Want arnoldus van vroenhoven als p(ro)cur(eur) m(ijns) vr(ouwe) van/ beloys geleydt zijnde nae des(er) stadt recht voir zijn/ wettich gebreck uuyt crachte van scepen(en) brieven van loeven(en)/ tot allen den goed(en) beyde have en(de) erve jans en(de) jacops/ wijlen marick gebruede(re)n willems wijle(n) van ro(m)male/ jouff(rouwe) ysabele(n) vand(er) gheeten sijns wijfs en(de) mathijs wijle(n)/ vand(er) gheeten soe wair die gelegen zijn hem met/ brieven van des(er) stadt gescreven aenden meye(r) van/ gest a geropont oft zijne(n) stadthoude(r) alle de selve goede/ behoirlijc heeft doen leve(re)n ende oiren en(de) erfgenamen / vand(en) voirs(creven) p(er)sone(n) dach van rechte te comp(ar)e(re)n alh(ier)/ inde banck voir meye(r) en(de) scepen(en) van loeven(en) doen besceyd(en)/ oft zij hen d(air)tegen hadden willen oppone(re)n Ald(air) zij op/ heden als ten dage van rechte d(air)toe dienen(de) niet/ gecomp(ar)eert en zijn noch p(ro)cur(eur) van hue(re)n wegen den/ voirs(creven) geleidden comp(ar)e(re)nde en(de) trecht voirts versueken(de)/ soe v(er)re dat de scepen(en) van loeven(en) t(er) manissen smeyers/ nae dat hen behoirlijc gebleken heeft bij rapporte/ jans driedoens [van hove] des(er) stadt bode tvoirs(creven) exploit gesciet/ te zijne gewesen hebben voir een vo(n)nisse wair/ de wed(er)p(ar)tie vand(en) voirs(creven) geleydden niet en comp(ar)eert/ voe(r) den opstaen(e) smeyers ende der scepen(en) datmen/ den selven geleydden vand(en) voirs(creven) goeden houden soude/ inde [macht] van sijne(n) beleide scepen(en) brieven en(de) leveri(n)gen/ alsoe v(er)re alst noch voir scepen(en) comen is in scampno/ januarii ix[a]