Allen den ghene(n) dat jan van lieffkenrode zoe(n) wijle(n) meesters/ reyners van lieffkenrode in p(rese)ntia heeft geconst(it)ueert geco(n)se(n)teert/ volcome(n) macht en(de) auctoriteyt gegeven ende mits des(er)/ consenteert ende gheeft volcome(n) macht en(de) auctoriteyt/ anthonijse absoloens ende meest(ere)n janne vand(er) linden/ oft den eene(n) van hen bezund(er)t bring(er) sbrieffs om soe/ v(er)re het aengaet den voers(creven) janne van lieffkenrode/ te compare(re)n voe(r) wethoude(re)n van leeuwe en(de) ald(aer) ten/ erffchijse uut te geve(n) en(de) te goede(n) claese van s(ent)truden/ alsulken huys en(de) hoff met allen zijne(n) toebehoirten/ gelegen te leeuwe inde ridderstrate als gebleve(n) es/ nae de doot pet(er)s wijlen van lieffkenrode na(tur)lijck/ met allen solempniteyten van rechte d(aer)toe naed(er) selv(er)/ stadt recht van leeuwe behoe(re)nde Op sulke vuege/ en(de) conditie dat den selven janne van lieffkenrode/ inde erffrinte die opt tselve huys zal blive(n) staen(de)/ gereserveert zal wordden alsulken actie soe groot/ en(de) cleyne als hem inde erffelich(eit) vand(en) gronde voers(creven)/ alsnu (com)pete(re)n soude moegen soe wa(n)neer beslicht/ van rechte oft mett(er) mi(n)ne(n) tussche(n) hem en(de) den erffgename(n)/ van janne wijlen vand(er) borch d(aer)aff gedaen zal zijn/ promitt(ens) ratu(m) renu(n)c(ians) cor(am) buetsele bouchout/ aprilis secunda