Item dierick de dobbele(re) in p(rese)ntia heeft/ genomen ende bekint genomen te hebben tegen/ he(re)n mach(iel) absoloens ridde(r) thoff desselfs/ he(re)n machiels met allen sijnen toebehoirten/ gelegen inde p(ro)chie van sinte qui(n)tens le(n)neke/ geheten ten broecke gelijc de selve wyn/ dat voirmaels gehouden heeft te houden/ te hebben en(de) te gebruycken van mey naistc(omende)/ over een jair dwelc sijn sal a(nn)[o] xv[c] en(de) een/ eenen t(er)mijn van xii ja(r)en lanck due(re)nde/ deen nae dander vervolgende elcx jairs/ d(air)enbynnen te weten(e) de wynnen(de) lande om/ ende voe(r) lx mudden en(de) een half corens/ pag(abilis) cu(m) va(n)no alle ja(r)e ten gewoenlijcken ende/ behoirlijcken tijde te bet(alen) en(de) te leve(re)n ende/ de weye jairlijcx om ende voe(r) xxv r(ins)g(ulden)/ xiii st(uvers) i plecke oic ten gewoenlijcken tijde te/ betalen quol(ibe)t ass(ecu)[tu(m)] Op conditie en(de) vorw(er)de/ dat de voirs(creven) h(er) machiel quijtscelt diericken/ sijnen wynne voirs(creven) vanden lxviii mudden cor(ens)/ twee siste(re)n die hij t(er) rasten is xxxvii en(de)/ twee ziste(re)n ende is conditie en(de) vorwerde/ dat dierick voirs(creven) die xxxi mudden cor(ens)
//
die hij reste(re)nde es boven die xxxvii en(de) twee/ siste(re)n hem quijtgescouwen bet(alen) sal de vi/ mudden d(air)af bynne(n) vier ja(r)en naistcomende/ ende dande(r) xxv mudden rox sal hij onderhouden/ totten ynde vanden xii ja(r)en Item de selve/ wynne es noch gehouden een mudde t(ar)wen/ in sijn pechtinge voe(r) den boeg(ar)t om die hof hoverie mede te betalen(e) It(em) de selve wynne/ voirs(creven) moet alle dlant besayet laten te sijnen/ afscheyden(e) deen voere met vier voeren met/ coren(en) besaeyet ende de ande(re) met haveren/ besaeyt ende de derde brake te sijne(n) afsceyden(e)/ sonder de leste drie ja(r)en en mach hij niet/ v(er)ansaeyen oft hoervruchte(n) Ende sal de wynne/ de voirs(creven) goede en(de) wynnen(de) lande sijne(n) t(er)mijn/ due(re)nde houden in goeden state wynne(n) werve(n)/ ende mesten wel ende loffelijc gelijc regenote(n) boven en(de) beneden ende voirt op alle die/ vorw(er)den conditien ende geluften d(air)op ende/ gelijc hij die voirmaels heeft genome(n) ende/ gehouden soe v(er)re die met desen niet en zijn/ verandert oft gemuteert ende alle dese vorw(er)d(en)/ cor(am) zedele(re) blanckart febr(uarii) xxiiii