Item claes vander borch die met scepen(en) brieven/ van leefdale houden(de) en(de) besitten(de) [es] alnoch een half/ mudde rogs erfpachts vand(en) mudde rogs erfpachts/ inden selven brieve(n) begrepen d(aer)af dander half/ mudde d(aer)af dand(er) half mudde bij gheerde vand(en)/ veken(en) als possesseur vanden panden d(aer)voe(r) v(er)bonden/ zijnde gelost en(de) afgequeten es opten xix[ten] dach/ februarii a(n)no xcviii aen en(de) op de goede nae/ bescreve(n) Te weten(e) aen ende op een huys ende/ hoff gelegen opde baggelstrate op deen zijde/ en(de) jans de purpe(re) erfgename(n) erve op dander/ zijde It(em) aen en(de) op vijf vie(re)ndeele(n) lants gelege(n)/ in eene(n) stucke inde p(ro)chie van leef(dal)e voirs(creven)/ t(er) plaetssen geheeten opde hegge tusschen de goede/ des godshuys van affligem t(er) eenre en(de) de goede/ der capelrien des outaers vanden heyligen cruce/ inder kercken van leefdale t(er) ande(r) zijde(n) In p(rese)ntia/ heeft geco(n)senteert en(de) gewillecoirt den voirs(creven)/ gheerde vanden veken(en) als possesseur en(de) besittere/ vanden goeden en(de) panden voirs(creven) dat de selve/ gheert tvoirs(creven) half mudde corens erff(elijc) dat hij/ noch heeft opde selve goede voirs(creven) sal mogen/ lossen ende afquiten met vollen pachte vand(en)/ thiensten dage van merte naistcomen(de) bynnen/ den t(er)mijne van thien jae(re)n d(aer)nae volgen(de) en(de)/ niet langhe(r) nae uutwijsen(en) vand(en) yersten brieve/ / van leefdale voirs(creven) niet tegenstaen(de) dat den/ tijt vand(er) afquitingen van dien opden voirs(creven)/ x[ten] dach van merte naistcomen(de) expire(re)n sal/ gelijc de voirs(creven) brieven dat begrijpen Ende des/ heeft de voirs(creven) gheert t(er) ande(r) zijden geloeft/ voir he(m) en(de) zijn nacomeli(n)gen den voirs(creven) claese/ vander borch en(de) zijne(n) nacomelingen tvoirs(creven)/ half mudde rogs voirtane jairlijcx te loeven(e)/ ten woenhuyse des voirs(creven) claes vander/ borch te leve(re)n den selven clase en(de) zijnen/ nacomelingen los en(de) vry van allen impositie(n)/ subve(n)tien shertoge(n) beed(en) schot en(de) lot en(de) sdorps/ rechte en(de) van allen ande(re)n lasten d(aer)op gestelt/ oft namaels te stellen in e(n)niger manie(re)n/ prout cor(am) h(er)meys buetsele februarii viii[a]