Nae dien bijden raide vand(er) stadt es gecomp(ar)eert/ willem van assche lieuten(ant) m(ijn) he(re)n smeyers van loeven(en)/ t(er) eende(re) inden name vand(er) heerlijch(eit) wegen en(de) geleyn/ vand(en) feyte t(er) and(er) zijden dair de voirs(creven) meye(r)/ onder den ande(re)n te kynne(ne) gaf hoe dat de voirs(creven)/ geleyn seke(re) afdragen(de) en(de) scamelijcke woird(en) gesproke(n)/ soude hebbe(n) opde hoogheyt ons(er) ald(er) genad(ichs)[te(n)] hee(re)n des/ roomsche(n) coni(n)cks en(de) eertsh(er)togen ph(ilip)s sijns soens comen(de)/ spruyten(de) uuyt seke(re)n v(er)volge alh(ier) gebuert bij anthonijse/ gheerlack en(de) zijnd(er) werdynne(n) comen(de) uuyte(n) duytssche(n)/ lande die alh(ier) seke(re) hue(r) erffel(ijck) en(de) success(ie) v(er)volgen(de)/ wae(re)n ende ten ocsuyne van dien seke(re) br(ieven) desselfs/ ons ald(er) gened(icher) hee(re)n srooms coni(n)cks bracht mochte(n)/ hebben en(de) oick van hertoghen ph(ilip)s sijne(n) soene/ te weten(e) dat hij opde br(ieven) des roomsche(n) coni(n)cx/ niet eene(n) strout en paste Ende de br(ieven) van eertsh(er)tog(en)/ ph(ilip)s en wae(re)n and(er)s niet dan wat(er) dore asschen/ geloepen dwelc hem noch nyeman(de) en betaemde
//
alsoe de hooth(eit) der selver twee hee(re)n te cort te doen(e)/ en(de) d(air)op te spreken(e) p(rese)nte(re)nde tselve te thoen(en) soe/ verre hijt ontkinde conclude(re)nde soe v(er)re hij zijns/ v(er)meets volquame oft bij geleyne wordde bekint/ dat hij d(air)af gestraeft en(de) gepunieert soude wordde(n)/ ten exemple van ande(re)n D(air) tegen de voirs(creven) geleyn/ tselve ontkynnen(de) seyt datme(n) dat ni(m)mermeer/ bevi(n)den en soude dat hij e(n)nighe wordd(en) t(er) cleynich(eit)/ vand(en) twee he(re)n gesproken soude hebbe(n) mer/ was wair dat de huysvr(ouwe) des voirs(creven) anth(onijs) twee/ voir ma(n)nen hadde gehadt d(air) af hij e(n)nige kinde(re)/ va hue(r) als maech hadde opgevuedt en(de) gehouden/ en(de) en hadde met pijne(n) in dien te doene dan/ te v(er)antw(er)den de voirs(creven) kinde(re) en(de) hue(r) goed(en) in/ dien dat de moed(er) die nu met hue(re)n derden/ man anth(onijs) voirs(creven) v(er)thie(re)n en(de) v(er)coepen woud(e)/ dwelc hij hoepte dat nae des(er) stadt recht/ alsoe niet en behoirde met meer ande(re) woirden/ ontkynen(de) altijt e(n)nige scamel(ike) woird(en) als voe(r) opd(en)/ voirs(creven) m(ijn) hee(re) den coni(n)ck oft sijne(n) sone gesproken/ te hebben(e) d(air) op de meye(r) replice(re)nde seyt dat/ hij hem h(ier) af naird(er) dan met m(ijn) hee(re) den meye(r)/ beraden woude oft hijt int civijl oft t(er)mineel dese/ sake beleyden woude de voirs(creven) geleyn d(air) tegen/ duplice(re)nde meynde want hij civilijck geco(n)cludeert/ hadde en(de) hij dair tegen sijn v(er)antw(er)den hadde/ gedaen datmen de selve materie voirts civilijck/ soude tracte(re)n en(de) hante(re)n en(de) dat hij soude moegen/ verborgen de voirs(creven) offic(ie)r de (contra)rie sustine(re)nde/ bliven(de) op sijn beraet Es uuytgesproken en(de) get(er)mi/ neert gemerct de litiscontestatie(n) voirs(creven) en(de) co(n)clusien/ bij p(ar)tien in dien genomen ende gedaen dat zij/ int pri(n)cipael wijsden den voirs(creven) meye(r) tot sijnen/ thoene bij hem bijgeleet tot eene(n) seke(re)n gelegen(en)/ daige die(n) hij d(air)toe soud(e) moegen nemen om p(ar)tie(n)/ in dien gehoirt recht te doene soe behoe(re)n soude/ Ende dat de voirs(creven) geleyn opdat hem geliefde
//
soude moegen verborgen actum cor(am) tymple sub(stitu)[to]/ buetsele burgim(a)g(ist)ris lyefkenrode rosme(er) scab(inis) et aliis/ de (con)s(ili)[o] opidi augusti xvi