Want arnoldus van vroenhoven als p(ro)cur(eur) m(ijn) vr(ouwe)/ van bloys geleydt zijnde nae des(er) stadt recht voe(r)/ zijn wettich gebreck uuyt crachte van scepen(en) brieven van/ loeven(e) tot allen den goeden beyde have en(de) erve/ joes smeyers soe wair die gelegen zijn hem/ met brieven van des(er) stadt gescr(even) aenden meyere/ van campe(n)hout oft zijne(n) stadhoude(r) te buertmeerbeke/ alle de selve goede behoirl(ijc) heeft doen leve(re)n ende/ den voirs(creven) joese ende janne boxsteyn van mechele(n)/ en(de) hue(r) wynne(n) dach van rechte te comp(ar)e(re)n alhier/ inde banck voe(r) meye(r) en(de) scepen(en) van loeven(e) doen/ besceyden oft zij hen d(aer)tegen hadden wille(n) oppone(re)n/ Ald(aer) zij op heden als ten dage van rechte d(aer)toe/ dienen(de) niet gecomp(ar)eert en zijn noch p(ro)cur(eur) van/ hue(re)n wegen den voirs(creven) geleydden comp(ar)e(re)nde en(de)/ terecht voirts v(er)sueken(de) soe v(er)re dat de scepen(en)/ van loeven(e) t(er) manissen smeyers nae dat hen behoirl(ijc)/ gebleken heeft bij rapporte jans driedoens des(er)/ stadt bode tvoirs(creven) exploit geschiet te zijne ende/ p(ar)tien dach bescheyden nae inhoudt sbriefs gewesen/ hebben met vo(n)nisse wair de wed(er)p(ar)tie vand(en) voirs(creven)/ geleidden niet en comp(ar)eert voe(r) den opstaen(en) smeyers/ ende der scepen(en) datmen den selve(n) geleidden vand(en)/ voirs(creven) goeden houden soude inde macht van sijnen/ beleide scepen(en) br(ieven) ende leveri(n)gen alsoe verre alst/ noch voir scepen(en) comen es in scampno augusti/ xi