Nae dien jan diericx als poirte(r) van des(er) stadt hadde / doen afscriven aenden meye(r) en(de) scepen(en) van vorslair/ alsulken v(er)volgh van rechte als jan de wolf ald(air)/ hadde doen doen voe(r) seke(re) erfrinten die hij op/ seke(re) desselfs poirt(er)s erfgoede heffen(de) was es/ en(de) den selve(n) janne de wolf dach van rechte / alh(ier) heeft doen beteeken(en) tot seke(re)n voirleden(en)/ dage tot op heden geco(n)tinueert dair de selve poirte(r)/ niet gecomp(ar)eert en es laur(eys) de wolf sone ende/ als p(ro)cur(eur) sijns vaders comp(ar)e(re)nde hem te rechte heeft/ gep(rese)nteert en(de) de (con)tu(m)acie des voirs(creven) poirte(r)s niet/ comp(ar)e(re)nde geaccuseert en(de) alsoe voirts versocht/ tremvoy vand(er) saken t(er) plaetssen van vorslair d(air)/ zijn vader zijn recht bego(n)nen en(de) geintenteert hadde
//
soe hebben de scepen(en) van loeven(en) t(er) maniss(en) smeyers/ gewesen met vo(n)nisse geliefde den p(ro)cur(eur) voirs(creven) zijn/ p(rese)ntatie te doen teken(en) dat hij dat doen mochte/ ende hadde hij voird(er) gebreck dat hij dat volghde/ aenden borg(er)meest(er) in scampno cor(am) o(mn)ib(us) dempto hubr(echts)/ nove(m)br(is) qui(n)ta