Want arnold(us) van kets als p(ro)cur(eur) vand(en) inf(er)merie(n)/ vand(en) groten beghijnhove bynne(n) loeven(en) uuyt crachte/ van scepen(en) br(ieven) van loeven(en) ov(er)lanck gepass(eer)t heeft/ en(de) jairl(ijcx) heffen(de) es iii(½) mudden rogs pag(abilis) maten/ van loeven(en) erfp(acht) alle jae(re) s(in)t andries(mes)s[e] apostels te/ betalen(e) en(de) te loeven(en) te leve(re)n aen en(de) opde goede/ naebescr(even) gelegen te voshem Te weten(e) yerst aen/ en(de) op huys en(de) hof metten wynnen(de) lande d(air)aen/ gelegen en(de) den toebeh(oirten) houden(de) tsamen vi dach(mael) luttel/ myn oft meer gelegen tusschen de goede der kercke(n)/ van voshem en(de) jans geheeten thasen ende op alle/ dande(re) goede inde scepen(en) br(ieven) van loeven(en) begrepen/ hem met brieve(n) van des(er) stadt gescreve(n) aend(en)/ meye(r)van vilvoirden oft zijne(n) stadthoude(r) te vossem/ Alle de selve goede ende ond(er)pande inde selve(n)/ br(ieven) begrepen behoirlijc heeft doen leve(re)n ende jacoppe/ vand(en) veken(en) en(de) ande(re) dach van rechte te co(m)p(ar)e(re)n/ alh(ier) inde banck voe(r) meye(r) en(de) scepen(en) van loeven(en)/ doen besceyd(en) oft hij hem d(air)tegen hadde willen/ oppone(re)n ald(air) hij op heden als ten dage van rechte/ d(air)toe dienen(de) niet gecomp(ar)eert en es noch niema(n)t/ van zijne(n) wege(n) den voirs(creven) p(ro)cur(eur) comp(ar)e(re)nde en(de)/ trecht voirts v(er)sueken(de) soe v(er)re dat de scepen(en)/ van loeven(en) t(er) maniss(en) smeyers nae dat hen/ behoirlijc gebleken heeft bij rappoirte baud(ewijns) belle(n)s/ des(er) stad bode tvoirs(creven) exploit gesciet te zijne gewese(n)/ hebben met vo(n)nisse wair de wed(er)p(ar)tie vand(en) voirs(creven)/ geleydd(en) niet en comp(ar)eert voe(r) den opstae(ne) smeyers/ en(de) der scepen(en) datmen den selven p(ro)cur(eur) tot behoef/ alh(ier) voe(r) houden soude inde macht van zijne(n) scepen(en)/ brieven en(de) leveri(n)gen alsoe v(er)re alst noch voir scep(enen)/ comen es in sca(m)pno decembr(is) qui(n)ta