Tusschen de mo(m)boirs vand(er) capellen van sinte/ berbelen te loeven(en) te weten(e) janne van ov(er)beke en(de)/ woute(re)n hasaert met hue(re)n medepleg(er)s t(er) eende(re)/ en(de) willem(me) bloems t(er) ande(re) om der valuatien/ wille en(de) jairlijcsch(er) bet(alinge) vand(en) drie burgun(dische)/ gulden(en) met sinte andries cruce te xx st(uvers) tstuck/ mu(n)ten sroems coni(n)cx en(de) h(er)togen ph(ilip)s zijns soens/ bekint voe(r) scepen(en) van loeven(en) den mo(m)boirs vand(er)/ selv(er) capellen ende tot behoef vand(en) voirs(creven) capelle(n)/ erff(elijck) a(n)no xc decembr(is) xvi de welke de selve/ willem den mo(m)boirs onlanx voe(r) meye(r) ende scepen(en)/ van loeven(en) besedt en(de) v(er)pandt hadde en(de) dit om der/ valuatie(n) wille ind(er) jairlijcsch(er) bet(alinge) der selv(er) rinte(n)/ d(aer) willem seyde en(de) de mo(m)boirs bekinden dat hij/ gestaen hadde tot h(ier) toe voe(r) elken te bet(alen) xx stuv(er)s/ loepen(de) mu(n)ten bege(re)nde alsoe d(air)mede alnoch te/ moegen gestaen Dair tegen de mo(m)boirs allig(er)d(en)/ al mocht dat soe zijn dat hij d(air) mede gestaen/ hadde zij en wae(re)n mair dieners en(de) en hadden/ vand(en) inhouden(e) vande(n) brieven niet geweten/ en(de) en consten der capellen in dien gheen hinder/ gedoen gemerct dat de brieven in hue(re)n handen/ niet en hadden geweest voe(r) nu niet te myn wes/ de he(re)n appointeerd(en) d(air) mede moeste(n) zij op ende/ af gaen Es geappointeert den reden(en) van p(ar)tien/ in w(eer)sijd(en) aengaen(de) dat wille(m) alnoch gestaen/ soude met loepen(de) mu(n)ten d(air) voe(r) te betalene/ voe(r) elk(en) der selv(er) guld(en) xx st(uvers) soe hij ged(aen)/ hadde tot h(ier)toe ende dat soe lange dat d(aer) op/ and(er)s bijden pri(n)ce en(de) staten vand(en) lande d(air) op/ sal zijn geordineert Act(um) in (con)s(ili)[o] op(idi) p(rese)ntib(us) a(m)bob(us)/ burg(imagis)[tr(is)] lyefke(n)rode borch bla(n)ckart rosme(er) cav(er)chon scab(inis) et plu(r)ib(us)/ aliis de (con)s(ili)[o] augusti ix