p(er)soenen met e(n)nigen bedwange/ fortsen oft gewonde dat gedaen hebben mair/ hebben dat gedaen huers goets moets wille(n)/ de twee scepen(en) die over de geloefte gestaen/ hebben hebben gecleert dat ombedwonghen/ de geloefte voir hen es gesciet/ Item den selven oft de voirs(creven) willem doernke(n)s/ oyt voe(r) oft nae vermaent heeft oft gealligeert/ de porterie van deser stadt Alle de voirs(creven)/ getuygen hebben geaff(ir)meert tvoirs(creven) ar(tik)[el] alsoet/ steet/ Int(er)rogatorien willems dornkens/ poirt(er)s van lov(en) verweerde(r) tegen den/ hee(re) van ysselsteijn oft sijne(n) scoutheyt/ teyndoven aenlegge(r)/ Ierst om deswille dat de hee(re) van ijselsteyn zoe/ heetelijck tendeert om te hebben(e) tre(n)voy dwelc/(contra)rie der heerlijch(eit) mijns gened(ichs) he(re)n en(de) der goeder/ stadt recht van loeven(e) es gefundeert hoe
//
wel nochtans de questie tot nochtoe niet voirde(r)/ gerust en heeft noch en rust Soe es van ov(er)/ slage de voirs(creven) willem verweerde(r) te vreden datme(n)/ mane janne steve(n)s en(de) janne plattij(n)houwers dwese(n)/ en(de) manie(re) hoe heyn van ha(m)me te diertijt diene(r)/ m(ijns) he(re)n van ijselsteyn wel bij drancke zijnde den voirs(creven)/ willem(me) van acht(er) omslagen heeft ende soe tsamen/ neder ter eerden gevallen sijn sonder e(n)nige kijfelijke/ woirden tsamen te hebben(e) Ende oft de selve willem/ niet en ghinck goets moets wille(n) metten selven/ diene(r) ende oft hij willem dair yema(n)de stiete sloech/ oft quetste ende oft willem d(air)nae niet en v(er)nueghde/ sijnd(er) p(ar)tien tpri(n)cipael en(de) den dienae(r) sijn costen/ jan stevens cleert op dit yerste ar(tik)[el] dat de diene(r)/ willem(me) geva(n)gen nam van acht(er) en(de) dat zij vielen/ en(de) worstelden mair en weet van egheen(e) quaden/ woirden anders dan dat willem seyt laet my/ op staen ic wil g(er)ne geva(n)gen gaen mair vand(en)/ vernuegen(e) vand(en) pri(n)cipale(n) en(de) costen en weet/ hij niet jan plattijnhouwe(r) aff(ir)meert tvoirs(creven)/ ar(tik)[el] gelijc de voirs(creven) jan steeve(n)s geseet heeft/ desgelijcx salmen manen tvoirs(creven) ar(tik)[el] den voirs(creven)/ heynen van ha(m)me oft hem willem inden ae(n)tast/ geslagen gestoten oft gequetst heeft oft e(n)nige/ kijfelijcke woirden gegeven op dit voirs(creven)/ ar(tik)[el] cleert henr(ic) van ha(m)me dat inden ae(n)tast/ bij hem gedaen willem hem die tuyght t(er) eerden/ wierp ende dat hem dande(r) dieners te baten/ moesten comen mair vanden quetsen oft/ quaden woirden en weten zij niet/ Item men sal manen pete(re)n yngelants dienae(r)/ mijns he(re)n van ijselsteyn tot eyndhoven oft hem/ niet kynlijck en es dat hij als dienae(r) comen/ es met eene(n) van m(ijns) he(re)n van yselsten knechten/ aenden voirs(creven) willem(me) doernkens dair hij bij/ sijns brueders ackerliede was opt velt hem
//
