Want mathijs van thuydekem als man en(de) mo(m)boir/ m(ar)gr(ieten) vanden vaten zijns wijfs geleit zijnde nae/ des(er) stadt recht voir zijn wettich gebreck uuyt/ cracht van scepen(en) br(ieven) van loeven(e) tot allen den/ goeden beyde have en(de) erve wout(er)s wijlen van/ langrode soe wair die gelege(n) zijn hem met/ ja(n)ne bierain vorste(r) alle de selve goede bynne(n) des(er)/ stadt ende vrijh(eit) d(er) selv(er) gelege(n) behoirlijck heeft/ doen leve(re)n ende d(er) wed(uwen) des voirs(creven) wijlen
//
wout(er)s dach van rechte comp(ar)e(re)n inde banck voe(r) meye(r)/ ende scepen(en) van loeven(e) doen bescheiden oft zij hue(r)/ d(air)tegen hadde willen allige(re)n oppone(re)n Aldair zij op/ heden als ten v(er)streken(en) daige van rechte d(air)toe dienen(de)/ niet gecomp(ar)eert en zijn noch nyema(n)t van hue(re)n wege(n)/ de voirs(creven) geleidde comp(ar)e(re)nde ende trecht voirt v(er)sueken(de)/ soe verre dat de scepen(en) van loeven(e) t(er) maniss(en)/ smeyers nae dat hen behoirl(ijck) gebleke(n) heeft bij cleer/ niss(en) des voirs(creven) vorst(er)s de voirs(creven) leveri(n)ghe ende/ dach bescheidinghe geschiet te zijne gewesen hebbe(n)/ voir een vo(n)nisse wair de wed(er)p(ar)tie vande(n) voirs(creven)/ geleidd(en) niet en comp(ar)eert voe(r) den opstaen(e) smeyers/ en(de) d(er) scepen(en) datmen den selve(n) geleidden vand(en)/ voirs(creven) goeden houden soude inde macht van zijne(n)/ beleide scep(enen) br(ieven) en(de) leveri(n)g(en) alsoe v(er)re alst/ noch voir scep(enen) come(n) es in scampno m(ar)tii/ ult(ima)