It(em) urssele sweerts weerdi(n)ne jans vand(en) male/ metssers heeft voir he(re)n ja(n)ne pynnock en(de) ja(n)ne/ van buetsele borg(er)meeste(re)n en(de) meer ande(re) vand(en)/ raide gecleert dat de selve hue(r) man buyte(n) lants/ es getogen in zeelant in meyni(n)g(en) alh(ier) te lande/ niet wed(er) te comen en(de) niet te wille(n) volmaken/ de borreputte dien hij verdinct heeft en(de) ae(n)genome(n)/ tege(n) de gebue(re)n inde groefstrate tussche(n) robb(eerde)/ crabbe en(de) lod(ewijcke) den voecht en(de) dat hue(r) man in/ meyni(n)g(en) genoech es ald(air) te bliven en(de) niet wed(er)/ te kee(re)n voe(r) dat den selve(n) putte bij ande(re)n vol/ maict es act(um) ap(ri)lis ultima Ende h(ier)op hebbe(n)/ de borg(er)meest(er)s en(de) meer ande(re) vand(en) raide gecon/ senteert lod(ewijck) den voecht inde(n) name vand(en) selve(n)/ gebue(re)n tprouffijt vand(en) selve(n) putte te doen en(de)/ dien en(de) dien aen ande(re) ten meeste(n) orbe(r) van dien
//
te bestaden en(de) met den panden d(air)toe gestelt/ dbeste te doen(e) en(de) die t(er) execuc(ien) te stellen/ en(de) wes dien myn gout dan de pe(n)ni(n)ge d(air)toe/ gestelt dat te restitue(re)n en(de) wes die meer gout/ dan de selve pe(n)ni(n)ge dat met rechte te v(er)hale(n)/ act(um) utsup(ra) aprilis ult(ima)