Wij tymple baets scepen(en) der stadt van loeven(e)/ doen condt nae dien seke(r) co(n)trav(er)sen en(de) questien/ / opv(er)staen wae(re)n en(de) al lancx soe meer soud(en)/ mogen gerijsen tusschen janne vand(en) stee(n)wege/ wettige sone joes salig(er) gedachten t(er) eend(er) zijd(en)/ en(de) janne vand(en) steenwege janssone t(er) ande(re)/ omme de gedingen die souden moege(n) d(aer)uut/ spruyten te verhued(en) Sijn de selve p(ar)tien/ voirs(creven) bij tussche(n) spreken van vrinden mi(n)lijck/ opde selve hue(r) gescillen nae bescr(even) v(er)accord(er)t/ en(de) ov(er)comen zoe zij en(de) elck van hen voir/ ons scep(enen) van loeven(e) voirs(creven) hebben bekint/ en(de) bekynnen Inden yersten als dat alsulcke/ acht r(ins)g(ulden) te xx stuv(er)s den r(ins)g(ulden) erff(elike) rente(n)/ als in tijd(en) voirled(en) de voirs(creven) wijle(n) joes va(n)d(en)/ steenwege en(de) jan zijn wettich brued(er) hebben/ met wettigen contracten van scep(enen) br(ieven) van lov(en)/ bekint wettelijc v(er)cocht en(de) schuldich te zijne/ arnold(o) wijlen kyp soe de selve w brieve(n)/ en(de) co(n)tracten dat naird(er) inhouden en(de) in hue(re)r/ vorw(er)d(en) verclee(re)n van nu voirtane tot eeuwige(n)/ dagen en(de) in erff(elike) last(en) de voirs(creven) jan va(n)den/ steenwege sone wijlen joes schuldich sal zijn/ te dragen(e) en(de) alle jae(re) te betalen(e) niet tege(n)/ staen(de) dat de selve jan vand(en) stee(n)wege wijle(n)/ jans sone voirs(creven) inde hellicht vand(en) voirs(creven) acht/ r(ins)gul(den) erffel(ike) rinten mits obligatien bijden/ voirs(reven) ja(n)ne vand(en) stee(n)wege sijne(n) vad(er) soe/ voe(r) v(er)clairt is voe(r) scepen(en) van loeven(e) bekint/ soude als successeur en(de) app(re)hense(u)[r] van desselfs/ sijns vaders goed(en) moegen zijn gehouden/ oft belast Accepteren(de) de selve jan va(n)den/ steenwege wijlen joes sone de selve erff(elike)/ rente int geheele tot sijne(n) en(de) sijnd(er) nacomeli(n)g(en)/ last(e) sonder fraude Ende hoe wel de selve/ jan vanden steenwege joes sone mits der/ / voirs(creven) obligatien van erfrenten heeft gedaen/ div(er)se bet(aling)[en] gedragen(de) wel over de xx oft xxii/ jae(r) in welker betali(n)gen hij soude moegen/ ja(n)ne vanden steenwege wijlen jans sone heyssche(n)/ restitutie vander hellicht der voirs(creven) betalingen/ gemerct de voirs(creven) brieven van obligatien d(aer)/ inne sijn vader jan wijlen vanden stee(n)weghe/ niet schulder is geweest en(de) oic inne v(er)bonden/ stont En sal nochtans de selve jan vanden/ stee(n)wege jans sone inde selve betaelde rente/ van janne vanden steenwege joes sone noch/ sijn nacomeli(n)ge nu noch in toecomen(de) tijd(en)/ niet moegen wordden gepraempt tott(er) r(e)sti/ tutien in gheend(er) wijs mair dair van/ sijn en(de) bliven los en(de) quijte soe jan vanden/ steenwege joes sone voir ons bekint heeft/ doende janne sijne(n) neve janssone d(aer)van mits/ desen brieve quitan(cie) en(de) quijtschelden(en) sond(er) argelist/ Ende heeft geloeft noch voir ons jan vand(en)/ stee(n)wege joes sone voe(r) hem en(de) sijn nacomeli(n)g(en)/ den selve(n) janne janssone en(de) sijne(n) nacomeli(n)g(en)/ tot eeuwigen dagen d(aer)van co(m)merloes en(de) scadeloes/ te houden(e) als aengewijsde schout op nochtans/ der r(e)compe(n)satie(n) en(de) vorweerden nae bescreven alle/ fraude en(de) argelist uuytgescheiden Ende es voirts/ te weten(e) dat ind(er) voirs(creven) vereni(n)gen voir ons/ verredent wordt besproken en(de) geco(n)ditioneert/ bijd(en) voirs(creven) p(ar)tien dat in r(e)co(m)pens(ie) der betali(n)g(en)/ vand(en) voirs(creven) acht rinsg(ulden) erffel(ike) renten bij ja(n)ne/ vand(en) stee(n)wege wilen joes sone geschiet en(de)/ noch voirtane te geschieden(e) erffelijc soe boven/ vercleert is de selve jan vand(en) stee(n)wege/ joes sone van nu voirts quite en(de) ongehouden/ sal wesen soe jan vand(en) steenwege jans/ sone voir ons