seggende ghij willem ghij moet comen tot/ eyndoven om getuygenisse te dragen vanden/ clercke die d(air) gequetst es hem alsoe ewech/ leydende tot eyndoven in een h(er)berge tot zijnd(er)/ sust(er) huys Op dit voirs(creven) ar(tik)[el] heeft pet(er) gecleert/ dat willem doernkens met hem gegaen is/ mi(n)lijck tot sijnd(er) sust(er) huys om met eene(n) man/ te spreken(e) mair dat hij met hem ghinck/ om getugenisse te dragen over eene(n) clerck/ d(air) en weet hij die tuyght niet af ende dat/ dit geschiedde tot pet(er)s v(er)sueke dat willem doernke(n)s/ met hem ghinck/ Item den selven ende oick willem(me) vanden/ berge ende le(m)men maes salmen vragen/ oft zij niet d(air) bij en wa(r)en dair de dienae(re)n/ mijns he(re)n van ysselsteyn voirs(creven) den voirs(creven)/ willem(me) wed(er)om van dair ewech leydden/ tot pet(er)s van rode huys ende dat de selve/ dienae(re)n hen ald(air) ghingen wapen(en) en(de) dat/ zij ald(air) t(er) stont deden comen een p(er)t d(air)op/ zij den selven willem(me) trotsten vue(re)nde den selve(n)/ van dair te crane(n)donck opt huys Op dit/ voirs(creven) point cleert pet(er) yngelra(m)s dat hem/ kynlijc es dat willem quam ten huyse/ pet(er)s van rode metten dieners mair tsurpl(us)/ vand(en) ar(tic)[le] en weet hij die tuyght niet/ willem vand(en) berge cleert dat tvoirs(creven) ar(tik)[el]/ hem kynlijc es le(m)men maes aff(ir)meert/ oick dat hij sach dat zij den poirte(r) leydd(en)/ totten huyse pet(er)s van rode en(de) dat zijt(er) nad(er)/ hant ewech vuerden tot crane(n)donck te p(er)de/ Item men sal mane(n) diericken vand(en) berge ludolfve/ lucassone ad(ri)ane de plattij(n)make(re) en(de) janne/ van acht alle vie(r) nu scepen(en) tot eyndoven/ en(de) oick den voirs(creven) willem(me) vand(en) berge en(de) le(m)men/ maes oft hen niet kynlijck en es dat int/ wechvue(re)n uuyter stadt van eyndoven de vrinde(n)
//
desselfs willems ald(air) quame(n) met vier scepen(en)/ roepen(de) en(de) bege(re)nde datme(n) den selven willem(me)/ der stadt recht dade van eyndoven oft dat zijte(n)/ mochten verborgen voir duysent gulden(en) en(de) voir/ de vroente ende dat hen dat niet gebue(re)n en/ mochte mair dat zijten d(air)enboven ewech vuerden/ te crane(n)donck voirs(creven) als voe(r) dierick vand(en)/ bergge ad(ri)aen de plattij(n)make(re) affirme(re)n tvoirs(creven)/ ar(tik)[el] alsoet steet jan van acht aff(ir)meert oic/ tvoirs(creven) ar(tik)[el] mair en weet niet wair hij/ gevuert wert willem vand(en) berge seet dat/ hij dair niet bij en was dair de vrinden/ trecht van eyndoven versochten en(de) en weet/ niet wair hij gevuert werdt mer heeft/ den poirte(r) sien uuytvue(re)n le(m)men maes/ cleert dat hij gehoirt heeft datten de vrinden/ te rechte yesschen ende heeft den poirte(r)/ sien uuytvue(re)n mair en weet niet wair hij/ gevuert wert/ Item den selven le(m)men maes salmen vragen oft/ hem niet kynlijc en es dat hij int wech vue(re)n/ navolghde ende dat mijns he(re)n van ysselsteyn/ dienae(re)n hem die tuyght alsdoen eene(n) geladen(en)/ boge met eene(n) pijle voir zijn borst hielden/ om hem te doerschieten om deswille dat hij nae / volghde Op dit voirs(creven) ar(tik)[el] cleert de voirs(creven)/ le(m)men maes