Item claes van meldert heeft geloeft janne/ vanden dale navolgende der geluften bij den/ selven claese ende zijne(n) medeplegers den/ voirs(creven) janne gedaen voe(r) scepen(en) van loeven(e)/ opten vi[te(n)] dach ap(ri)lis lestleden vand(er) so(m)men van/ hondert en(de) xxxi rinsg(ulden) die geloeft wae(re)n te bet(alen)/ te weten de hondert r(ins)g(ulden) d(aer)af te bamesse ende/ dande(r) xxxi r(ins)guld(en) te paesschen d(aer) nae Dat/ hij van wegen desselfs jans vand(en) dale betalen/ en(de) afdoen sal aen janne roelofs de so(m)me van/ hondert r(ins)gul(den) eens te weten(e) half te bamesse/ naistc(omende) en(de) half te paessche(n) d(aer) nae volgende/ in mi(n)dernissen van alsulken hondert en(de) nege(n)tich/ r(ins)g(ulden) eens als de voirs(creven) jan vanden dale/ geloeft heeft te bet(alen) den voirs(creven) janne roelofs/ ten t(er)mijne(n) voirs(creven) opte(n) ix[te(n)] dach van octobri lestled(en)/ ende dat hij de selve hondert r(ins)gul(den) voirs(creven) den/ selve(n) janne roelofs soe in tijts bet(alen) sal ten t(er)mijne(n)/ voirs(creven) als dat de voirs(creven) jan vanden dale noch/ zijn borgen oft hue(r) goede d(aer) voe(r) niet bescadicht/ en worden ende oft uut saken van dien e(n)nige/ scade gedaen wordde dat de selve claes die/ sculdich sal zijn te dragen en(de) te betalen Ende ter/ ander zijden heeft geconse(n)teert de voirs(creven) jan/ vanden dale dat de voirs(creven) claes en(de) zijn borge(n)/ vand(en) ande(re)n xxxi r(ins)gulden(en) inde voirs(creven) gelufte/ vand(er) daet vi april(is) begrepen mits betalende/ en(de) voldoende de voirs(creven) hondert r(ins)gulden(en) den/ t(er)mijne(n) voirs(creven) ongehouden ende ombelast sullen/ bliven Behoud(elijc) dat die selve gelufte in/ vigue(r) bliven sal totter tijt toe de voirs(creven) hond(er)t/ rinsgulden(en) en(de) alle costen die bij gebreke van/ / betalingen van dien d(aer)uuyt rijsen mochten/ betaelt sullen sijn Te dier meyni(n)gen oft de/ voirs(creven) claes gebreckelijc wae(r) de voirs(creven) hondert/ rinsg(ulden) te bet(alen) ten t(er)mijne(n) voirs(creven) dat jan va(n)d(en)/ dale in dien gevalle de selve hondert r(ins)g(ulden)/ en(de) alle coste(n) d(aer)om te doene soude moegen v(er)hale(n)/ oft hem geliefde alsoe wel opde ande(r) v(er)oblig(er)de/ p(er)sonen inder selver geluften begrepen en(de) hue(r)/ goede als opden voirs(creven) claese en(de) zijn goede/ sonder argelist Behoudelijc dat de voirs(creven) jan/ vand(en) dale en(de) de voirs(creven) claes van meldert/ en(de) de wed(uw)[e] anth(onis) wijlen thoenis opde ande(r)/ mede veroblig(er)de p(er)sonen ind(en) scep(enen) br(ieven) begrepen/ sullen connen verreycken dat zij onder hen/ drien dat tsamen trecken sullen te weten(e)/ elc van hen deen derdel d(aer) aff Ende oft/ m(ijn) hee(re) van chanteraine namaels gecondemp(neert)/ wordde dese sculden te betalen dat in dien/ gevalle elc van hen trecken soude van m(ijn) hee(re)/ van chanteraine alsoe vele als hij uutgeleedt/ hadde sonder argelist cor(am) bouch(out) baets julii/ xxviii