Condt zij allen lieden dat de edele ende waelgeboirne/ kaerle van poytiers hee(re) van dormant van honchy van outre (et)c(etera)/ ende jouffr(ouwe) johanne carondelet zijn wettige medegeselli(n)ne/ woenende te bruessele renu(n)tie(re)nde tot dese(n) allen ende/ yegewelken exceptien qui(n)quernelle(n) brieve(n) van respijten/ geimpetreert of te impetre(re)n ende alle(n) ande(re)n behulpe(n)/ hoedanich die wese(n) mochte(n) in contrarie(n) van des nabescreve(n)/ steet e(n)nichssins doende hebben bekint sculidch te/ zijne ongezundert ende elc een voir al peteren/ coelkijs inden name ende tot behoef des godshuys/ vanden chartroise(n) ind(er) stadt van loeven(e) nuwe(n)li(n)ge/ geregeert tsestich rinsgulden(en) goet ende ghinghe/ Te wetene twintich stuv(er)s der mu(n)ten ons gened(ichs) he(re)n/ shertoge(n) van bourgoingne(n) ende brabant altijt ten/ tijde vande(n) valdaghe der zelv(er) gevalueert zijnde/ ende loep hebbende voe(r) elker der selv(er) rinsg(ulden) ge(re)kent/ erffeliker rinten alle jae(re) te kersmesse te betalene/ ende inden wijsel der stadt van loeven(e) te leve(re)n/ den voirs(creven) godshuyse vande(n) chartroisen tot eewigen/ daghen los ende vry van alle(n) impositien subventien/ co(m)me(re)n shertoge(n) beede(n) ende alle(n) ande(re)n laste(n) hoed(anich)/ die zijn ende telken t(er)mijne als v(er)reycte schout/ Welken coop voirs(creven) sprutende compt ende gedae(n) wordt/ uut ende met der ghiften van div(er)sen pe(n)ni(n)gen/ den voirs(creven) godshuyse gegeve(n) soe de voirs(creven) peet(er) coelkijs/ verclairde bijden eerwerdigen hee(re) den busscop/ van besanchon ende bij woute(re)n de putte(re) al(ia)s/ gielis principael fundateur vander kercken/ desselfs godshuys voe(r) de dotatie van twee cellen/ by hen inde(n) selve(n) godshuyse gefundeert ende gemaict/ Welke erfrinte voirs(creven) de voirs(creven) gehuyssche(n) geloeft/ hebbe(n) den voirs(creven) godshuyse altijt t(er) manissen/ vande(n) admi(n)strateur desselfs [godsh(uys)] te besette(n) en(de) te/ bewijse(n) aen ende op goeden zeke(re)n pande/ / gelegen binnen der ba(n)mijlen van loeven(e) werdt/ zijnde bove(n) allen co(m)mer dair van voe(re)n uutgaende/ hondert ende twintich gelijcke rinsgulden(en) erffelijck/ ende dat allessins ten coste ende laste der zelv(er) gehuyssche(n)/ Soe verre nochta(n)s de selve gehuysschen den eenen/ t(er)mijn den ande(re)n lieten v(er)reycken zond(er) betalen/ Soe verre oick de voirs(creven) gehuysschen oft e(n)nich van/ hen oft nae hue(r) aflivicheyt hue(r) kinde(re) oft erfgename(n)/ hue(r) goede(n) oft e(n)nige van dien in brabant gelegen/ vercochte(n) alieneerden verthierden oft belasten/ ende soe vele dair toe te doene dat den voirs(creven)/ godshuyse tot eeuwigen daghen vast en(de) genoech/ zal moegen wesen Met sulker conditien dat/ de voirs(creven) gehuysschen de voirs(creven) erfrinte van/ tsestich rinsgulde(n) sjaers zulle(n) moegen lossen ende/ afquijten tallen tijde(n) alst hen gelieft tot eenen/ male metten pe(n)ni(n)gen ende opde vuege maniere/ ende ind(er) weerde(n) h(ier) naebescreve(n) Te wetene met/ onderhalve(n) goud(en) reale wegen(de) tsame(n) xiiii(½) yngelsche(n)/ It(em) met drie goud(en) nobele(n) mett(er) roose(n) eene(n) halve(n)/ goud(en) nobel mett(er) roose(n) ende drie goud(en) angelotten/ wegende tsame(n) een onche vii(½) yng(elschen) en(de) een fierlinck/ It(em) met lxxxviii goud(en) henricus nobele(n) ende/ vier halve goud(en) he(n)ricus nobele(n) wegen(de) tsamen/ twintich onchen ende vijf ing(elschen) It(em) met xlii/ goud(en) leeuwe(n) der mu(n)ten