Item de voirs(creven) drie ombejairde kinde(re)n/ met (con)sente wille en(de) wetene(e) der voirs(creven)/ hue(re)n mo(m)boirs in p(rese)ntia hebben gelaudeert/ geapp(ro)beert en(de) geratificeert en(de) mits desen/ app(ro)be(re)n en(de) ratifice(re)n en(de) geloven van w(er)den/ te houden(e) alle alsulke sceydingen ende/ deilingen als hue(r) ouders en(de) oic e(n)nige/ ande(r) hue(r) vrinden gesame(n)tlijck oft besund(er)t/ gemaict en(de) gedaen moegen hebben van/ allen en(de) yegewelken hue(re)n erfgoeden hen/ gecomen van seke(re)n hue(re)n vrinden ende/ magen vand(er) moed(er) zijden het zij bij tijde/ van hue(re)n vader ende moed(er) oft d(aer)nae/ gebuert en(de) dat alsoe wel die voer/ no(ta)r(is) ende getuygen geschiet moegen zijn/ oft voe(r) ande(r) goede Nadien hebben/ insgelijcx de voirs(creven) kinde(re) bij (con)sente/ als voe(r) malcande(re)n toegeseet egheen sceydinge/ en(de) deylinge van hue(re)n ande(re)n goeden van vader/ ende moeder gecomen d(aer)af zij noch onv(er)deilt staen/ te doene bynnen drie jae(re)n naistc(omende) mair die te/ laten wesen tot huer(er) ald(er) behoef om d(aer) af alsd(an)/ gedaen te wordden(e) soe hue(re)n raidt en(de) vanden/ mo(m)boirs voirs(creven) gedragen sal noch oick de selve/ goede te versetten(e) te vercoepen(e) oft te alieneren(e) in/ e(n)nig(er) manie(re)n ten wae(re) bij noode en(de) dat bij (con)se(n)te/ / van hue(ren) magen ende vrinden en(de) besundert/ vanden voirs(creven) mo(m)boirs Ende oft de (contra)rie van/ dien gebuerde te weten(e) dat de voirs(creven) ombe/ jairde kinde(re) hue(r) goede alieneerden oft v(er)setten/ sonder (con)sente en(de) nootorbe(r) als voe(r) dat tselve/ van egheend(er) weerden gehouden en sal wordden/ mair geacht voe(r) ombeh(oirlijck) gebuert en(de) gesciet/ Hebben oick de voirs(creven) kinde(re) geconsenteert oft/ gebuerde dat e(n)nige van hue(re)n rinten oft/ pachten afgeleet werdden dat de pe(n)ni(n)g(en)/ d(air)af comen(de) bijden voirs(creven) mo(m)boirs sullen ontfaen/ werdden ende dat die wed(er)om angeleet/ sullen wordden ten meeste(n) orb(er) en(de) p(ro)fijte va(n)d(en)/ selven ombejairden kinde(re)n cor(am) h(er)meys baets/ m(ar)tii xv