Nae dien op heden inde banck voe(r) meye(r) en(de)/ scepen(en) alh(ier) arnold[(us)] van vroenhoven inde(n) name/ van jonche(re)n janne van bloys v(er)socht heeft/ acht(er)volgen(de) den vo(n)nisse lest gewesen tusschen he(m)/ inden name als voe(r) vi febr(uarii) lestleden ende den/ p(ro)cur(eur)s van daneele boxhoe(re)n en(de) ande(re)n dat de/ oude(r) geleidde ald(aer) genoempt hue(r) beleyt mette(n)/ scult br(ieven) exhibe(re)n souden gemerct dat den dach d(aer)/ af ov(er)leden was hem des gedragen(de) totten selven/ oft dat zij d(aer)af v(er)steken souden zijn ende dat hij/ / met zijne(n) beleide en(de) p(ro)cedue(re)n ov(er)lange bij he(m)/ gedaen soude moegen p(ro)cede(re)n opde gelev(er)de/ goede tot sijne(n) gebreken behoef der voirs(creven) p(er)sone(n)/ d(aer)af hij dexecutie genome(n) hadde V(er)sueken(de) ingsgelicx/ soe v(er)re h(er)jan pynnock noch zijn p(ro)cur(eur) niet en/ antweerden op zijn gebreken die hij te hemwerts/ en(de) tot zijne(n) goed(en) gedaen hadde dat hem/ de selve volgen soud(en) D(aer)op de p(ro)cur(eur) vand(en)/ voirs(creven) oude(r) geleidden seyde dat hij niet en/ meynde dat den dach soe cort was hadde/ geweest ind(er) maten dleste vo(n)nisse voirs(creven)/ dat inhult ende hoept want e(n)nige vand(en)/ selve(n) oude(r) geleidden te weten(e) jehan de la trappe/ buyte(n) woende te weten(e) inder stadt tot nyvele/ en(de) dande(re) hierbynne(n) dat hij alnoch eene(n) seke(re)n/ ande(re)n dach hebben soude om de voirs(creven) oude(r) geleidde/ van bynne(n) en(de) buyten navolgen(de) den voirs(creven) lesten/ vo(n)nisse te exhiberen(e) Ende soe v(er)re dat ae(n)ginck/ he(re)n janne pynnoc beg(er)de de p(ro)cur(eur) te weten(e)/ willem van leefdale de goede ov(er) te hebben(e)/ in gescrifte d(aer)op de geleidde p(ro)cede(re)n woude/ gemerct alsoe hij seydt dat hij die noyt/ over gehadt en hadde De voirs(creven) arnold[(us)] op/ de (contra)rie sustine(re)nde nae de leste voir vo(n)nissen/ en(de) oic refereerde hem tot gerard(e) de thymo/ dat hij als p(ro)cur(eur) van jonch(e)r janne die goede/ ov(er)geg(even) hadde henr(icke) van ravescote D(aer)op hij/ henr(ic) seyde al hadde gerard[(us)] dat gedaen dat/ hem dat niet en betaemde gemerct dat hij/ een vand(er) came(re)n was ende hem en(de) ande(re)n/ verboden was egheen p(ar)tien saken te hanteren(e)/ bliven(de) alsoe bij zijn versueck so v(er)re dat aen/ ghinck he(re)n janne voirs(creven) en(de) dat hem die alsoe/ / bynne(n) eene(n) seke(re)n dage ov(er)geg(even) soud(en) wordden/ om alsd(an) p(ar)tien gehoirt gedaen te wordden(e) soe/ behoe(re)n soude Es gewesen t(er) manissen smeyers bijd(en)/ scepen(en) dat de p(ro)cur(eur) der oud(er) geleidd(en) voe(r) geruert/ van buyten en(de) bynne(n) noch dach van heden over/ acht dagen hebben soude om navolgen(de) den/ voirgewijsden te doene als dat behoirt ende soe/ verre dat aengaet h(er)janne pynnoc dat de/ geleidde bynnen den selven dage de goede d(aer)op/ hij p(ro)cede(re)n wilt behoirl(ijc) ov(er)geven sal den selve(n)/ he(re)n janne oft zijne(n) p(ro)cur(eur) genoech zijnde om/ d(aer)entinden oick voirts te p(ro)cederen(e) soe behoe(re)n sal/ in scampno cor(am) o(mn)ib(us) scabinis dempt(is) pynnock/ hoeven baets febr(uarii) penulti(m)a