Inder saken d(aer) af machiel van leeuwe clachtich/ es geweest voe(r) den raide vand(er) stadt op en(de)/ tegen meeste(re)n barth(elmeeuse) de ruyssche als p(ro)cur(eur) reyners/ reers en(de) sijne(n) (con)sorten aengaen(de) eend(er) sekerder submissien/ tusschen p(ar)tien geschiet hue(re)r beyd(er) gescille(n) ae(n)gaen(de)/ d(aer)inne soe v(er)re was gep(ro)cedeert dat den thoon/ in wersijden gehoirt was ende niet en r(e)steerde/ soe de voirs(creven) machiel seydt dan dat elc zijn/ diligentie dede dat darbit(er)s d(aer)af deden he(n) pro/ nu(n)ciatie(n) soe zij bevi(n)den souden behoe(re)nde oft/ droegen voe(r) scepen(en) van loeven(e) soe v(er)re zijs/ niet eens en wordden nae uuytwijsen(en) der/ selver submissien ende oft e(n)nige arbit(er)s vand(en)/ iiii uuyt wae(re)n dat de p(ar)tie diens arbite(r)/ gebreken soude moegen eene(n) ande(ren) arbitere/ soude moegen kiesen Bege(re)nde de selve mach(iel)/ want de submissie ten ynde van deser mae(n)t/ expire(re)nde was dat barth(elmeeus) voirs(creven) ond(er)wesen w(er)de/ met rechte zijn debvoir inden name als boven/ h(ier)inne te doene oft in gebreke van dien dat/ hem w(er)d(en) ger(e)stitueert zijn costen bij hem geled(en)/ De voirs(creven) meest(er) barth(elmeeus) h(ier)op allige(re)nde dat/ in hem gheen gebreck en was en(de) zij debvoir/ altijt hadde gedaen en(de) alnoch doen woude seggen(de)/ dat de voirs(creven) mach(iel) e(n)nige depositie in turba/ hadde doen doen d(aer) hij op woude allige(re)n/ ende soe v(er)re zijn arbiters h(ier) bynnen wae(re)n// soude hij als voe(r) sijn debvoir doen mair beduchte/ hem mits absen(cien) van meeste(re)n claese van amst(er)da(m)me/ dat hij qualijc d(aer) toe soude co(n)nen v(er)staen die een/ van zijne(n) arbit(er)s wae(r) met dier gelijcke woirden/(con)clude(re)nde alsoe t(er) (contra)rien Es geseet en(de) uuytgesproken/ bijd(er) selver wet dat elc vand(en) p(ar)tien acht(er)volgen(de)/ der submissien en(de) bynnen tijts hen sullen hebben te/ vuegen om hen arbiters in dien te hebben dat/ zij de sake utende(n) oft ov(er)brachten voe(r) scepen(en)/ van loeven(e) sond(er) d(aer) inne gebreckel(ijc) te zijne/ ende oft des niet en gebuerde dat dan de p(ar)tie/ d(aer) gebreck inne wae(r) geweest der ande(r) p(ar)tien/ hue(r) costen in des(er) geleden soude opleggen ter/ taxatien vand(er) wet in (con)s(ili)[o] opidi nove(m)br(is) xxiiii