dat bekint en(de) mits desen over/ heeft gegeven vand(er) betalingen van vijf rijders/ / lijfrinten die de selve jan joes sone schuldich/ es oft soude moegen schuldich zijn den selve(n)/ janne sijne(n) neve tot sijne(n) live mits brieven/ van obligatien bekint voe(r) scepen(en) van loeven(e)/ bij joese wijlen vand(en) steenwege oft oic bijd(en)/ selven janne wijle(n) joes sone bekint voe(r) scep(enen)/ van loeven(e) nae inhouden(en) van seke(re)n brieven/ van (con)tracten die voirtijts sijn gemaict ae(n)gae(n)de/ seke(re)n v(er)sterffenisss(en) comen(de) van janne van eetvelde/ en(de) jouffr(ouwe) lijsbette(n) van eedtvelde geheeten tgoet/ van noetijnge(n) en(de) van hessche(n)ne en(de) meer/ ande(r) goede(n) in div(er)se plaetss(en) te bruessele/ en(de) d(aer)omtrint gelegen d(aer)op bijd(en) vader jans/ en(de) janne vand(en) steenwege joes sone voirs(creven)/ seke(r) concordien gemaict zijn nae uutwijsen(en)/ scepen(en) brieven van loeven(e) bekint inden jae(re)/ duysent vierhondert acht en(de) tseve(n)tich opten xv[ten]/ dach van septembri Welke co(n)cordie en(de) tractaet/ van peyse voir ons jan vanden stee(n)wege jans/ sone gelaudeert en(de) geapp(ro)beert heeft houden(de)/ tselve tractaet in allen sijne(n) conditien en(de) vorw(er)d(en)/ soe dat tussche(n) ja(n)ne wijlen sijne(n) vade(r) ende/ janne joessone sijne(n) voirg(enoemden) neve geschiet is/ van weerde(n) onv(er)brekelijck Doende nochta(n)s te/ nyeute en(de) mortifice(re)nde de voirs(creven) vijf rijd(er)s/ lijfpen(sie) inde selve contracten en(de) brieve(n) v(er)cleert/ ende noch and(er)ssins bij joese wijle(n) vanden/ steenwege vader jans v(er)obligeert en(de) voe(r) scepen(en)/ van loeven(e) bekint quite(re)nde den selve(n) ja(n)ne/ vand(en) steenwege jans sone d(aer)van en(de) eene(n) yege/ liken tselve compete(re)nde met behoirlijcker/ quitan(cie) en(de) quijtschelden(en) [voir ons] mits des(er) Ende heeft/ noch voir ons scepen(en) van loeven(e) in r(e)co(m)pensien/ en(de) mits reden(en) als voe(r) jan vanden stee(n)wege/ / janssone getransporteert en(de) ov(er)gegeven trans/ porteert en(de) gheeft tege(n)woirdichlijck over/ in erffe(like) rechte janne vanden steenwege/ wijlen joes sone sijne(n) neve en(de) sijne(n) nacomeli(n)g(en)/ en(de) gherve(n) alsulken bosch aenhouden(de) omtrint/ drie boend(er) als jan vanden steenwege jans/ sone heeft ende hem erffel(ijc) es toebehoiren(de)/ inden lande van gaesbeke liggen(de) t(er) plaetssen/ geheete(n) den gruene(n)berch o(m)me van nu voirtane/ den selven bosch bij janne vand(en) stee(n)weghe/ joes sone sijne(n) neve en(de) sijne(n) gherve(n) eewelijck/ en(de) erffelijck beseten te wordden(e) sonder fraude/ ende heeft voir ons scepen(en) geloeft vanden/ selve bossche te doene alle behoirl(ike) hofrechte(n)/ tot manissen vand(en) selve(n) janne vand(en) stee(n)wege/ joes sone Ende om elke p(ar)tie van al dat/ voirs(creven) is genoech te geschieden(e) soe hebben/ de selve p(ar)tien ende elc van hen renu(n)tie(re)nde/ op alle vrijheyd(en) porterien en(de) exceptien voir/ ons onderlingen toegeseet en(de) deen den ande(re)n/ geloeft alle de voirs(creven) poenten van co(n)cordien/ en(de) co(n)tracten wel en(de) dueghdelijck te houden(e)/ ende tond(er)houden(e) en(de) d(aer)tegen niet te doene/ noch te laten geschiene in gheestelijcken oft/ werlijcke(n) rechten mair ofts noot wae(r) het/ zij van quita(nci)[en] app(ro)batien transport oft oick/ belastinge al boven vercleert in al deen den/ ande(re)n altijt genoech te doene en(de) te voldoen(e)/ voe(r) alle de richte(re)n gerichten gheestelijck oft/ werlike(n) d(aer) dat soude moegen behoe(re)n oft ald(aer)/ men des v(er)socht soude moge(n) zijn als ae(n)gewijsde/ schout alle argelist ende fraude uuytgesteken/ In kynnessen vanden welken (et)c(etera) hebben wij wout(er) va(n)d(en)/ tymple en(de) lod(ewijc) baets voirs(creven) onse segele(n) (et)c(etera) no(vem)[br(is)] vi[ta]