Allen den ghenen dat marie vand(er) poerten/ docht(er) wijlen liebrechts vand(er) porte(n) huysvr(ouwe)/ arnts sroosen ons(er) ingeseten(e) poirte(r) in p(rese)ncia/ heeft geconst(itueert) den selve(n) arnde hue(re)n man om/ van hare(n)twegen en(de) in hae(r) name taenveerd(en)/ alle alsulk(en) versterffeniss(en) en(de) successie oft/ makinghe van testame(n)te alse d(er) selv(er) marie/ gemaict toecome(n) oft verschene(n) es bij en(de) nae/ de doot en(de) aflivich(eit) ka(tli)nen vand(er) poerten zust(er)/ als zij leefde d(er) voirs(creven) marie ind(er) stat van/ middelborch en(de) d(air) omtri(n)t het zij van erfhuys(en)/ erfgoed(en) rinte(n) oft ande(re)n haeflijck(en) goed(en)/ en(de) sculd(en) hoedanich die wesen moege(n) Ende/ tot zijne(n) vryen eygen wille te bekee(re)n met/ v(er)coope v(er)thijd(en) en(de) and(er)ssins Ende den coop(er)/ oft coop(er)s vanden selve(n) erfgoed(en) d(air) inne voe(r)/ wet van middelborch behoirl(ijc) te goed(en) met/ alle behoirl(ijcken) solempniteite(n) en(de) usantie van/ rechte d(er) selv(er) stadt en(de) oick in hue(re)n name/ en(de) van hae(re)n tweg(en) alle gelufte van genoech/ doen en(de) wairscape te doene promitt(ens) rat(um)/ cor(am) blanck(art) cav(er)chon ap(ri)lis iiii[ta]