Vander questien gecomen inde banck voe(r) meye(r) en(de)/ scep(enen) van loeven(e) tussche(n) joh(ann)ese gheens p(ro)cur(eur) ad(ri)aens/ de hont geleydt zijnde voir zijn wettich gebreck/ uuyt crachte van scepen(en) vo(n)nissen van loeven(e) gewesen/ febr(uarii) viii a(n)no xcix stilo braban(tiæ) tusschen den selven/ p(ro)cur(eur) en(de) alijten del flosse als aenveert hebben(de)/ de goede van wilen he(re)n gorijse le viengne/ staen(de) ger(e)gistreert tselve vo(n)nisse in des(er) came(re)n/ t(er) eend(er) ende alijten del flosse voirs(creven) met hue(re)n/ wettigen man ende mo(m)boir te weten(e) desiron/ ph(ilipp)a t(er) ande(r) zijden aldair de voirs(creven) joha(n)nes/ geconcludeert heeft dat hem de geleidde goede/ voe(r) tvoldoen vand(en) voirs(creven) vo(n)nisse ae(n)gewesen sulle(n)/ wordden d(aer)af brieve(n) van leveri(n)gen wae(re)n gescreven/ / aenden offic(ie)r van gentingnez ende te dien ynde/ dede hij tvoirs(creven) vo(n)nisse lesen D(aer) tegen de voirs(creven) desiron/ ph(ilipp)a als man en(de) mo(m)boir van alijte(n) voirs(creven) (com)p(ar)e(re)nde/ bij jacoppe wittema(n) sijne(n) p(ro)cur(eur) heeft begheert/ dach van v(er)antwerden(en) en(de) den voirs(creven) sijne(n) meest(er)/ de voirs(creven) ae(n)sprake te laten weten om alsd(an) te/ seggen(e) wes sijne(n) raidt gedragen soude D(aer) op/ den dach bij jacoppe(n) genomen als op heden dienen(de)/ was ende soe heeft de voirs(creven) joh(ann)es gheens v(er)socht/ dat hij antwerden soude oft dat hem de gelev(er)de/ goede volgen souden voir zijn gebreck voirs(creven)/ Ald(aer) de selve zijn wed(er)p(ar)tie niet gecomp(ar)eert en/ es bij he(m) selven noch bij p(ro)cur(eur) hem des ae(n)dragen(de)/ es alsoe gewesen bijden scepen(en) t(er) manissen smeyers/ soe v(er)re de selve desyron philippa inden name/ als voe(r) oft zijn p(ro)cur(eur) niet en antwerd(en) ten/ opstaene van meye(r) ende scepen(en) dat de selve/ geleidde tot zijnd(er) wettiger scult behoef volg(en)/ soud(e) de gelev(er)de goede om de selve zijn gebreken/ d(aer)aen te verhalen in scampno febr(uarii) sexta