Want marie m(er)chants als geleidt nae des(er) stadt/ recht voir huer wettich gebreck uuyt crachte van/ / scepen(en) br(ieven) van lov(en) tot allen den goeden beyde/ have en(de) erve he(re)n lod(ewijx) wijlen van winge p(ri)est(er)s/ en(de) cureyt van haren als hij leefde soe wair die/ gelegen zijn huer met br(ieven) van des(er) stad gescr(even)/ aend(en) meye(r) van campenhout oft zijne(n) stadhoud(er)[e]/ te haren alle de selve goede behoirl(ijc) heeft doen/ leve(re)n ende den executue(re)n vand(en) testame(n)te des/ voirs(creven) he(re)n lod(ewijx) en(de) der marten desselfs he(re)n lod(ewijx)/ dach van rechte te comp(ar)e(re)n alh(ier) inde banc voir/ meye(r) en(de) scepen(en) van lov(en) oft zij hen d(aer) tegen hadden/ willen oppone(re)n besceyden es geweest Ald(aer) zij/ op heden als ten dage van rechte d(aer) toe dienen(de)/ niet gecomp(ar)eert en zijn noch p(ro)cur(eur) van hue(re)n/ wegen den voirs(creven) geleidd(en) comp(ar)e(re)nde en(de) trecht/ voirts v(er)sueken(de) soe v(er)re dat de scepen(en) van/ loeven(e) t(er) manissen smeyers nae dat hen behoirl(ijc)/ gebleken heeft bij rapporte jans driedoens des(er)/ stadt bode tvoirs(creven) exploit gesciet te zijne gewesen/ hebben met vo(n)nisse wair de wed(er)p(ar)tie vand(en)/ voirs(creven) geleidd(en) niet en comp(ar)eert voe(r) den opstaen(en)/ smeyers en(de) den scepen(en) datmen der selver geleidd(en)/ vand(en) voirs(creven) goed(en) houden soude inde macht van/ hue(re)n beleide scepen(en) br(ieven) en(de) leveri(n)gen alsoe v(er)re alst/ noch voir scep(enen) comen es in scampno aug(usti) xxix[a]