Vand(er) questien gecomen bijd(en) raide vand(er) stadt/ tussche(n) jouffr(ouwe) m(ar)gr(ieten) pluyms diemen heet vand(en)/ berghe beghine t(er) eenre en(de) janne van colen t(er) and(er)/ zijd(en) ald(aer) de voirs(creven) jouff(rouwe) m(ar)gr(iet) eysschen(de) was den/ voirs(creven) janne van colen vi r(ins)g(ulden) lijfpen(sie) huer gevallen/ inden jae(re) xcviii lestleden op die van rotselair/ als vand(en) co(m)mer en(de) rinten van ludick ind(en) jae(re)n/ lxxxi v(er)cocht en(de) tot dien een half jair rinte/ lopen(de) drie r(ins)g(ulden) van tijde thomaes mus/ seggen(de) want jan h(ier) af dbewint gehadt hadde/ alsoe wel van thomaes tijde als van sijns selfs/ tijde als inhaeld(er) der selv(er) rinten dat hij huer/ in dien vernuegen soude De voirs(creven) jan d(aer)af/ de (contra)rie sustine(re)nde gemerct alsoe hij seyde dat/ de rintm(eeste)rs van des(er) stadt hem in tijd(en) voirled(en)/ vand(en) selven van rotselair en(de) hue(re)n (con)sorten af/ onthaven hadd(en) eene(n) jair pacht en(de) aen hem in/ dien een prest ged(aen) hem des gedragen(de) tott(er)/ celen die [die] van rotselair vand(en) selve(n) rintmest(er)s/ hadd(en) hopen(de) alsoe dat hij den t(er)mijn oft djaer/ van xcviii niet bet(alen) en soude hij en wae(r) d(aer)af/ en(de) [va(n)] meer ande(r) so(m)men bij he(m) der stadt geleent/ ger(ecom)penseert ten ynde van sijnd(er) rekeni(n)g(en) ende/ vand(en) drie r(ins)g(ulden) van thomaes tijde seyde hij d(at)/ hij hem d(aer)af niet en onderwondt D(aer)op de voirs(creven)/ jouffr(ouwe) m(ar)gr(iet) r(e)plice(re)nde seyde dat zij metter stadt/ in dien niet te doen en hadde en(de) dat zij huer/ niet en stiet wair jan de pe(n)ni(n)gen geleent/ oft ged(aen) hadde hopen(de) als voe(r) aen hem totten/ hue(re)n te comen(e) en(de) dat de selve jan den last/ van thomase mus oic ov(er)genomen hadde en(de) de/ resten in dien Bekynne(nde) ut(er)lijc de voirs(creven) jan/ van colen dat hem dien so(m)men voirs(creven) met meer/ ande(r) pe(n)ni(n)gen vand(er) stadt wegen wae(re)n toege/ vueght om vand(er) stadt d(aer)af bet(aelt) te wordden(e) hoe/ / wel hij d(aer)toe niet en conste geraken Met meer word(en)/ in wersijden geallig(er)t es ut(er)lijc h(ier)op int langhe/ geledt zijnde bij den selven raide den voirs(creven) p(ar)tien uut/ gesproken en(de) get(er)mineert dat de voirs(creven) jan tvoirs(creven)/ rest sculdich soude zijn der voirs(creven) jouffr(ouwe) te betalen(e)/ behalven hem zijn verhael aende stadt en(de) and(er)ssins/ d(aer) ende soe dat behoe(re)n soude ind(er) mat(erien) h(ier) voirmaels/ in gelijcken saken bijd(er) stadt tselve geappointeert/ is geweest In (con)s(ili)[o] opidi cor(am) schoonvorst ijssche/ burg(imagis)[tr(is)] tymple buets(ele) scab(inis) et plu(r)ib[(us)] aliis de eod(em)/(con)s(ili)[o] septembr(is) xi