dat hij den boge hiel op sijn hertte/ mair en weet niet oft hij schieten woude en(de)/ hiet hem die tuyght wed(er) o(m)me gaen/ Item men sal manen den voirs(creven) ludolve lucassone/ en(de) ad(ri)ane de plattij(n)make(re) beide als scepen(en) van/ eyndoven ende willem(me) jans van strijpt oft zij/ vand(en) borg(er)meeste(re)n van eyndoven en(de) mette(n) vrinden/ des voirs(creven) willems des ande(re)n daighs smorgens/ vroech niet en volghden den voirs(creven) willem(me) te/ crane(n)donck w(er)t dair hij gevuert was als voe(r)
//
om te vernemen wes mijn hee(re) van ijsselsteyn/ den selven poirte(r) bethijden wouden en(de) oft hijten/ woude laten verborgen oft hem te rechte stellen/ de voirs(creven) getuygen hebben tvoirs(creven) ar(tik)[el] gecleert/ alsoet steet/ Den selven oft hen niet kynlijc en es dat zij/ die tuygen aen mijne(n) hee(re) van yselsteyn alsdoen/ begheerden ende versochten datmen nae inhoudt/ der stadt p(ri)vilegien van eyndoven den voirs(creven) willem(me)/ ontslaen soude ende teyndoven te rechte bringen/ p(rese)nte(re)nde den selven te verborghen Ende dat/ mijn hee(re) doen seyde ic wil my d(air)op beraden/ ende oft mijn hee(re) dair nae niet en gaf voir/ sijn antw(er)de seggen(de) soe v(er)re willem ten heylige(n)/ swe(re)n wilt den hee(re) van crane(n)donck oft zijne(n) officie(re)n/ te rechte te staene inde banck van eyndoven/ en(de) trecht ten ynde te verwachten en(de) tgewijsde/ te voldoene van tgene des ic oft mijn officie(re)n/ hem sullen moegen bethijden ende oft willem/ d(air)inne gebreckelijc wa(r)e ende tselve alsoe niet/ en volvuerde dat de vrinden desselfs wille(m)s/ dan vallen souden aenden hee(re) van crane(n)donck/ in een pene van dusent rinsg(ulden) soe v(er)re de/ selve willem bevonden wordde co(n)trarie zijne(n)/ eede gedaen te hebben(e) Ende dat de/ vrinden desselfs willems hen d(air)op [als] doen/ berieden ende dat pet(er) doernkens wille(m)s/ brueder selve voir een antw(or)de gaff m(ijns)/ hee(re) voirs(creven) in p(rese)ntien van hen die tuygen/ dat hij ende sijn brueder gherne borge(n) bliven/ wouden voe(r) hue(re)n brued(er) die inden diefstoc/ zwairlijc geva(n)gen lack den welken zij/ sien noch spreken en mochten voe(r) de so(m)me/ van duysent rinsgulden(en) behalven dat zij mette(n)/ man wed(er) te leve(re)n altijt mochten gestaen
//
soe sculdich ende soe onsculdich als hij op die/ ure was oft oic voir tgene des mijn hee(re)/ met rechte op hem soude co(n)nen gewynnen/ Ende dat mijn hee(re) van ijsselsteyn doen seyde/ als ghij d(air)inne soudt willen res(er)ve(re)n e(n)nich/ behalven soe willicken dan selve bringen/ voir sijn porte oft te bossche oft teyndoven / seggende voirts ic sal dese poirters soe uuyt/ richten ende ic soude hem soe saen sijnen/ hals af slaen als ic die smicke oft ketsore/ ewech worpen soude ende dat zij die tuygen/ metten vrinden des voirs(creven) willems alsoe van/ dair schieden laten(de) ald(air) den voirs(creven) willem(me)/ den geva(n)gen(e) sonder den selven willem(me) ald(air)/ gesien oft gesproken