Nae dien joh(ann)es gheens als p(ro)cur(eur) ad(ri)aens de/ hont v(er)socht heeft dat de p(ro)cur(eur) van h(er)dierick(e)/ le begge antwerden soude op daensprake bij/ hem gedaen naed(er) voe(r)gewijsden en(de) ande(re)n/ r(e)troacten heeft de p(ro)cur(eur) desselfs he(re)n diericx/ geseet en(de) gep(ro)poneert opde selve ae(n)sprake(n)/ in tijden voirleden bijd(er) wed(er)p(ar)tien gedaen hoe/ / dat hij d(aer) mede verdoelt was ende besund(er)t/ vand(en) pachten ende rinten verloepen dair q(ue)stie/ af es voe(r) de leste divisie in dien dat hij/ woude doen blijcken genoech zijnde behoirlijcke/(con)fiscatie d(aer) af gesciet te zijne Ende soe v(er)re/ dat aenghinck den nae pachten dat hij hoepte/ d(aer)af cortsel te hebben(e) ten mi(n)sten van drie jae(re)n/ ende hoe dat de selve ad(ri)aen d(aer) vele op gehave(n)/ hadde ende alsoe vele dat hij hielt dat/ hij bycans bet(aelt) soude wesen d(aer)af gheen reken(inge)/ gebuert en was v(er)sueken(de) dat de selve ad(ri)aen en(de)/ hij tsamen rekenen souden D(aer)op de voirs(creven) p(ro)cur(eur)/ des voirs(creven) ad(ri)aens r(e)plice(re)nde seydt dat hem/ verwonderde dat de voirs(creven) h(er)dierick met e(n)nig(er)/(con)fiscatien in desen hem woude behulpen die hij/ niet en specificeerde noch en cleerde hoe/ en(de) in wat manie(re)n die gebuert was Oick/ soe hadde ad(ri)aen de hont altijt geweest ende/ hem gehouden inder stadt van mechelen inden/ tijde vand(en) orlogen en(de) d(aer) te voe(re)n t(er) zijd(en) van/ mijne(n) gened(igen) hee(re) (et)c(etera) hopen(de) dat hij in dien/ niet gefondeert en was Ende soe v(er)re dat/ aenghinck den cortsel repliceerde de selve/ p(ro)cur(eur) dat de rinte d(aer) questie af es niet/ en stont op panden oft goeden die bescadicht/ mochten wesen mair op borgen en(de) p(ar)ticulie(re)/ p(er)sonen in zijne(n) br(ieven) begrepen d(aer) af men gheen/ cortsel en behoirde te doene soe hij seydt De/ wed(er)p(artie) de (contra)rie sustine(re)nde ende aengaen(de)/ der rekeni(n)gen die de voirs(creven) p(ro)cur(eur) v(er)socht heeft/ hij geseet datmen in v(er)re nae niet bevi(n)den/ en soude dat hij van zijne(n) jae(re)n d(aer)af hij eysch/ gemaect hadde geco(n)tenteert was hoe wel dat/ / der wed(er)p(ar)tien beliefde te seggen(e) Seggende/ oick dat anders niet en wae(r) dan uutwegen/ om den selven aenlegge(r) van zijne(n) voirnemen(en)/ te v(er)lingen(e) en(de) hem te leyden bij delaye(n) en(de)/ v(er)treck(en) (et)c(etera) met meer ande(r) gelijcke woird(en)/ in wersijden geallig(er)t Es gewesen t(er) maniss(en)/ smeyers bijden scepen(en) opde alt(er)catie bijden/ p(ar)tien voirs(creven) dat zij de sake soe v(er)re dat/ aenghinck der (con)fiscatien boven geruert v(er)sonden/ voe(r) mijne(n) gened(igen) hee(re) en(de) zijne(n) raide in brab(ant)/ ende soe v(er)re dat aenghinck den cortsel/ dat p(ar)tien gaen souden bijden raide vander/ stadt om d(aer)af te gescieden soe behoe(re)n soude/ ende vand(er) reken(inge) voe(r) geruert vand(er) betali(n)ge/ die gebuert soude moegen zijn d(aer) questie/ af es dat p(ar)tien d(aer)af bij een gaen soud(en)/ en(de) rekene(n) en(de) dat zij in dien ov(er)comen/ souden opdat zij consten ende soe v(er)re zij/ des niet gedoen en consten dat zij tot eene(n)/ seke(re)n gelegen(en) dage wed(er)quamen om in dien/ en(de) der pri(n)cipaelder materien aengaende/ voirts rechts te plegen soe behoe(re)n soude/ Act(um) in scampno p(rese)ntib[(us)] o(mn)ib[(us)] scabinis dempt(is)/ pynnock hoeven m(ar)tii sexta