Cont zij allen lieden dat henr(ic) vanden veken(e)/ en(de) beatrijs vand(er) heyden sijn wijf wonen(de) te/ wesemale hebben genome(n) en(de) bekynne(n) dat zij/ genomen hebben van meeste(re)n barth(elmeeuse) kyp/ secretar(is) der stadt van loeven(e) sijn huys/ en(de) woenstadt schue(re)n stallen en(de) weyen va(n)d(en)/ boeg(ar)de metter hellicht vand(en) oefte d(air)inne/ wassen(de) gelegen te wesemale aen den plain/ tusschen de strate gaen(de) tarsschot w(er)t en(de) de/ strate strecken(de) te bexhem w(er)t behoudelijck
//
dat de voirs(creven) meest(er) barth(elmeeuse) voe(r) hem en(de) de/ zijne sal behouden tgebruyck vander came(re)n/ boven mett(er) scouwe(n) ende deen voute oft he(m)/ gelieft metter heymelijch(eit) beneden int somerhuys/ t(er) straten w(er)t It(em) alle de wynnen(de) lande die/ henr(ic) lod(ewijx)? voe(r) den voirs(creven) henr(icke) als wynne/ gehouden heeft te wesemale ende d(air)omtrint/ gelegen It(em) de eeussele(n) en(de) beempd(en) nae/ verclairt Te weten(e) deeussel metten boeg(ar)de/ geheeten den ouden boeg(ar)t en(de) schue(re) d(air)op staen(de)/ sonder in doeft van dien boeg(ar)de e(n)nich recht/ te hebben(e) It(em) de weye vand(en) hofwege/ metten eeusselken d(air) ane gelegen opde zijde/ te pet(er) lofs wert It(em) tvorste eeussel op dinde/ vanden hofwege comen(de) aende hofgrecht en(de)/ aen delst(en) metten gaesbeempde d(air) dopgaen(de)/ hout op steet It(em) de ned(er)beempde metter/ vlotterien comen(de) tot aen thoogheeussel des/ voirs(creven) meest(er) bertel(meeuse) It(em) de p(ar)tien vand(en) beempd(en)/ die de voirs(creven) meest(er) bertel(meeuse) heeft inde gemeyne/ kerchoverbeempde met eene(n) dach(mael) xxv roeden/ beempts gelegen [onder de leigrecht en(de) ii(½) dach(mael) bee(m)pts geleg(en)] inde helchte te houden/ te hebben ende te wynnen van halfmerte/ a(n)no xcix stilo braban(tie) naistcomen(de) eenen/ t(er)mijn van ix ja(r)en lang elcx jairs de/ voirs(creven) wynnen(de) land(en) om en(de) voe(r) xvi mudde(n)/ rox goet en(de) payabel der maten van loven(e)/ s(in)[t] andries(mis)s[e] te bet(alen) en(de) te loven(e) tarsschot/ oft te rotselair te leve(re)n d(air)t meeste(re)n barth(olomeeuse)/ believen sal Ende de voirs(creven) eeussele(n) en(de)/ beempd(en) jairlijcx om xxvii holl(ans)gulden(en) tstuc/ te xvi stuv(er)s s(in)[te] m(er)tens(mis)s[e] te bet(alen) quol(ibe)t ass(ecu)[tu(m)]/ met conditie(n) dat elc vand(en) p(ar)tien voirs(creven) ten
//
vi[ten] ja(r)e sal moegen scheyden seggen(de) tselve/ deen oft dande(r) op goets tijts te weten(e)/ een jair te voe(re)n en(de) niet anders It(em) de/ wynne sal tot sijne(n) afsceyden(e) de voirs(creven)/ wynnen(de) land(en) laten wel en(de) loffel(ijc) besaeyt/ en(de) gemest te weten(e) den wint(er)aert ende/ alle blueken die alsd(an) behoe(re)n sullen met/ wint(er)coren besayet te zijne en(de) die landen/ bedriven wynnen mesten en(de) besayen sijne(n)/ tijt due(re)nde als regenoten boven en(de) bened(en)/ en(de) alsoe dat genoech sal moegen wesen/ Ende oic den somerart en(de) al op getijdige/ voe(re)n en(de) egheene moegen hoervruchte(n) noch/ oic de ettinge breken om te besayen sonder/ consent des voirs(creven) meest(er) barth(olomeeuse) noch oic/ dese goede voirts ande(re) moegen uutgeve(n)/ sonder consent als voe(r) sijne(n) t(er)mijn due(re)nde/ ende tot sijnen afsceyden(e) egheen mest noch/ stroo uten selven hove moegen vue(re)n It(em)/ de voirs(creven) wyn en sal egheend(er) hande hout/ opde goede oft grachten staen(de) moegen afhouwe(n)/ tot berringen noch anders dan alleene/ hebben de verdroeghde willeghe(n) en(de) popele(re)n/ planten(de) voe(r) elken twee poeten vanden selven/ arde ende den afval van gaespen als he(n)r(ic)/ op tgoet tru(n)cken sal t(er) plaetssen d(air)t meest(er)/ barth(olomeeus) hem bewijst om tot henr(icx) laste de/ goede d(air)mede te bevreden en(de) de weg(en)/ d(air)aen liggen(de) te maken(e) en(de) niet voirde(r)/ ende de voirs(creven) henr(ic) sal jairl(ijx) tot desen/ opte voirs(creven) goede setten xxv oud(er) willigen/ en(de) popele(re)n poten en(de) tot dien ofter meer
//