te hebbene Op dit/ voirs(creven) ar(tik)[el] cleert ludolf lucass(one) dat hem/ kynlijc es dat hij metten ande(re)n getogen is/ bij mijne(n) hee(re) van yselsteyn om te v(er)sueken(e)/ nae inhoudt dartikel ende dat mijn hee(re)/ hem p(rese)nteerde trecht van eyndoven oft eld(er)s/ dairt hen geliefde te bruessele loeven(e) oft eld(er)s/ mair vanden surplus inden voirs(creven) ar(tic)[le] begrepe(n)/ en weet hij niet en weet oic niet hoe die/ poirte(r) geva(n)gen sat ad(ri)aen de plattij(n)make(re) aff(ir)meert/ tvoirs(creven) ar(tik)[el] gelijc de voirs(creven) ludolf lucassone/ ged(aen) heeft ende dat mijn hee(re) hem trecht / p(rese)nteerde als voe(r) den vrinden ende dat/ mijn hee(re) oic seyt onder dander worden/ de poirte(r) mocht soe vele mesdaen hebben/ hij soude hem sijne(n) hals doen afhouwen/ willem jans aff(ir)meert tvoirs(creven) ar(tik)[el] gelijck/ de voirs(creven) ad(ri)aen de plattijnmake(re) mair en/ weet niet hoe dat de poirte(r) geva(n)gen sat/ Den selven oft hen niet kynlijc en es dat/ te dier tijt de scerp cock oft hangdieff
//
aldair opt huys te cranendonck oic was/ op dit voirs(creven) ar(tik)[el] cleert ludolf datmen/ seyt dat hij dair was mair en saighs/ niet Ad(ri)aen seet dat hem een gewesen/ was diemen seyt dat de scerp cock was/ mair hij en kindes te dier tijt niet wille(m)/ jans hoerdet ald(air) seggen dat de scerp cock/ dair was mair en kyndes niet/ Item den selven oft hen niet kynlijc en es/ dats corts dair nae een geheeten jan van/ erckele die facteur en(de) rintm(eeste)r es mijns/ he(re)n van ijsselsteyn voirs(creven) es gecomen tot/ eyndoven bijde vrinde des voirs(creven) willems/ bringende met hem een cedulle me(n)tie/ makende hoe de voirs(creven) willem hem v(er)bonden/ hadde dwelc alsoe nochtans niet en was/ geschiet bege(re)nde de selve cedulle hier/ gelesen te wordden(e) in manie(re)n van int(er)rogatorie(n)/ d(air)af de tenue(r) hier nae volght willem/ soen willneer willem doernkens heeft met/ uuytgereycten vinge(re)n ten heyligen gesworen/ en(de) geloeft op hem en(de) op allen sijn gueden/ hebben(de) ende v(er)crijgen(de) dat hij mijne(n) lieven/ hee(re)n van yselsteyn in sijnre stadt en(de) ding/ bancken van eyndoven ald(air) te recht te staen/ trecht te verwachten en(de) tgewijsde te voldoene/ van alle des gheens dat my lief hee(re) voirs(creven)/ oft sijne officie(re)n den voirs(creven) willem(me) met/ rechte aen spreken Ende dair hij vanden/ wethouders der stadt van eyndoeven ofte/ van ho(n)nen hoofde in gewesen oft geco(n)de(m)p/ niert sal werden te voldoene Ende oft/ de voirs(creven) willem des rechts van desen inder/ dingbancken tot eyndoven niet en verwachte/ noch tgewijsde d(air)af niet en voldede soe
//
