Vander questien gecome(n) bijden raide vand(er) stadt/ tussche(n) d(er) weerdi(n)ne(n) vrancx kemel woenen(de) inde/ drie c(ro)ne(n) ter eende(re) en(de) andriese ca(n)nay t(er) ande(r) zijd(en)/ den welk(en) de voirs(creven) jouffr(ouwe) inde drie c(ro)ne(n) / eysschen(de) was drie ducate(n) die hij ontfange(n) soude/ hebbe(n) van hue(re)n zone woenen(de) te lisebone bove(n)/ s(in)t jacops ind(er) mate(n) de selve hue(r) [zone] dat huer/ naemaels soe zij seyde hadde late(n) weten/ met zijne(n) br(ieven) nae die(n) zij den voirs(creven) andr(ies) ald(air)
//
wed(er) gesonden hadde beg(er)de oick van he(m) beta/ linghe te hebben(e) van vier utr(echtsche) gul(den) die hij oick/ te he(m)wert gehoude(n) hadde oft ontleent van seke(re)n/ pe(n)ni(n)gen die hij huer gebracht hadde van hue(re)n zone/ voirs(creven) dair op de voirs(creven) andries seit alsoe v(er)re/ alst aenghinck den voirs(creven) drie ducate(n) dat hij/ die wel verdie(n)t hadde in dien dat hij wesende/ te lisebone dienen(de) hue(re)n zone eene(n) lange(n) tijt by(n)ne(n)/ zijne(n) huyse hij he(m) die genoech geout en(de) geg(even)/ hadde in drincgelde en(de) and(er)ssins oick beclaechde/ hij he(m) vand(en) voirs(creven) jouffr(ouwe) dat hij doende de reyse/ d(er)wert dwelck wel is hond(er)t mijle(n) bove(n) s(in)t jacops/ mer vijftich stuv(er)s eens gehadt en hadde hoopen(de) alsoe vand(en)/ voirs(creven) drie ducate(n) ongehoude(n) te zijne p(rese)nte(re)nde d(er) selv(er) jouffr(ouwe)/ vand(en) vie(r) utr(echtsche) gul(den) voirs(creven) rekeni(n)ge te doene wair die/ geware(n) wa(r)en hoopen(de) d(air) mede te gestaen bezu(n)d(er)t nae/ den cleyne(n) loen die hij als voe(r) doende de voirs(creven) reyse/ ter beg(er)tte(n) vand(er) ae(n)legg(er)ss(e) gehadt mocht hebbe(n) Es/ get(er)mineert en(de) uuytgesproke(n) bijd(en) selve(n) raide h(ier)op/ int langhe gedelibereert zijnde dat de voirs(creven) andries/ vande(n) drie ducate(n) ongehoude(n) zal zijn mer soe v(er)re/ dat aengaet den vier utr(echtsche) gul(den) dat hij d(air)af sculd(ich)/ sal zijn d(er) voirs(creven) ae(n)legg(er)ss(e) navolgen(de) zijn p(rese)ntac(ie)/ rekeni(n)ghe en(de) bewijs te doen(e) genoech zijnde oft/ die moete(n) d(er) selv(er) ae(n)legge(r)ss(e) oplegge(n) en(de) betale(n)/ in cons(ili)[o] op(idi) p(rese)ntibus pynnock buets(ele) burg(imagistr)[is]/ ap(ri)lis xi