Den dach van rechte op heden dienen(de) alh(ier) inde banck/ voe(r) meye(r) ende scepen(en) van loeven(en) tussche(n) arnold(us)/ van vroenhove(n) als p(ro)cur(eur) vrouwe(n) katlijne(n) van oppe(n)dorp/ t(er) eende(re) ende jouffr(ouwe) yden vanden steene t(er) ande(re) hebbe(n)/ de selve p(ar)tien den selve(n) dach uuytgestelt ende/ geco(n)tinueert op hope van peyse tot op van heden ov(er)/ acht daigen naistc(omende) om alsdan te dienen op dats p(ar)tien/ niet en ov(er)comen gelijck dien op heden gedient soude/ hebbe(n) Ende heeft geloeft de selve jouffr(ouwe) yde h(ier)enbynne(n)/ d(air) tegen niet te verwerven van e(n)nigen ma(n)deme(n)ten/ oft and(er)ssins t(er) (contra)rien mair alh(ier) in dien rechts te/ plegen cor(am) borch hubrechts augusti xiii