Want willem doraingne als geleidt nae des(er) stadt/ recht voir sijn wettich gebreck uuyt crachte van/ scep(enen) br(ieven) van loev(en) tot allen den goeden beyde have en(de)/ erve jans wijle(n) willemet katlijne(n) pourea sijnd(er) huysvr(ouwe)/ en(de) marcelijns willemet huers soens soe wair die/ gelegen zijn hem met [open(en)] br(ieven) van des(er) stadt gescreve(n)/ aenden alle officie(re)n alle de selve goede behoirlijc/ heeft doen leve(re)n ende den kinde(re)n oiren en(de) erf(genamen)/ der voirs(creven) gehuysschen en(de) den voirs(creven) m(ar)celijne en(de) ande(re)/ dach van rechte te comp(ar)e(re)n alh(ier) inde banck voe(r)/ meye(r) en(de) scep(enen) van loeven(e) doen besceyd(en) oft zij/ hen d(aer) tegen hadde(n) willen oppone(re)n Ald(aer) zij op/ heden als ten dage van rechte d(aer) toe dienen(de) niet/ gecomp(ar)eert en zijn noch p(ro)cur(eur) van hue(re)n wegen den/ voirs(creven) geleidden comp(ar)e(re)nde en(de) trecht voirts v(er)sueken(de)/ soe v(er)re dat de scep(enen) van loeven(e) t(er) maniss(en) smeyers/ vo(n)nislijc gewijst hebben nae dat hen behoirl(ijc) gebleken/ heeft bij rappoirte jans smeets des(er) stadt bode de voirs(creven)/ leveri(n)ge en(de) dachbesceydi(n)ge gesciet te zijne bijd(en) meyers/ van lymale beerge vand(er) piere bijd(en) vorst(er)s van wave(r)/ en(de) lymelette datme(n) den selve(n) geleydd(en) va(n)d(en) voirs(creven)/ goed(en) houden soude inde macht van zijne(n) beleide/ scep(enen) br(ieven) en(de) leveri(n)gen alsoe v(er)re alst noch voir/ scepen(en) comen is in scampno decembr(is) xvii