SAL7394, Akte: R°40.2 (66 van 477)
Akte R°40.2
Act
Datum: 1500-08-11
Transcriptie
2021-09-25 door Karel EmbrechtsWant mychiel helmuchi al(ia)s van doirne als p(ro)cur(eur)/
vand(en) meest(er)s vand(er) dist(ri)butien der capellane(n) van/
sinte pet(er)s te loeven(e) geleidt zijnde nae des(er) stadt/
recht voir sijn wettich gebreck uuyt crachte van/
scepen(en) brieven van loeven(e) tot allen den goeden/
beyde have en(de) erve jans vand(er) elst raes oliviers/
geheeten mathijs ende jans huene soe wair die/
gelegen sijn hem met brieven van des(er) stadt gescr(even)/
aenden meye(r) van he(re)nt oft zijne(n) stadhoude(r) te/
thieldonck alle de selve goede behoirl(ijc) heeft doen/
leve(re)n ende allen den voirs(creven) p(er)sonen en(de) ande(re)/
dach van rechte te comp(ar)e(re)n alh(ier) inde banck/
voir meye(r) en(de) scepen(en) van loeven(e) doen besceyden/
oft zij hen d(aer)tegen hadden willen oppone(re)n Ald(aer)/
zij op heden als ten gecont(inueerden) daghe van rechte/
d(aer)toe dienen(de) niet gecomp(ar)eert en es zijn noch/
p(ro)cur(eur) van hue(re)n wegen den voirs(creven) geleidden comp(ar)e(re)nde/
ende trecht voirts v(er)sueken(de) soe v(er)re dat de/
scepen(en) van loeven(e) t(er) maniss(en) smeyers nae dat hen/
behoirl(ijc) gebleken heeft bij resc(ri)pte jans bone/
meyers van he(re)nt tvoirs(creven) exploit geschiet te/
zijne gewesen hebben met vo(n)nisse wair de/
wed(er)p(ar)tie vand(en) voirs(creven) geleidden niet en (com)p(ar)eert/
voe(r) den opstaen(e) smeyers en(de) der scepen(en) datmen den/
selven geleidden vand(en) voirs(creven) goeden houden soude inde/
va(n)d(en) voirs(creven) beleidde scep(enen) br(ieven) en(de) leveri(n)g(en) alsoe alst noch voir scepen(en)/
come(n) es in sca(m)pno aug(usti) xi
Nagekeken door: kristiaan magnus
Moderator: kristiaan magnus
Laatste update:: 2017-05-12 door Jos Jonckheer