Nae dien comen es inde banck voe(r) meye(r)/ en(de) scepen(en) van loeven(e) brued(er) willem huens als/ p(ro)cur(eur) vanden godsh(uyse) vand(er) halst(ra)ten te loeven(e)/ te kynnen(e) geven(de) hoe hij met symoen(e) belle(n)s/ vorste(r) met drie behoirl(ijcke) rastame(n)ten gevolght/ hadde op seke(r) d(enieren) en(de) haeff(elijcke) goed(en) toebehoiren(de) woute(re)n/ de punde(re) en(de) zijnd(er) huysvr(ouwe) en(de) dat voe(r) seke(r)/ huyshue(r) loepen(de) t(er) so(m)men van x r(ins)g(ulden) xii(½) st(uvers)/ v(er)sueken(de) alsoe hoe hij totten zijne(n) geraken soude/ voe(r) meye(r) en(de) scepen(en) Ende de scepen(en) bijden/ meye(r) des gemaent zijnde hebben gewesen/ met vo(n)nisse dat zij beg(er)den den vorste(r) taenhoe(re)n/ en(de) d(aer)entinden recht Dwelc gedaen zijnde/ en(de) den vorste(r) overhoirt die gecleert heeft bij/ eede tselve alsoe gesciet te zijne en(de) de conde/ gedaen ende bijden meye(r) de scepen(en) gemae(n)t/ zijnde hebben gewesen met vo(n)nisse dat/ de selve brued(er) willem in dien dat sijn wed(er)p(ar)tie/ noch p(ro)cur(eur) van hue(re)n wegen niet en comp(ar)eerd(en)/ sijn scult bij eede behoirlijck verifice(re)n soude/ dwelc hij oic alsoe gedaen heeft t(er) so(m)men/ voirs(creven) Ende d(aer)entinden voirts de selve scepen(en)/ noch gemae(n)t ten v(er)sueke en(de) v(er)volge als voe(r)/ hebben gewesen met vo(n)nisse dat de voirs(creven)/ / brued(er) willem zijn geverificeerde scult aende/ voirs(creven) gerasteerde pe(n)ni(n)gen en(de) goeden met/ rechte v(er)halen soude met coste en(de) co(m)me(r)/ ende gebraecke d(aer) yet dat hij voirts varen/ soude met rechte en(de) ov(er)de d(aer) yet dat/ hijt wed(er)kee(re)n soude in scampno m(ar)tii xvi