Want meest(er) machiel absoloens als geleidt nae des(er)/ stadt recht voir zijn wettich gebreck uuyt crachte/ van scepen(en) brieven van loeven(e) tot allen den goeden/ beide have en(de) erve zegers wijlen van nederhem en(de)/ jans wijlen meys soe wair die gelegen zijn he(m)/ met br(ieven) van des(er) stadt gescreven aenden meye(r)/ van cu(m)ptich oft zijne(n) stadthoude(r) te vertrijcke alle/ de selve goede behoirl(ijc) heeft doen leve(re)n ende/ arnde(n) zege(re)n en(de) willem(me) van ned(er)hem gebruede(re)n/ sonen des voirs(creven) wijlen zegers en(de) ruelen(en) la(m)brechts/ hue(re)n swag(er) dach van rechte te comp(ar)e(re)n alh(ier) inde/ banck voe(r) meye(r) ende scepen(en) van loeven(e) oft/ zij hen d(aer) tegen hadden willen oppone(re)n doen/ bescheiden Ald(aer) zij op heden als ten daighe/ van rechte d(aer)toe dienen(de) niet gecomp(ar)eert en/ zijn noch p(ro)cur(eur) van hue(re)n wegen ende willem(me)/ van leefd(ale) als p(or)cur(eur) des voirs(creven) meest(er) mach(iels)/ comp(ar)e(re)nde en(de) trecht voirts v(er)sueken(de) soe/ v(er)re dat de scepen(en) van loeven(e) t(er) manissen/ smeyers nae dat hen behoirl(ijc) gebleken/ heeft bij resc(ri)pte giel(is) most stadthoude(r) smeyers/ van cu(m)ptich tvoirs(creven) exploit geschiet te zijne/ gewesen hebben met vo(n)nisse Wair de wed(er)p(ar)tie/ vand(en) voirs(creven) geleydd(en) niet en comp(ar)eert voe(r)/ den opstaen(e) smeyers ende der scepen(en) datmen/ den selven geleidden vand(en) voirs(creven) goed(en) houden/ soude inde macht van sijne(n) beleide scepen(en) br(ieven)/ en(de) leveri(n)gen soe v(er)re alst noch voir scepen(en)/ comen es in scampno augusti xi