Inder saken inde banck voe(r) meye(r) ende scepen(en)/ bedingt op heden tusschen arnold(en) van vroe(n)hoven/ als p(ro)cur(eur) jonch(e)r jans van bloys geleyt zijnde/ totten goeden daneels boxhoe(re)n h(er)jans pynnock/ ridders h(er)diericx le begge mathijs vanden berge/ diericx van langrode ende ande(re) sustine(re)nde t(er)/(con)clusien dat hem voe(r) dacht(er)stel der rinten d(aer)/ questie af es van hondt en(de) xx r(ins)g(ulden) lijfpens(ien)/ nae inhoudt der brieven volgen soud(en) de gelev(er)de/ goede bij hem in gescrifte overgegeven om/ tselve acht(er)stel d(aer)aen te v(er)halene Dair tegen/ de voirs(creven) gedaighde gecomp(ar)eert zijn bij willem(me)/ / van leefdale henr(icke) van raveschote en(de) ande(r)/ p(ro)cure(re)n ende hebben doen seggen en(de) allige(re)n/ dat d(aer) ande(r) oude(r) geleidde wae(re)n totten goeden/ des voirs(creven) daneels Te weten(e) johan de la tappe/ als man en(de) mo(m)boir der werdynnen jans wijle(n)/ besuts he(m) des gedragen(de) totten selven beleidde/ ende dat die alsoe sculdich wae(r) te p(re)cede(re)n/ en(de) totten goeden diericx van langrode henricx/ de coste(re) die oick met sijne(n) oude(re)n beleide hoepte/ te p(re)cede(re)n ende totten goeden mathijs mathijs/ vanden berghe seyde hem als oude(r) geleydt zijnde/ lod(ewijx) van schore en(de) alsoe in meyni(n)gen te p(re)cede(re)n/ en(de) totten goeden he(re)n diericx le begge en(de) (christ)iaens/ de nausnyde(re) d(aer) af de leveri(n)ge oick gedaen was p(re)tenderde/ te p(re)cede(re)n als oude(r) geleydt joh(ann)es gheens als p(ro)cur(eur)/ ad(ri)aens de hont Dwelc de voirs(creven) arnold(us) van vroe(n)/ hoven als p(ro)cur(eur) des voirs(creven) jonch(e)r jans van bloys/ genoech anveerde behalven dat hij sijn schult scult/ soude ve(r)ifice(re)n en(de) execute(re)n als dat nae des(er) stadt/ recht behoirt om d(aer)entinden opde sup(er)cresce(n)tie en(de)/ en(de) remana(n)t te p(ro)cede(re)n soe behoe(re)n soude Ende soe/ verre dat aenghinck he(re)n janne pynnock diens/ goede gelev(er)t zijn dede seggen willem van leefd(ale)/ als p(ro)cur(eur) desselfs he(re)n jans hoe de selve h(er)jan/ buyten lants was en(de) alsoe hem niet moegelijck/ en was alsoe hij seyde opt voirnemen des voirs(creven)/ p(ro)cur(eur)s jonch(e)r jans van bloys alsnu tantwerden/ hopen(de) mits dien dat hij d(aer) toe acht dagen hebbe(n)/ soude bynnen den welken sijn meest(er) soude moge(n)/ comen en(de) zijn diligen(cie) aen hem doen Op allet/ welck de voirs(creven) arnoldus van vroenhoven r(e)plice(re)nde/ heeft gesustineert aengaende den oude(re)n geleidden/ voirs(creven) dat hij begheerde dat zij ten naisten dage/ voir oegen souden hue(r) beleyden elc tzijne metten/ scultbrieven van dien en(de) dat zij d(aer)entinden cleerden/ hue(r) wettige sculden dieme(n) hen wettelijc ende/ / deughdelijck soude moegen sculdich zijn en(de) d(aer)/ mede zij als oudtste geleidt soude(n) willen/ p(re)cede(re)n opde goede der p(er)sone(n) voirs(creven) d(aer)op hij/ als geleydt gelijc voe(r) p(ro)cede(re)nde was ende/ dat zij d(aer)entinden daden hue(r) behoirlijcke executie(n)/ bynnen eene(n) cortten seke(re)n daghe als dat/ nad(er) stadt recht behoirt sustine(re)nde dat/ zij sculdich souden zijn tselve te doene oft/ metten rechte d(aer)toe gewesen wordden ende/ bewdongen Ende soe v(er)re dat aenghinck/ he(re)n ja(n)ne pynnock seyde de selve arnoldus/ dat de voirs(creven) h(er)jan ende sijn p(ro)cur(eur) div(er)se dagen/ gehadt hadden ende alsoe noodeloes was en(de)/ buten forme(n) van rechte sustine(re)nde alsoe dat/ hij sculdich wae(r) tantwerden(e) Seyde oic de/ voirs(creven) arnoldus dat hij de voirs(creven) oude(r) beleide/ gehoirt hebben(de) en(de) elcx voirnemen in dien/ behielt sijn beraet om alsdan d(aer)op tantwerden(e)/ en(de) tallege(re)n soe sijne(n) raidt gedragen soude/ der wed(er)p(ar)tien duplice(re)nde ten effecte voirs(creven)/ Es gewesen bijden scepen(en) ter manissen smeyers/ dat soe v(er)re dat aengaet den voirs(creven) p(er)soenen/ hen seggen(de) oude(r) geleydt totten p(er)sonen goede/ voe(r) gespecificeert dat die ten naisten dage/ bringen souden hue(r) beleit metten scultbrieven/ van dien om d(aer)entinden die en(de) p(ar)tien in w(er)sijden/ gehoirt te geschieden soe behoe(re)n soude ende/ soe v(er)re het aenghinc he(re)n janne py(n)nock/ dat de p(ro)cur(eur) van hen d(aer) toe noch dach hebben/ sal van acht dagen Act(um) in sca(m)pno febr(uarii) sexta