Nae dien bijden wethoude(re)n der stadt van/ loeven(e) zijn gecomp(ar)eert godevaert tsoers als/ oem maech ende vrindt van marien balthazar/ en(de) diericken vand(er) moelen wettige kinde(re)n/ diericx wijlen vand(er) moelen en(de) heylwigen/ / wijlen tsoers zijnder werdynnen en(de) (christ)iaen dridoe(n)s/ oic als maech ende vrindt der selver drie kinde(re)n/ onder hue(r) dagen wesen(de) bege(re)nde en(de) v(er)sueken(de)/ want de voirs(creven) jonge wesen die woenachtich/ zijn inde stad van diest hue(r) saken en(de) affairen/ qualiken consten beleyden buyten en(de) bynnen/ tot div(er)sen plaetssen sonder te hebben(e) mo(m)boirs/ en(de) facteurs in dien ende d(aer)af onversien wae(re)n/ dat der selver stadt believen woude om de/ selve hue(r) sake en(de) affairen te beleiden(e) als/ dat behoirt Soe hebben de selve wethoud(er)s/ bevi(n)den(de) de voirs(creven) beg(er)te in reden(en) gefund(er)t/ te zijne geordineert en(de) gecreeert den selven/k ombejairden kinde(re)n voe(r) hue(r) mo(m)boe(r)s/ en(de) facteurs vand(er) moeder zijden den voirs(creven)/ godevarde en(de) (christ)iane Ende want alsoe/ de selve vrinden voirs(creven) te kennen gaven/ h(ier)omtrint noch oick bynnen la(n)ts egheen(en)/ p(er)sonen van svaders zijd(en) te crigen(e) en wae(re)n/ om mede mo(m)boirs en(de) facteurs der selver/ kinde(re)n te zijne soe hebben zij en(de) oick/ de ombejairde kinde(re)n begheert hen toe/ gevueght te wordden(e) inde stadt van/ svaders zijden he(re)n pete(re)n voeghts prieste(r)/ woenende inde stadt van diest dwelck/ den [selve(n)] ande(re)n vrinden ende ombejairden/ kinde(re)n oick bijd(er) stadt gea(n)nveert es Ende/ zijn alsoe tsamen en(de) elck van hen gecreeert/ als voe(r) ende gegeven mo(m)boirs der selv(er)/ kinde(re)n Geven(de) volcome(n) macht den selven/ mo(m)boe(re)n de selve ombejairde kinde(re) te/ regeren(e) te gouv(er)neren(e) in hue(re)n goed(en) ende/ anssins als zij ter meest(er) salich(eit) en(de) p(ro)fijte/ der selver kinde(re)n bevi(n)den sullen behoiren(de)/ / ende gelijc goede mo(m)boirs schuldich zijn/ te doene behalven altijt goede rekeni(n)ge/ van hue(re)n admi(n)stratien cor(am) ijssche burg(imagistr)[o]/ h(er)meys baets scabinis et plu(r)ib[(us)] aliis/ de (con)s(ili)[o] m(ar)tii xv