Vander aenspraken die joh(ann)es gheens als procur(eur)/ ad(ri)aens de hont gedaen heeft inde banck voe(r)/ meye(r) en(de) scepen(en) van loeven(e) op deseron philippa/ en(de) alijt del flosse sijnen wive ald(air) hij heeft doen/ lesen eene(n) scepen(en) br(ieve) van loeven(e) d(air)mede h(er) gorijs/ le vie(n)gne ende meer ande(re) p(er)soenen verobligeert
//
stonden voe(r) eene(n) rijder en(de) tvie(re)ndeel van eene(n)/ rijder lijfpen(sien) ten live des voirs(creven) ad(ri)aens bekint/ ende gepasseert a(n)no li julii xxiiii bij roelofve/ le vie(n)gne en(de) janne gorijse sijnen sonen uuyten/ broode gedaen d(air) meest(er) felix de hont zijn/ heffen inne hadde d(air)de selve jannes als/ p(ro)cur(eur) opdede ende p(rese)nteerde te bewijsen dat/ de voirs(creven) h(er) gorijs in zijnen leven(e) was wel/ en(de) redelijc versien van vele ende div(er)se/ goeden huysrade en(de) oick van div(er)sen beesten/ coeyen vercken(e) en(de) and(er)ssins sunderlinge als he(m)/ de siecheyt aenquam d(air) hij af gestover es ten/ ande(re)n male dat de voirs(creven) h(er) gor(ijs) [alijt] een langhe/ wijle tijts ende over vele ja(r)en voir daflivich(eit)/ des voirs(creven) h(er) gorijs marte geweest hadde desselfs/ h(er) gor(ijs) en(de) ald(air) tot sijnen huyse tgeheel regime(n)t/ gehadt hadde van alsulk(er) haven en(de) goeden/ als de voirs(creven) h(er) gor(ijs) alsdoen besadt It(em) dat ter/ tijt als h(er) gor(ijs) lach in zijne(n) dootbedde en(de) uut(er)sten/ dat alit nae zijn doot dair hadde huers/ brued(er)s wagen en(de) p(er)den ende dair layde en(de)/ dede layen alsoe vele van des voirs(creven) h(er) gor(ijs)/ huysrade alst huer beliefde en(de) goet dochte en(de)/ alsoe geladen hebben(de) die dede ewech vue(re)n/ met oick seke(re) alsulk(er) beesten als de selve/ h(er) gor(ijs) ald(air) mocht hebben en(de) alsoe vele en(de) luttel/ alst huer geliefde Ende ut(er)lijck dat de voirs(creven)/ alijt de voirs(creven) have alsoe aenveert en(de) ewech/ gevuert heeft den voirs(creven) h(er) gor(ijs) toebeh(orende) ende/ bleef besitten(de) als huer proper goet alsoe wel/ nae de doot des voirs(creven) h(er) gorijs als voe(r) zijn/ doot dese ende meer ande(re) pointen p(resen)teerde/ hij te bewijsen(e) den rechte genoech zijnde sustne(re)nde
//
voir sijn conclusie dit bij hem gethoent dat/ de voirs(creven) deseron als mo(m)boir sijns wijfs gehoud(en)/ soude zijn de lijfpen(sien) voirs(creven) metten acht(er)stellen/ van xvi ja(r)en oft d(air)omtrint verloopen voldaen/ te hebben die hij bij eede p(rese)nteerde te doen ve(r)i/ fice(re)n bijden ghenen die dat behoirde te doene/ d(air)tegen deseron antw(or)de bij jacoppe(n) witteman/ sijnen p(ro)cur(eur) ontkynde gansselijck dbijleggen/ des voirs(creven) ad(ri)aens oft zijns p(ro)cur(eur)s e(m)mer vand(en)/ aenveerden vander haven als voe(r) hopen(de) dat/ hij dat niet en soude co(n)nen doen geblijcken/ Ende nae dien ad(ri)aens p(ro)cur(eur) d(air)toe gewijst/ zijnde ende genoech gethoent hebben(de) dinhoud(en)/ van sijnen twee yerste pointen en(de) oic opt iii[de]/ point met pete(re)n de raydemake(re) dat hij sach met/ huers brued(er)s wagen(e) ewech vue(re)n alrehande huysrade/ nyet weten(de) wair dat voere ende wair zij dair/ mede bleef h(er) mathijs pake prieste(r) thuyght d(at)/ hij wel weet dat alijt zijn(e) marte inden leven(e)/ vand(en) voirs(creven) h(er) gorijse dede layen opden wagen/ van hue(re)n brueder vele haeff(liken) goede toebehoiren(de)/ den selven he(re)n gor(ijs) en(de) die dede ewech in zijne(n)/ leven(e) en(de) oic nae zijn doot dede zij halen/ seke(re) beesten op tiiii[de] point hebben getuyght/ de voirs(creven) drie getuygen welken thoen ald[(us)]/ volleyt zijnde en(de) volcomen de voirs(creven) p(ro)cur(eur) vand(en)/ aenlegge(r) conclude(re)nde inder sake gesustineert/ heeft voir zijn conclusie dat de voirs(creven) verw(er)de(r)/ gehouden soude zijn als de ghene die de selve/ alijt nae staet der heylig(er) kercken getrouwt hadde/ soe hij bekint hadde zijnen eysch te voldoene hem/ des gedragen(e) totten rechte wair op scepen(en)/ gemaent zijnde ende de(n) verweerde(r) niet/ comp(ar)e(re)nde noch p(ro)cur(eur) voir he(m) hem rechts
//
werich maken(de) in zijnen name hoe wel hij/ d(air) p(rese)nt was gewesen hebben met vo(n)nisse dat/ den voirs(creven) aenlegge(r) sijnen eysschen volgen sal in/ scampno cor(am) o(mn)ib(us) scabinis decempto lyefke(n)rode/ februarii viii[a] Et h(ab)uit que(re)las Et est add(uc)[t(us)]/ hiis int(er)fu(erunt) tymple buets(ele) nove(m)br(is) xiiii a(nn)[o] xv[c]