Want joh(ann)es gheens als p(ro)cur(eur) ad(ri)aens de/ hont geleidt zijnde nae des(er) stadt recht/ voer zijn wettich gebreck uuyt crachte van/ scepen(en) brieven van loeven(e) tot allen den goed(en)/ beyde have en(de) erve (christ)iaens de nausnyde(re)/ zoe wair die gelegen zijn hem met [open(en)] br(ieven)/ van des(er) stadt gescreven aen alle officie(re)n/ alle de selve goede behoirl(ijc) heeft doen leve(re)n/ ende den voirs(creven) (christ)iane dach van rechte/ te comp(ar)e(re)n alh(ier) inde banck voe(r) meye(r) ende/ scepen(en) van loeven(e) doen besceyd(en) oft hij he(m)/ d(aer)tegen hadde willen oppone(re)n Ald(aer) hij op/ heden als ten dage van rechte d(aer)toe dienen(de)/ niet gecomp(ar)eert en es noch p(ro)cur(eur) van zijne(n)/ wegen den voirs(creven) geleidden comp(ar)e(re)nde ende/ trecht voirts v(er)sueken(de) soe v(er)re dat de/ scepen(en) van loeven(e) t(er) manissen smeyers nae/ dat hen behoirlijc gebleken heeft bij rapporte/[vacat] des(er) stadt bode tvoirs(creven) exploit/ gesciet te zijne bijd(en) meye(r) van huldenb(er)ge/ oft zijne(n) stadthoude(r) gewesen hebben met vo(n)nisse/ wair de wed(er)p(ar)tie vand(en) voirs(creven) geleidden niet/ / en comp(ar)eert voe(r) den opstaen(e) smeyers ende/ der scepen(en) datmen den selven geleidden vand(en)/ voirs(creven) goeden houden soude inde macht van/ sijne(n) beleide scepen(en) brieven en(de) leveri(n)gen alsoe/ verre alst noch voir scepen(en) comen is in sca(m)pno/ febr(uarii) ix