Want h(er) jan van lie(r) als p(ro)cur(eur) vand(en) fabriken/ en(de) meest(er) barth(olomeus) boeyen als p(ro)cur(eur) vand(en) [brued(er)scap vand(en)] heylige(n)/ sacrame(n)te vand(en) kercken van sinte pet(er)s te loeven(en)/ geleidt zijnde nae des(er) stadt recht voir huer/ wettich gebreck uuyt crachte van scepen(en) br(ieven)/ van loeven(en) tot allen den goeden beyde have/ en(de) erve roelofs corsbout en(de) jans van helmont/ soe wair die inder stadt van loeven(en) oft bynnen/ der vrijh(eit) der selver gelegen sijn hem met symon(e)/ bellens vorste(r) alle de selve goede behoirlijc hebben/ doen leve(re)n ende lijsbetthe(n) wed(uw)[en] jans wijle(n) van/ helmont dach van rechte te comp(ar)e(re)n alh(ier) inde banck
//
voir meye(r) en(de) scep(enen) van loeven(en) doen besceyden oft/ zij huer d(air)tegen hadde willen oppone(re)n ald(air) zij op/ heden als ten daige van rechte d(air)toe dienen(de) niet/ gecomp(ar)eert en es noch niema(n)t van hue(re)n wegen/ Ende den voirs(creven) meeste(re)n barth(olomeus) als p(ro)cur(eur) voirs(creven)/ ende willem(me) van leefd(ale) als p(ro)cur(eur) der fabrijken/ voirs(creven) comp(ar)e(re)nde ende trecht voirts v(er)sueken(de) soe/ v(er)re dat de scepen(en) van loeven(en) t(er) maniss(en) smeyers/ nae dat hen behoirlijc gebleken heeft bij cleerniss(en)/ des voirs(creven) vorst(er)s dexployt voirs(creven) gesciet te zijne/ gewesen hebben met vo(n)nisse wair de wed(er)p(ar)tie/ vand(en) voirs(creven) geleydden niet en comp(ar)eert voe(r)/ den opstaen(e) smeyers ende der scepen(en) datmen den/ selven geleidden vand(en) voirs(creven) goeden houden soude/ inde macht van hue(re)n beleide scepen(en) br(ieven) ende/ leveringe(n) alsoe v(er)re alst noch voir scepen(en) comen es/ in scampno decembr(is) qui(n)ta