Nae dien de gezwoirne vanden bried(er)s ambachte/ bynne(n) des(er) stadt der wet te kynne(n) hebbe(n) gegeven/ hoe zij ter ee(re)n gods en(de) zijnd(er) gebenedider moeder [en(de)] van/ hue(re)n spe(ci)alen patrone sint arnoult hebbe(n) doen erige(re)n/ een outaer ind(er) kerck van sinte pet(er)s te loeven(e) bij voirg(eruerde)/ consente der he(re)n deken(e) en(de) cap(it)le d(er) selv(er) kerck ende/ in dien hue(r) devocie(n) en(de) beg(er)ten acht(er)volgen(de) bege(re)n te/ funde(re)n een weke misse opde(n) selve(n) outaer Soe/ hebben beg(er)t de selve gezwoirne inde(n) name vand(en)/ ambachte he(n) in dien vanden selve(n) wethoude(re)n spe(ci)al/ consent en(de) willecore(n) te willen geven dat zij op des/ ambachts huys gelege(n) opde proefstrate geheete(n) henegouwe/ tege(n) de wissel over besitte(n) soude(n) moege(n) en(de) tselve/ huys belaste(n) met vier rins g(ulden) erfelijcke rinte(n) tot behoef/ vand(er) selv(er) fu(n)datie(n) de welke nochtans de gemeyne(n) geselle(n)/ vand(en) selve(n) ambachte betale(n) zulle(n) en(de) de(n) last d(air)af/ sond(er) last desselfs ambachts Op dwelck den/ raidt vand(er) stat int lange en(de) rijpelijc gelet hebben(de)/ en(de) bevi(n)den(de) de selve beg(er)te(n) godlijck en(de) redelijc wesen(de)/ es den selve(n) gezwoirne geconsenteert inden name/ vande(n) selve(n) ambachte de selve belastinghe te moege(n)/ geschiede(n) act(um) in cons(ilio) opidi m(ar)tii viii