Inder saken gecomen bijden raide vand(er) stadt/ tusschen gieli(se) van cav(er)chon den jongen t(er) eenre/ ende der weduwe(n) meest(er) jans wijlen van raveschote/ verwerdersse t(er) ande(re) aengaen(de) eene(n) seke(re)n wege/ en(de) doerganck dien de besitters vand(er) beckerien/ ald(aer) willen gebruycken toebeh(oirende) der werdi(n)nen jans/ van buets(ele) gelegen inde borchstrate naist en(de) bijd(en)/ goeden des voirs(creven) giel(is) bij hem gecocht tegen den/ voirs(creven) meeste(re)n janne wijlen van raveschote/ Seggen(de) de selve aenlegge(r) dat de besitters vand(en)/ huyse der werdynne(n) des voirs(creven) jans van buetsele/ den wech in ande(re)n manie(re)n wouden gebruycken/ dan meest(er) jan hem hadde te kynnen gegeven/ dat de voirseten bij sijns vaders tijde dien gebruyct/ / hadden ende hoe dat om de wairheyt in dien/ te weten(e) de voirs(creven) giel(is) eene seke(r) v(er)gaderi(n)ghe/ met sijne(n) vrinden ald(aer) gehouden hadde Aldair/ meest(er) jan sandt jacoppe(n) wittema(n) sijne(n) procur(eur)/ ten ynde datmen jacoppen van raveschote brued(er)/ des voirs(creven) meest(er) jans d(aer)op aenhoe(re)n soude ende/ dat de selve jacop ald(aer) cleerde hoe sijn vader/ tselve erve beseten hadde ende plach te besitten(e)/ Te weten(e) dat de ghene die inde beckerie d(aer)naist/ woenachtich wae(re)n acht(er) ter doren vand(er) selv(er) beckerie(n)/ ghingen met twee eemers om ter voeren te comen(e)/ lancx de want vand(er) stalle ald(aer) staende en(de) alsoe/ acht(er)o(m)me den stalle totter voe(re)n toe ende dat de/ ghene die inde beckerie woenden gheen recht/ voirde(r) en hadden dan alsoe voirs(creven) es dwelck de/ selve gielis p(rese)nteerde te thoenen(e) bijd(en) ghene(n)/ die d(aer) bij ende over wae(re)n geweest Sustine(re)nde/ alsoe tot zijnd(er) co(n)clusien dat de weduwe voirs(creven)/ inden name van meeste(re)n janne voirs(creven) die/ hem derve voirs(creven) v(er)cocht hadde d(aer)inne houden/ soud(en) en(de) sculdich wae(r) te houden(e) te weten(e) dat/ hem gheen voirde(r) ongebruyck dan ind(er) manie(re)n/ als boven v(er)clairt steet gebue(re)n en soude ende/ tot dien dat zij he(m) d(aer) af soude doen behoirlijke/ guedinge en(de) vestich(eit) opde vuege(n) en(de) manie(re)n de/ voirs(creven) meest(er) jan tselve erve hem v(er)cocht/ hadde te weten(e) op drie rinsgul(den) s(jae)[rs] die/ hij d(aer)op behouden hadde De voirs(creven) wed(uw)[e]/ de co(n)trarie sustine(re)nde ende des voirs(creven) es ont/ kynnen(de) heeft doen seggen datmen niet bevi(n)d(en)/ en soude hoe meest(er) jan huer man giel(is) derve/ op seke(r) vuegen mocht ten erfchijse gegeven/ hebben d(aer)af de guedinge alnoch niet gebuert/ en was dat vanden weege voirs(creven) verredent/ / soude sijn geweest oft meest(er) jan overgegeven/ soude hebben des bijd(en) voirs(creven) giel(ise) voe(r) v(er)haelt/ was hopen(de) alsoe vand(en) voirnemen(en) desselfs/ giel(is) ongehouden te zijne Ende hebben alsoe/ de wethoude(re)n aenhoirt de clernisse des voirs(creven)/ giel(is) tot eene(n) seke(re)n gelegen(en) dage die welke/ sijns v(er)mets genoech geheel en(de) inder maten/ voirs(creven) volcomen es nae recht ende p(ar)tien/ alsoe in wersijden hebben hue(r) sake gesloten/ Es bijden selve(n) raide op al int lange gelet/ zijnde uutgesproken en(de) get(er)mineert dat de voirs(creven)/ weduwe en(de) huer kinde(re) de behoirl(ijcke) guedinge en(de)/ vestich(eit) vand(er) erven voirs(creven) sculdich sullen sijn te/ doene hem genoech wesen(de) ende dat den wech/ vander beckerien ald(aer) geuseert sal wordden ende/ sculdich sal zijn over den gront te gane d(aer) q(ue)stie/ af es inder maten de wairheyt gedragen heeft/ behalven den besitters der selv(er) ende dien die toebeh(oeren)/ hue(r) recht in dien het zij van op ande(r) manie(re)n/ oft hoe wijt oft breet de selve beckerie dien/ behoirt te hebben(e) Actum in (con)s(ili)[o] opidi cor(am) abs(oloens)/ substituto ijssche burg(imagis)[tr(is)] et aliis de (con)s(ili)[o] m(ar)tii xxvi