Want steven van capenb(er)ge als p(ro)cur(eur) m(ijn) vrouwe(n)/ ende des (con)vents godsh(uys) van vr(ouwen) p(er)cke geleydt/ zijnde nae des(er) stadt recht voir zijn wettich/ gebreck uut crachte van scepen(en) brieven van/ loeven(e) tot allen den goeden beyde have ende/ erve lod(ewijx) vander elst en(de) marie(n) van dyeven zijnd(er)/ huysvr(ouwe) soe wair die gelegen zij hem met/ br(ieven) van des(er) stadt gescreven aenden drossete/ / van rotselair oft zijne(n) stadthoude(r) alle de selve/ goede behoirlijck heeft doen leve(re)n ende den voirs(creven)/ lodewijcke vand(er) elst en(de) zijnd(er) huysvr(ouwe) dach van/ rechte te comp(ar)e(re)n alh(ier) inde banck voe(r) meye(r) en(de)/ scep(enen) van loeven(e) oft zij dair tegen yet hadden/ willen allige(re)n doen bescheyden Ald(air) zij op heden/ als ten dage van rechte d(aer)toe dienen(de) niet/ gecomp(ar)eert en zijn noch p(ro)cur(eur) van hue(re)n wegen/ ende bruede(re)n janne paeps als p(ro)cur(eur) des voirs(creven)/ godsh(uys) comp(ar)e(ren)de en(de) trecht voirts v(er)sueken(de) soe v(er)re/ dat scepen(en) van loeven(e) t(er) manissen smeyers nae/ dat hen behoirl(ijck) gebleken heeft bij resc(ri)pte gheerts/ de scrij(n)make(re) dienae(r) van rotselair tvoirs(creven) exploit/ geschiet te zijne gewesen hebben met vo(n)nisse wair/ de wed(er)p(ar)tie vanden voirs(creven) geleidden niet en comp(ar)eerde/ voe(r) den opstaen(e) smeyers en(de) der scepen(en) datmen den/ selve(n) geleidden vanden voirs(creven) goeden houden soude/ inde macht van sijne(n) beleide scep(enen) brieven en(de) leveri(n)g(en)/ alsoe v(er)re alst noch voir scepen(en) comen es in scampno/ m(ar)tii xxiii