geloven dair voir peter ende jan doernkens/ des voirs(creven) willems broede(re)n op hen en(de) op huer/ goeden den voirs(creven) willem(me) hue(re)n bruede(r) also/ en(de) in dien te hebben(e) te voldoene in alle/ manie(re)n gelijc h(ier) voirs(creven) es ofte selffs in ho(n)nen/ p(er)sonen en(de) gueden d(air) voir in te staen ende te/ voldoene van alles dair de voirs(creven) willem/ hen broed(er) van desen in gewesen en(de) met/ recht in condempneert sal wordden Testes/ peter van aldenhove(n) ende ad(ri)aen plattij(n)houwers/ act(um) ii daige in nove(m)bri a(n)no (et)c(etera) xcix Ende/ d(air)entinden salmen vragen den scepen(en) inde/ selve cedulle geruert te weten(e) pete(re)n van/ aldenhove(n) en(de) ad(ri)ane plattijnhouwers oft/ hen niet wel kynlijc en es dat de voirs(creven)/ willem doer(n)kens noyt alsmen van sijnen/ tractate gesproken heeft dair bij noch aen/ geweest en heeft voe(r) noch nae mair dat/ die spraken altijt geschiet sijn geweest buten/ willems weten(e) oft consente en(de) sonder sijnen/ bijsijne ende besundert dair de voirs(creven) cedulle/ gemaict soude zijn d(air)uuyt schijnt dat willem/ den eedt gedaen soude hebben op dit voirs(creven)/ point cleert ad(ri)aen de plattijnmake(re) dat hem/ niet kynlijc en is dat die van erkele e(n)nige/ cedulle ald(air) bracht heeft alst dar(tik)[el] ruert/ mair blijft bijd(en) scep(enen) br(ieven) d(air)af gemaict/ ludolf ende willem tans en weten vand(en)/ inhouden vanden ar(tic)[le] niet te spreken peter/ van alde(n)hoven seet sonder op de cele te letten(e)/ dat hem niet kynlijc en es dat willem
//
It(em) den selven salmen vragen oft hen niet / kynlijc en es dat als jan van erckele/ den vrinden des voirs(creven) willems ae(n)socht/ borge te bliven nae inhoudt der voirs(creven) cedulle(n)/ nae inhoudt der voirs(creven) cedullen dat peter/ doernkens willems brueder doen d(air)op seyde/ totten selven janne van erkele h(er) rintmeest(er)/ het schijnt dat mijn brued(er) dit ten heyligen/ gesworen soude hebben nae dat die cedulle/ sprect hoe soude dat comen dat hij dat gedaen/ soude hebben want hij sit te crane(n)donck/ alnoch gevangen ende dat jan van erckele/ doen d(air)op seyde hij saelt doen te crane(n)donck/ en(de) hier oick dwelc alnoch niet geschiet en/ es seggende doen de selve rintm(eeste)r soe/ verre ghij dit niet doen en wilt soe/ laet dan uwe(n) brued(er) ald(air) geva(n)gen sitten uten/ welken de selve vrinden gecomen zijn inder/ geluften soe de voirs(creven) cedule begrijpt en(de)/ niet de voirs(creven) willem Op dit voirs(creven) ar(tik)[el]/ cle(re)n beyde de voirs(creven) getuygen scepen(en) te weten(e)/ ad(ri)aen en(de) ludolf [vacat] dat zij d(air)bij/ geweest zijn dair de gelufte gebuerde mair/ vanden woirden int ar(tik)[el] geruert d(air)af en/ weten sij niet/ Item den wethoude(re)n van eyndoven salmen/ vragen oft hen niet kynlijc en es dat mits/ der voirs(creven) geluften bijden vrinden gedaen als/ voe(r) de voirs(creven) willem ontslagen es geweest/ ende dat de selve vrinden den selven/ willem(me) bracht hebben voir die vierschare/ teyndoven ende dat de casteleyn hem ald(air)/ een aensprake gedaen heeft uuyt eenen
//
