Vander questien gecomen bijden raide vand(er) stadt/ tusschen janne vrancx t(er) eenre ende lod(ewijcke) de/ voeght als p(ro)cur(eur) jacops van brecht t(er) andere/ ald(aer) de voirs(creven) jan vrancx seke(re)n eysch gedaen heeft/ opden voirs(creven) jacoppe als aenverde(r) vand(er) haven en(de)/ goeden gebleven nae de doot van jouffr(ouwen) g(er)trud(en)/ wijlen wittema(n)s huysvr(ouwe) claes wijle(n) de kersmak(ere)/ Seggen(de) de selve aenlegge(r) hoe dat de voirs(creven)/ claes t(er) causen van sijnen dienste als cnape te/ hemw(er)ts gehouden was inden yersten van eend(er)/ geheeld(er) jair hue(re)n loepen(de) vijf schilde te xiiii st(uvers)/ den scilt ende van vijf ellen wullens lakens/ elc elle te thien stuv(er)s maken(de) tsamen vi r(ins)g(ulden)/ Item noch vi r(ins)gulden(en) van dat hij den voirs(creven)/ gehuysschen diende inder orlogen voe(r) amyens/ bij tijd(en) h(er)togen karels van drie maenden d(aer)af/ hij want voe(r) sijn soudije vi r(ins)gul(den) de maent/ d(aer)op hij bekinde vi r(ins)gul(den) gehaven te hebben/ als voir een maent ende noch van h(er)togen/ karlen voirs(creven) v franck(en) te xvi stuv(er)s de fra(n)ke/ en(de) alsoe hem noch tachter wa(r)en vanden/ voirs(creven) drie maenden acht r(ins)gul(den) Seyde/ voirts de voirs(creven) aenleggen(de) dat claes en(de)/ zijn huysvr(ouwe) hem geloeft hadden eer hij inde/ orloge reysen woude dat zij hem van nyeuws/ cleeden soud(e) van tabbarde wa(m)beyse schoenen/ / ende and(er)ssins gedragen(de) tsamen sijnen eysch/ in dien v(½) r(ins)gul(den) ende noch vier r(ins)gulden(en)/ xvi st(uvers) van dat hij geva(n)gen zijnde inder selver/ reysen bet(aelt) hadde den bode die tgelt van/ sijne(n) ranssoene sittende te parijs ald(aer) bracht/ met xii stuv(er)s inde voirs(creven) so(m)me begrepen/ die hem de selve bode leende als hij tuyswert/ quam Conclude(re)nde alsoe de selve aenlegge(re)n/ dat de voirs(creven) verweerde(r) t(er) caus(en) vanden/ aenverden(e) vand(er) haven voirs(creven) hem schuld(ich)/ soude zij(n) de voirs(creven) gebreken te betalen(e)/ p(rese)nte(re)nde thoen te weten(e) dat hij den voirs(creven)/ claese gedient hadde en(de) inder voirs(creven) reysen/ voir hem track en(de) ald(aer) geva(n)gen werdt ende/ hoe dat hij om des(er) saken wille den voirs(creven)/ claese dicwijle soe voe(r) meye(re) en(de) scepen(en)/ soe oick bijder stadt in rechte betogen hadde/ hoe wel hij tot gheenen ynde alnoch en hadde/ co(n)nen geraken D(aer) tegen de voirs(creven) p(ro)cur(eur) hem/ oppone(re)nde heeft gesustineert vand(er) voirs(creven)/ eyssche ongehouden te zijne seggen(de) dat nae/ dood(er)handt was en(de) ov(er)lanck geleden en(de) te/ p(re)sume(re)n nad(er) gelegenth(eit) vanden p(er)soen(en)/ van claese ende zijnd(er) huysvr(ouwe) beyde innegeseten(en)/ en(de) genoech gegoedt wesen(de) dat hij aenlegge(r)/ aldus lange niet en soude hebben gebeyt/ mair zijn stucken moegen vervolgen in/ tijd(en) vand(en) leven(e) der selv(er) Gemerct dat de/ voirs(creven) reyse van amyens soe lange leden/ was ende niet als voe(r) te p(re)sume(re)n dat/ de voirs(creven) gehuysschen soe v(er)re zij in hem/ gehouden hadden geweest tselve alsoe/ souden hebbe(n) laten staen ongeloent in tgene/ d(aer)inne zij te hemw(er)ts souden gehouden moge(n)/ wesen conclude(re)nde alsoe mits lanch(eit) vand(en)/ / tijde t(er) (contra)rien Vanden welcken de voirs(creven)/ weth(ouderen) de voirs(creven) mater(ie) verstaen hebben(de)/ gewesen hebben den aenlegge(r) tot sijne(n) thoene/ ende nae dien de selve tot eene(n) seke(re)n/ gelegen(en) daige sijne(n) thoen geleydt heeft/ genoech eensdeels volcomen(de) zijns v(er)mets/ behalven vand(er) geluften vand(en) toeseggen(e)/ vand(en) v(½) r(ins)gul(den) voirs(creven) en(de) oic vand(er) vier/ rinsg(ulden) xvi st(uvers) Hebben de selve weth(ouderen)/ voe(r) recht en(de) uut(er)lijk(er) t(er)mi(n)atien en(de) uutsprak(en)/ get(er)mineert en(de) uutgesproken op al int/ lange gelet hebben(de) dat janne vrancx/ soe v(er)re dat aengaet den twee yerste/ pointen lopen(de) tsamen xiiii r(ins)gulden(en) bij he(m)/ als voe(r) geeyscht soe v(er)re hij d(aer)af sijnen/ eedt doet datme(n) hem die deughdelijc/ sculdich es en(de) tachter dat in dien gevalle/ de verweerde(r) hem sculdich sal zijn die/ te (con)tente(re)ne en(de) te betalen(e) ende vanden/ ande(re)n twee pointen dat de ae(n)legge(r) d(aer)af/ zijns v(er)meets niet genoech volcomen en/ es Act(um) in (con)s(ili)[o] op(idi) p(rese)ntib[(us)] schoonvorst ijssche/ burg(imagist)[tr(is)] tymple bouch(out) baets scab(inis) et plu(r)ib[(us)]/ aliis de (con)s(ili)[o] augusti xxvi