It(em) dese voirs(creven) leste guedi(n)ge vanden voirs(creven)/ vijff rinsg(ulden) erff(elijck) ende eene(n) halven boend(er) beempts/ es geschiet alleenlijck t(er) meerd(er) vesticheit en(de)/ versekertheyt des voirs(creven) he(re)n en(de) meest(er)s henr(icke) van/ hout(er)le ende cornel(ise) vande(n) hove om in gevalle/ zij namaels e(n)nich gebreck hadde(n) va(n) betali(n)gen/ der voirs(creven) lijfrinten van thien rinsg(ulden) sjaers dat/ zij dat gebreck dairmede zulle(n) moege(n) v(er)halen/ aende voirs(creven) vijff rinsg(ulden) erffel(ijck) en(de) thalf boend(er)/ beempts oft opde(n) p(er)soen ende ande(re) goeden/ des voirs(creven) jans vande(n) hove dair meest(ere)n/ henr(icke) ende cornelise dat best gelieven zal/ Ende te dier meyni(n)gen sijn de brieve(n) d(air)aff/ den voirs(creven) meest(ere)n henricke in hande(n) gestelt/ ende de voirs(creven) lijfrinte v(er)storve(n) zijnde/ zal dese voirs(creven) guedi(n)ghe gecasseert en(de) te/ nyeute gedaen wordden ende den voirs(creven)/ janne ger(e)stitueert wordden sijn voirs(creven) brieve/ al zond(er) argelist cor(am) eisd(em)