valt int truncken sal hij die oick planten/ en(de) die metgaders den jongen oeft boemen/ inde boeg(ar)den desselfs meest(er) barth(olomeeuse) schuldich/ zijn behoirl(ijc) te verdoirne(n) tegen die beesten/ nemen(de) die op tgoet t(er) mi(n)ster schaden It(em) sal/ de wynne sculdich zijn die bog(ar)d(en) en(de) weyen/ sijns meest(er)s reyn te houden(e) bij maying(en)/ inden somer goets tijts van biessen struvelle(n)/ van doirne(n) breme(n) en(de) and(er)ss(ins) alsoe dat genoech/ zij en(de) sijn smeest(er)s schade te verhueden(e) ende/ te beletten(e) en(de) hem d(air)af te wairnen(e) opd(at)/ hij van e(n)nig(er) schad(en) v(er)name It(em) de voirs(creven) wy(n)ne/ sal de grechten ende wat(er)leyden aende voirs(creven)/ goede vegen ruyme(n) ende verheffen tot sijnen/ coste alsoe dat genoech zij en(de) dat meester/ barth(olomeeus) d(air)om niet bescadicht en wordde noch/ zijn goet geargert Ende de voirs(creven) meester/ bartel(meeus) sal den voirs(creven) henr(icke) jairlijcx corten/ aen sijn hue(r) vand(en) beemden drie hollan(sche)/ gul(den) te xvi stuv(er)s tot sijnder berringen behoef/ It(em) de voirs(creven) wyn sal den voirs(creven) meeste(re)n/ barth(olomeeuse) oft hijs beg(er)de een calf oft jonge/ verse moten some(re)n en(de) laten weyen met sijne(n)/ beesten en(de) tselve v(er)wa(r)en gelijc den sijnen/ It(em) de wynne sal jairlijcx den voirs(creven) t(er)mijn/ due(re)nde den voirs(creven) meeste(re)n barth(olomeeuse) moten leve(re)n/ te vastelavont een cleyn luepelinc van eene(n) verken(e) It(em) sal de voirs(creven) wyn jairlijcx leve(re)n/ vijftich bolste(re)n walms om de huysen mede/ te versiene ende alsmen die verdect oft/ anders plect en(de) nietvan ouden wercke sal/ henr(ick) den montcost geven en(de) meest(er) bertel(meeus)/ de dachue(re)n bet(alen) Ende de wynne sal de
//
wan(den) houden vanden huys(en) en(de) schue(re)n/ vander onderster rijckelen nederw(er)ts in goeden/ state als dat behoirt Item de voirs(creven) wynne/ sal allet stroo comen(de) vanden voirs(creven) goeden/ en(de) oic van omtrint v dach(male) lants henr(ic) toebeh(oirende)/ bringen int hoff en(de) dat ald(air) etten en(de) te meste/ maken ende op dlant vue(re)n sonder e(n)nich stroo/ te vercoepen oft elswair te beke(re)n in walme/ oft anderssins dan alleen(e) alsoe vele walms/ als hij als voirs(creven) steet meeste(re)n barth(olomeeuse) leve(re)n/ moet It(em) de wynne sal oic sculdich zijn/ de aerden vanden landen te gelijck(en) als dat/ behoirt om dat die bijd(en) orlogen in tijden/ voirleden ongelijct sijn It(em) de wynne sal jairl(ijcx)/ moten halen den leem diemen ald(air) int hoff/ behoeven sal oft eld(er)s aend(en) schue(re)n oft gestijpte/ d(aer) meest(er) b(ar)tel(meeus) hem dat bewijsen sal ende tot/ dien doen meeste(re)n barth(olomeeuse) drie carweye(n) met/ frute? oft and(er)ssins It(em) soe v(er)re meeste(re)n barth(olomeeus)/ beliefde den t(er)mijn van des(er) pechtingen scape/ te houden(e) op sijn hof ald(air) dat de voirs(creven) wyn/ die sal moten aenveerden op conditie en(de) vorw(er)de/ als ande(re) boven en(de) beneden en(de) gelijc zij des d(air)af/ als ande(re) boven ende beneden en(de) gelijc zij/ des d(air)af eens sullen moegen wordden ende/ d(air)inne sal de wynne voirs(creven) sijne(n) meest(er)/ p(re)fere(re)n vremd(en) luden op dat sijne(n) meest(er) ae(n)staet/ en(de) sijne(n) tijt due(re)nde de selve scape mot(en) uuyt/ houden ende om dat de voirs(creven) henr(ick) voe(r) tvold(oen)/ van des voirs(creven) steet egheen(e) borchtocht en stelt/ heeft hij den voirs(creven) meeste(re)n bertel(meeuse) bekint voe(r)/ scepen(en) van loeven(e) naebescreven de so(m)me van/ hondert rinsg(ulden) omdat hij gebreck hebben(de)
//
van tvold(oen) van desen co(n)tracte dat metten selve(n)/ brieve soude moegen verhalen ende tot dien/ sulle(n) de wy(n)ne ende zijn werdynne hue(r)/ erve onder wesemale ende vorst die stellen/ in sekerheit en(de) ten onderhouden(e) vanden selven/ alle fraude in desen uutgesceyden ende/ dinhout van des(er) vorwerden geluften ende/ conditien metten beleyde van wijlen ar(nol)[d(us)]/ kyp sijns vad(er)s vand(en) v(er)pachting(en) mogen/ verhalen en(de) vervolgen met rechte sond(er) e(n)nich/ voird(er) beleyt te derven maken ten wa(r)e dat/ meeste(re)n barth(olomeeus) geliefde ende alle dese saken/ vorw(er)den (et)c(etera) cor(am) blanck(art) hubrechts m(ar)cii ii[a]