Item de voirs(creven) henrick vand(er) horst geleydt zijnde/ totter voirs(creven) gehuysschen goed(en) geloeft den voirs(creven)/ gehuysschen dat hij uuyt crachte vand(en) voirs(creven) beleide/ de selve gehuysschen noch hue(r) goede niet pramen/ en sal metten selven beleide noch tselve t(er) executien/ stellen in gheend(er) wijs soe langhe als de selve/ roelof en(de) zijn huysvr(ouwe) leven sullen oft den van/ hen beiden leven sal ende oft e(n)nige ande(re) geleidde/ de selve gehuysschen oft hue(r) goede pramen wouden/ met e(n)nigen ande(re)n beleyde dat de voirs(creven) henr(ick)/ vand(er) horst ende zijn kinde(re) voirs(creven) met hue(re)n beleide/ in dien gevalle de selve gehuysschen te baten comen/ sullen en(de) hen ende hue(r) goede d(air)mede bescudden/ Ende oft de voirs(creven) henr(ick) vand(er) horst aflivich wordde/ voe(r) de voirs(creven) gehuysschen oft den lancstleven(de) van hen/ beiden dat zij insgelijcx nae de doot des voirs(creven)/ henr(ick) de selve gehuyssche(n) noch hue(r) goed(en) voirs(creven)/ metten voirs(creven) beleide oic niet pramen en zullen/ soe lange als de selve gehuysschen leven sullen als/ voe(r) cor(am) eisd(em)