Item henr(ic) van balen ende katlijne wittema(n)s/ sijn huysvr(ouwe) docht(er) wijlen lodewijcx wittema(n)s t(er) eende(r)/ ende jan wittema(n) sone wijlen lod(ewijcx) oom der voirs(creven)/ ka(tlij)[ne(n)] ende brued(er) des voirs(creven) lod(ewijcx) wittema(n)s t(er) ande(r) zijd(en)/ sijn come(n) voir scepen(en) van loeven(e) naebescr(even) kynnen(de)/ en(de) lijden(de) dat zij met malcande(re)n mynlijck veraccordeert/ eensworden en(de) overcomen zijn der pointen conditien en(de)/ vorweerden hier nae bescreven die zij malcande(re)n geloeft/ hebben voir hen hue(re)n erven en(de) nac(omelingen) elc soe v(er)re/ hem dat aencleeft tond(er)houden te voldoene en(de) tacht(er)volgen/ / Ende inden yersten dat den voirs(creven) janne witteman/ ter stont van yeman(de) ombelet tot eeuwigen dagen/ volgen ende bliven sal een stuck erfs leen wesen(de)/ houden(de) omtrint drie boende(re)n geheeten den mole(n)driesch/ gelegen te moele(n)beke tussche(n) de goede jans va(n)d(en)/ peyne t(er) eende(r) de mole(n)beecsche strate t(er) andere/ en(de) de kercstrate t(er) derder zijd(e) d(aer)inne de voirs(creven)/ jan wittema(n) alsnu stect ende dwelc hij voirmaels/ nae de doot en(de) aflivich(eit) lod(ewijcx) zijns brued(er)s voirs(creven)/ ontfangen ende opgehaven heeft aend(en) leenhee(re)/ en(de) zijne ma(n)nen d(aer) onder tselve stuck leens sorte(re)nde/ es ende den selve(n) d(aer)af hulde en(de) eedt gedaen/ hoe wel nochtans tselve leen der voirs(creven) ka(tlij)[ne(n)]/ wittema(n)s als eenige dochter lod(ewijcx) wijle(n) wittema(n)s/ welc wijle(n) lod(ewijc) huer vader in zijne(n) leven(en) tselve/ leen v(er)cregen hadde en(de) d(aer) inne gegoet was bijd(en)/ voirs(creven) leenhee(re) en(de) zijne(n) ma(n)nen succede(re)n ende/ van rechts wegen toebehoe(re)n soude Promitten(tes)/ sat(isfacere) d(i)c(t)i co(n)iuges et r(e)c(t)am p(ro)sta(r)e warandia(m) erga/ quoscu(m)q(ue) [p(ro)ut] Ende t(er) ander zijden dat de voirs(creven)/ jan wittema(n) van nu voirtane jairl(ijx) tot eewige(n)/ dagen alleene tot sijne(n) laste dragen en(de) bet(alen)/ sal alsulk(er) croene erff(elijc) aende meest(er)s van ons(er)/ liever vr(ouwen) te p(re)dicke(re)n alh(ier) ende eene(n) peter/ erff(elijc) aende wed(uw)[e] rabs alsoe dat den selven/ gehuyssche(n) voirs(creven) d(aer)af gheen scade en come nu/ oft in toecomen(de) tijd(en) cor(am) h(er)meys buets(ele) aug(us)[ti]/ xxviii