gescrifte oft cedulle(n) dair uuyt hij die aen/ sprake las ende als hij sijn conclusie vander/ selver aenspraken gemaict hadde dat alsdoen/ de voirs(creven) willem beg(er)de van dien gesc(ri)fte/ oft cedulle(n) vand(en) aenspraken te hebben/ een copie en(de) sijn beraet van xiiii daighen/ om ten selven daige d(air)op tantw(er)den soe/ sijnen raidt gedragen soude Dit voirs(creven)/ ar(tik)[el] heeft de wed(er)p(ar)tie vand(en) poirte(r) bekint/ alsoet steet/ Den selven oft hen niet kinlijck en es dat/ de voirs(creven) casteleyn weyg(er)de den voirs(creven) willem(me)/ die copie en(de) beraet te hebben(e) Ende dat wille(m)/ voirs(creven) d(air)tegen hoepte ende sustineerde met vo(n)nisse/ d(air)toe te comen ende dat de scepen(en) des alsoe/ gemaent w(er)den ende dat de scepen(en) alsdoen wesen/ voir een vo(n)nisse dat willem die cop(ie) hebben/ soude en(de) xiiii dagen voir sijn beraet dit/ ar(tik)[el] voirs(creven) heeft de wed(er)p(ar)tie vand(en) poirte(r) als/ voe(r) bekint/ Den selven scepen(en) salmen vragen oft zij e(n)nichss(ins)/ indinckich zijn soe bij huer(er) me(m)orien soe bij/ auc(ten)tijk(en) reg(ist)ren dat bij hen des(en) materien aen/ gaende e(n)nige ande(re) acten oft vo(n)nissen gesciet/ oft gewesen zijn geweest Op dit voirs(creven)/ ar(tik)[el] cle(re)n de scepen(en) dat sindert dat den br(ieven)/ vand(er) stadt van loeven(e) comen es d(air) egheen/ vo(n)nissen gegaen en sijn oft yet voird(er) gep(ro)cedeert/ is geweest/ Den selven oft hen niet kynlijck en es dat ten/ voirs(creven) daige van xiiii daigen de voirs(creven)/ willem heeft gesonden met eene(n) bode der stadt
//
van loeven(e) eene(n) brieff vand(er) selver stadt/ inhouden(de) hoe de selve willem poirte(r) was van/ loeven(e) en(de) van sijne(n) halse have(n) en(de) allen p(er)so(n)/ nelen actien te rechte behoirde inde banck/ voir meye(r) ende scepen(en) van loeven(e) en(de) nerge(re)ns/ els ende dat alsoe de scouth(eyt) hem v(er)dragen/ soude van manen(e) en(de) de scepen(en) van wijsen(e)/ dit voirs(creven) ar(tik)[el] heeft de wed(er)p(ar)tie vanden/ poirte(r) bekint alsoe steet/ Den selven wethoude(re)n salmen vragen oft/ zij oyt gehoirt oft geweten hebben dat/ bynnen des(er) handelingen voirs(creven) de voirs(creven)/ willem doernkens oyt van zijnd(er) porterien/ ger(e)nu(n)cieert oft dier afgegaen is geweest/ in e(n)niger manie(re)n ende oft zij d(air) bij/ oft over geweest hebben dair de selve/ willem in des(er) saken e(n)nigen eedt oft gelufte/ gedaen soude hebben op dit voirs(creven) ar(tik)[el]/ hebben de voirs(creven) wethoude(re)n gecleert dat/ hen niet kynlijck en es dat willem doirke(n)s/ e(n)nige r(e)nu(n)tiatie gedaen heeft gelufte oft/ eedt Naed(en) welken p(ar)tien in w(er)sijd(en)/ geconcludeert hebbende elck tot sijnd(er)/ meyni(n)gen Es gewesen bijden scepen(en)/ van loeven(e) t(er) maniss(en) smeyers dat de p(ro)cur(eur)/ vanden hee(re) van yselsteyn voirs(creven) met sijnen/ renvoye verdoelt is mair gelieft hen/ den poirte(r) alhier aen te spreken(e) dat hij/ dat doen mach act(um) in scampno p(rese)ntib[(us)]/ om(n)ib[(us)] scabinis februarii xx[a]
Nagekeken door: Jos Jonckheer
Moderator: Greet Stevens
Laatste update:: 2017-06-13 door Xavier Delacourt