wijle(n) hertoge(n) ph(ilip)s/ hertoge va(n) bourg(oign)[en] en(de) brab(ant) salig(er) gedachten/ met twee tweedeele(n) vande(n) goud(en) leeuwe en(de)/ met twee derde deele(n) vande(n) goud(en) leeuwe/ wegende tsame(n) vi onchen een fierlinck en(de) een/ troyken It(em) met xii goud(en) ryders der zelv(er)/ mu(n)ten wegende een onche acht yng(elschen) ende/ een troyken It(em) met xiiii goud(en) salute(n) der/ / mu(n)ten wile(n) sconi(n)cx van vranckrijcke en(de) va(n) yngela(n)t/ wegen(de) tsame(n) i(½) onche en(de) i(½) yng(elschen) It(em) met eene(n)/ goud(en) hong(er)sche(n) ducaet wegen(de) twee yng(elschen) een fierlinck/ en(de) een aseke(n) It(em) met vijf goud(en) oude croenen der/ mu(n)ten sconi(n)cx van vranckrijcke en(de) eene(n) goud(en) schuyte/ wegen(de) tsame(n) xiii(½) yng(elschen) It(em) met xviii goud(en) guill(el)m[(us)]/ schilde wegen(de) tsame(n) twee onche(n) ii(½) yng(elschen) ende/ een troyken It(em) met hondert ende eene(n) goud(en)/ andries gulden(en) wegen(de) tsame(n) elf onchen ii(½) ing(elschen)/ It(em) met xiiii halve goud(en) andriesg(ulden) wegen(de) xv(½) yng(elschen)/ ende een troyken It(em) met twee goud(en) pet(er)s der/ mu(n)ten des voirs(creven) wile(n) hertoge(n) ph(ilip)s wegen(de) iiii(½) yng(elschen)/ en(de) een deusken It(em) met drie goud(en) joh(ann)es schilde/ wegen(de) vi yng(elschen) en(de) drie fierlinge(n) It(em) met eene(n) goud(en)/ utr(echtschen) guld(en) wegen(de) twee yng(elschen) een troyke(n) en(de) een deuxke(n)/ It(em) met lv goud(en) ph(ilip)s gulden(en) der mu(n)ten hertogen/ ph(ilip)s hertoge van bourg(oignen) en(de) brabant nu zijnde/ wegen(de) tsame(n) vijf onchen en(de) xviii(½) yng(elschen) al in/ goude goet ende gheve Item met xv[c] en(de) xlii/ dobbel veerysers der mu(n)ten shertogen oft hertogi(n)nen/ va(n) bourg(oign)en en(de) braba(n)t wegen(de) tsame(n) xviii marck/ vi onche(n) en(de) ii(½) yng(elschen) It(em) met xxii hondert en(de) xii/ ynkel vierysers der selv(er) mu(n)ten wegen(de) xxvi marck/ en(de) vi(½) onchen It(em) met vie(r) silve(re)n vliese der mu(n)te(n)/ des voirs(creven) hertoge(n) ph(ilip)s nu zijnde en(de) met twee/ dobbel stuv(er)s der zelv(er) mu(n)ten sonder e(n)nige/ ande(r) weerde want sulke pe(n)ni(n)gen voe(r) den coep/ vand(en) voirs(creven) erfrinte(n) gegeve(n) zijn soe de voirs(creven)/ gehuysschen dat bekint hebben ende met vollen/ rinten Alzoe nochta(n)s want vele pe(n)ni(n)gen/ vande(n) voirs(creven) gulden(en) pe(n)ni(n)gen zwaird(er) int gewichte/ zijn dan van rechtv(er)dige(n) gewichte dat de voirs(creven)/ gehuysschen ende hue(r) kinde(re) ende der zelv(er) kinde(re)n/ / erfgename(n) vand(er) recht(er) linien descende(re)nde/ willende de voirs(creven) afquiti(n)ghe doen ende nyema(n)t/ anders tselve(n) zwairder gewichte van elke(re)r qualiteyt/ de voirs(creven) pe(n)ni(n)gen zulle(n) moegen voldoen met/ gelijcken goude tott(er) volder qua(n)titeyt toe va(n)den/ gewichte voirs(creven) Consente(re)nde ende gelovende/ voirts de voirs(creven) gehuysschen dat zij de voirs(creven)/ erfrinte van tsestich rinsg(ulden) sjaers bij hue(re)n rintm(eeste)r/ zulle(n) doen betalen uut en(de) van hue(re)n gereetsten/ goeden chijsen ende rinten bi(n)nen loeven(e) en(de) dair/ omtrint en(de) elswair inde(n) lande va(n) braba(n)t gelege(n)/ vande(n) yerste(n) ontfa(n)ghe dat de selve hue(r) rintm(eeste)r/ jairlijx d(aer)aff ontfaen zal voir en(de) eer de selve/ gehuyssche(n) vande(n) selve(n) hue(re)n rintm(eeste)r e(n)nighe/ betali(n)ghe sulle(n) beghe(re)n oft versueken te hebben/ cor(am) bouch(out) baets octobr(is) xi