Vander questien gecomen bijd(en) raide vand(er) stadt/ tusschen libertu(m) jacobi t(er) eenre en(de) pete(re)n pet(er)s/ t(er) and(er) zijden aengaen(de) vijf r(ins)g(ulden) erff(elijc) die de/ voirs(creven) pet(er) peters heffen(de) was op seke(r) p(er)sonen/ te weten(e) jouffr(ouwe) dorotheen wijle(n) h(er)tshals/wed(uw)[en] [huysvr(ouwe)] meest(er) jans lobs met meer ande(re) (et)c(etera)/ nae uuytwijsen(en) der scep(enen) br(ieven) van lov(en) [d(aer)af wesen(de)] vander/ daet xiiii[c] lxxxv julii xxvii de welke de/ voirs(creven) liebr(echt) inden name der veroblig(er)d(en) p(er)soene(n)/ afleggen woude en(de) hadde de d(enieren) van dien/ ten ynde vand(en) selve(n) afleggen(en) gestelt opden/ wissel der stadt alh(ier) in mechelsche(n) vierstalen/ in halve en(de) vie(re)ndeele(n) te iii stuv(er)s de dobbele/ en(de) dande(r) nae advena(n)t ind(er) maten die cours/ hadden ten date vand(en) brieve voirs(creven) hopende/ d(aer)mede te gestaene en(de) dat de voirs(creven) peter die/ alsoe sculd(ich) soude zijn tae(n)veerden D(aer)op de/ voirs(creven) pet(er) pet(er)s heeft geseet dat hem d(aer)inne/ groot acht(er)deel gelegen soude zijn en(de) dien/ dat mede ae(n)ghinck in dien dat de karol(us)/ en(de) marie(n) vierstale(n) maer en stonden op ii st(uvers) i bl(an)c/ soe dat de mechelssche pe(n)i(n)gen in he(m) selven niet/ bet(aelt) noch hog(er) nutertijt en wordden geestimeert/ dan de voirs(creven) karol(us) en(de) marien vierstale wair/ / bij hij sustineerde dat hij de selve mechelsche/ d(enieren) niet hoge(r) ontfa(n)gen en soude dan andere/ vierstalen inder maten de selve vierstale(n) doe(n)t(er)tijt/ cours hadden te weten(e) ii stuv(er)s i bl(an)c soe wel/ de mechelsche als dande(re) Oic soe hadde de/ voirs(creven) libertus vele vie(re)ndeel(en) van mechelsche(n)/ d(enieren) gestelt d(aer) af hij hoepte dat hij niet/ sculdich en soude zijn tontf(angen) dan dobbele/ en(de) ynkele De voirs(creven) lib(er)t[(us)] altijt t(er) contra(rien)/ sustine(re)nde es uuytgesproken en(de) get(er)mineert/ den voirs(creven) p(ar)tien dat de voirs(creven) lib(er)tus/ gestaen sal int afleggen der rinte(n) voirs(creven)/ metten v(er)loepen(en) pachte als dat behoirt met/ mechelsche(n) pe(n)i(n)gen inder maten en(de) werden/ die cours hadden ten tijde en(de) date des voirs(creven)/ scepen(en) br(ieven) vand(er) (con)stitutien der rinten voirs(creven)/ In desen ger(e)serveert dat hij mair tvie(re)ndeel/ vand(er) voirs(creven) so(m)men in vie(re)ndeelen der selver/ mechelsche(n) pe(n)i(n)gen en sal moegen bet(alen) ende/ tsurplus in dobbelen oft ynkelen In (con)s(ili)[o] op(idi)/ p(rese)ntib(us) absoloens sub(stitu)[to] ijssche burg(imagis)[tr(is)] h(er)meys/ bouch(out) scabinis et plu(r)ibus aliis de (con)s(ili)[o] sept(embris)/ ultima