Item joes borchs sone jans borchs ende yde van/ ro(m)male docht(er) arnts wijlen van ro(m)male diemen/ hiet struyve(n)s in p(rese)ntia hebben genomen en(de)/ bekint genomen te hebben tegen meeste(re)n g(er)de/ van baussele sijn moelen gelegen te streke/ onder sinte pet(er)s vissenake metten toebehoirten/ Te houden te hebben te gebruycken van sint/ jans(mis)s[e] lestleden eene(n) t(er)mijn van zesse jae(re)n/ lanck due(re)nde deen nae dand(er) sonder middel/ vervolgen(de) Behoud(elijc) dat zij van malca(n)de(re)n moge(n)/ sceyden ten drie yerste jae(re)n behoud(elijc) dat de/ ghene die sceiden soude willen sculdich soude/ zijn den ande(re)n dat op te seggen (½) jaer te voe(re)n/ Elcx jairs d(aer)enbynnen te weten(e) dierste jair/ om ende voe(r) xvii mudden corens thiensch sulcx/ greyns als de moelen wynnen sal tweeste/ jair om xviii gelijcke mudde(n) ende dande(r)/ vervolgen(de) jae(re)n elcx jairs om xix mudden/ jairlijcx tot vier t(er)mijne(n) te betalen(e) Te weten(e)/ alle viere(n)deele(n) jairs een vie(re)ndeel d(aer)aff des/ sal den wynne voir dierste jair te cortte(n) comen/ alsoe vele als van s(in)[t] jans(mis)s[e] tot des sondaighs/ nae s(in)[t] jacops dach gedragen(de) vijf weken/ te weten(e) dierste vie(re)ndeel te bamisse dander/ te kersmesse tderde te half merte en(de) tvierde/ s(in)[t] jans(mis)s[e] ende te wynge int hoff des voirs(creven)/ meest(er) gheerts oft te thienen dairt meeste(re)n g(er)de/ best gelieve(n) sal te leve(re)n quol(ibe)t ass(ecu)[tu(m)] Item es/ vorwerde dat de voirs(creven) pechteners sculdich sullen/ / zijn de moelen alsoe te verwae(re)n (et)c(etera) et ulteri(us)/ de verbo ad verbu(m) p(rou)t in acce(n)se q(uod) h(abetu)r de eod(em) mole(n)dino/ febr(uarii) vi xcvi ende d(aer)toe noch dese (con)ditie It(em) de/ pechteners sullen meeste(re)n gheerde jairl(ix) een vercken/ houden van omtrint paesschen en(de) ald(aer) te laten loepen/ tot den oeghste dwelc meest(er) g(er)t jairl(ix) omt(rint) paessche(n)/ hem coepen ende leve(re)n sal Ende alle dese vorw(er)den/ cor(am) buets(ele) bouch(out) julii xxvii